SRHతో మ్యాచ్.. ఫిఫ్టీ కొట్టినా సెలబ్రేట్ చేసుకోని కోహ్లీ.. ఎందుకంటే?

టీ20 వరల్డ్ కప్​-2024కు ముందు స్టార్ బ్యాటర్ విరాట్ కోహ్లీ ఫుల్ స్వింగ్​లోకి వచ్చేశాడు. ఐపీఎల్​లో అతడి బ్యాట్ మ్యాచ్​ మ్యాచ్​కు మరింతగా పదునెక్కుతోంది. తాను ప్రాతినిధ్యం వహిస్తున్న ఆర్సీబీ వరుస ఓటముల పాలై ప్లేఆఫ్స్ రేసు నుంచి నిష్క్రమించినా కింగ్ మాత్రం ఇంకా గివప్ ఇవ్వడం లేదు. బెంగళూరు గెలుపు కోసం ప్రతి మ్యాచ్​లో తనకు సాధ్యమైనంతగా కృషి చేస్తున్నాడు. హండ్రెడ్ పర్సెంట్ ఎఫర్ట్ పెడుతూ పరుగుల వరద పారిస్తున్నాడు. సన్​రైజర్స్ హైదరాబాద్​తో ఉప్పల్ వేదికగా జరుగుతున్న మ్యాచ్​లో మరో మంచి ఇన్నింగ్స్ ఆడాడు. హాఫ్ సెంచరీతో తన బ్యాటర్ పవర్ ఏంటో ఇంకోసారి చూపించాడు.

ఎస్​ఆర్​హెచ్​తో మ్యాచ్​లో 43 బంతుల్లో 51 పరుగులు చేశాడు కోహ్లీ. ఇందులో 4 బౌండరీలతో పాటు 1 సిక్స్ ఉంది. ఆరంభంలో దూకుడుగా ఆడాడు కింగ్. కానీ ఆ తర్వాత వరుసగా వికెట్లు పడటంతో నెమ్మదించాడు. ఎట్టకేలకు హాఫ్ సెంచరీ బాది టీమ్​ భారీ స్కోరులో కీలకపాత్ర పోషించాడు. అయితే అర్ధ సెంచరీ మార్క్​ను చేరుకున్నాక అతడు సెలబ్రేషన్స్ చేసుకోలేదు. దీంతో ఎందుకిలా చేశాడంటూ అందరూ చర్చించుకుంటున్నారు. దీనిపై సోషల్ మీడియాలో నెటిజన్స్ భిన్నాభిప్రాయాలు వ్యక్తం చేస్తున్నారు.

మంచి ఊపులో ఉన్నాడు.. కాబట్టి ఇంకో సెంచరీ కొడతాననే కాన్ఫిడెన్స్​తోనే విరాట్ సెలబ్రేషన్ చేసుకోలేదని కొందరు నెటిజన్స్ అంటున్నారు. శతకం మార్క్​కు చేరాక సెలబ్రేట్ చేసుకుందామని అనుకున్నాడని చెబుతున్నారు. మరికొందరేమో ఆర్సీబీ వరుస ఓటముల్లో ఉంది కాబట్టి గెలిస్తే కానీ సెలబ్రేట్ చేసుకోకూడదనే ఉద్దేశంతోనే కోహ్లీ సైలెంట్​గా క్రీజులోనే ఉండిపోయాడని చెబుతున్నారు. ఇంకొందరేమో ఫిఫ్టీలు, హండ్రెడ్​లు అతడికి కామన్ అయిపోయాయని.. అందుకే లైట్ తీసుకున్నాడని కామెంట్స్ చేస్తున్నారు. అయితే అసలు కారణం ఏంటనేది స్వయంగా కోహ్లీ చెబితే గానీ తెలియదు.  మరి.. విరాట్ సెలబ్రేట్ చేసుకోకపోవడం వెనుక ఎగ్జాక్ట్ రీజన్ ఏమై ఉంటుందని మీరు అనుకుంటున్నారో కామెంట్ చేయండి.

• ఇదీ చదవండి: చాహల్ భార్యపై దారుణమైన ట్రోల్స్.. పెళ్లి చేసుకుని తప్పు చేశావ్ అంటూ!