Nidhan
ఐపీఎల్-2024లో టాప్-2లో నిలిచిన కేకేఆర్, ఎస్ఆర్హెచ్ కీలక పోరుకు సిద్ధమవుతున్నాయి. ఈ రెండు జట్ల మధ్య అహ్మదాబాద్ వేదికగా ఇవాళ సాయంత్రం క్వాలిఫయర్-1 పోరు జరగనుంది.
ఐపీఎల్-2024లో టాప్-2లో నిలిచిన కేకేఆర్, ఎస్ఆర్హెచ్ కీలక పోరుకు సిద్ధమవుతున్నాయి. ఈ రెండు జట్ల మధ్య అహ్మదాబాద్ వేదికగా ఇవాళ సాయంత్రం క్వాలిఫయర్-1 పోరు జరగనుంది.
Nidhan
సీజన్ మొత్తం హవాను నడిపించాయా రెండు జట్లు. ఎదురొచ్చిన ప్రతి టీమ్ను చిత్తు చేసుకుంటూ పోయాయి. భయం లేకుండా ఆడుతూ ప్రత్యర్థులను వణికించాయి. వాళ్లతో మ్యాచ్ అంటేనే ప్రత్యర్థి జట్లు భయపడే స్థితికి తీసుకొచ్చాయి. గ్రూప్ స్టేజ్ ముగిసేసరికి టాప్-2లో నిలిచాయి. అవే కోల్కతా నైట్ రైడర్స్, సన్రైజర్స్ హైదరాబాద్. ఈ రెండు టీమ్స్ ఐపీఎల్-2024లో దుమ్మురేపాయి. అదిరిపోయే ఆటతీరుతో ప్లేఆఫ్స్ రేసులోకి దూసుకొచ్చాయి. గ్రూప్ దశ ముగిసేసరికి మొదటి రెండు స్థానాల్లో నిలిచిన ఎస్ఆర్హెచ్, కేకేఆర్ కీలకమైన పోరుకు సిద్ధమయ్యాయి. ఈ రెండు జట్ల మధ్య ఇవాళ అహ్మదాబాద్లోని నరేంద్ర మోడీ స్టేడియంలో క్వాలిఫయర్-1 జరగనుంది. ఇందులో నెగ్గిన టీమ్ ఫైనల్స్కు క్వాలిఫై అవుతుంది.
ఇవాళ జరిగే క్వాలిఫయర్-1 ఓడిన జట్టు.. క్వాలిఫయర్-2లో ఎలిమినేటర్లో గెలిచిన టీమ్తో తలపడుతుంది. ఈ నేపథ్యంలో కేకేఆర్-ఎస్ఆర్హెచ్ తమ బలాబలాలను సమీక్షించుకుంటున్నాయి. గెలవడానికి అవసరమైన వ్యూహాలు పన్నుతున్నాయి. ఆయా జట్ల అభిమానులు కూడా ఈ మ్యాచ్ కోసం ఆసక్తిగా ఎదురుచూస్తున్నారు. కొందరు సెంటిమెంట్లను నమ్ముకుంటున్నారు. ఈ క్రమంలోనే ఓ సెంటిమెంట్ ఆరెంజ్ ఆర్మీ ఫ్యాన్స్కు కిక్ ఇస్తోంది. అయితే ఈ సెంటిమెంట్ను చూసి కోల్కతా టీమ్ భయపడుతోంది. క్వాలిఫయర్ 1 మ్యాచ్కు ఆతిథ్యం ఇస్తున్న అహ్మదాబాద్ స్టేడియంలో కేకేఆర్ పించ్ హిట్టర్ సునీల్ నరైన్కు మంచి రికార్డు లేదు. ఆ గ్రౌండ్లో ఇప్పటిదాకా ఒక్క పరుగు కూడా చేయలేదతను. ఆడిన మూడు మ్యాచుల్లోనూ డకౌట్ అయ్యాడు.
అహ్మదాబాద్ గ్రౌండ్లో ఐపీఎల్-2021లో తొలిసారి ఆడాడు నరైన్. పంజాబ్ కింగ్స్తో జరిగిన ఆ మ్యాచ్లో 4 బంతులు ఎదుర్కొని పరుగులేమీ చేయకుండానే పెవిలియన్కు చేరాడు. అదే ఏడాది ఢిల్లీ క్యాపిటల్స్తో అదే మైదానంలో ఆడిన తొలి బంతికే ఔట్ అయ్యాడు. ఐపీఎల్-2023లో గుజరాత్ టైటాన్స్తో మరోమారు అదే వేదికలో ఆడిన నరైన్.. గోల్డెన్ డకౌట్ అయి క్రీజును వీడాడు. ఇప్పటిదాకా ఐపీఎల్లో అహ్మదాబాద్ గ్రౌండ్లో ఒక్క పరుగు కూడా చేయలేకపోయాడు నరైన్. ఇదే విషయం కోల్కతా మేనేజ్మెంట్ను భయపెడుతోంది. ఇవాళ ఎస్ఆర్హెచ్ మీద కూడా ఇలాగే ఆడితే తమ పని ఫినిష్ అని వణుకుతోంది. ఈ సెంటిమెంట్ గురించి తెలిసిన సన్రైజర్స్ ఫ్యాన్స్.. ఇది మళ్లీ రిపీట్ అవ్వాలని కోరుకుంటున్నారు. కాగా, ఈ ఐపీఎల్లో 461 పరుగులు చేసిన ఈ కరీబియన్ స్టార్.. బాల్తోనూ రాణించి 15 వికెట్లు తీశాడు. మరి.. నరైన్ ఈ మ్యాచ్లో ఫెయిల్ అవుతాడా? అదరగొడతాడా? మీ అభిప్రాయాలను కామెంట్ చేయండి.
View this post on Instagram
