ఓటములతో కసి మీద ఉన్న రెండు టాప్ టీమ్స్ మధ్య పోరుకు అంతా రెడీ అయింది. చెన్నై సూపర్ కింగ్స్తో తాడోపేడో తేల్చుకునేందకు సన్రైజర్స్ హైదరాబాద్ సిద్ధమవుతోంది.
ఓటములతో కసి మీద ఉన్న రెండు టాప్ టీమ్స్ మధ్య పోరుకు అంతా రెడీ అయింది. చెన్నై సూపర్ కింగ్స్తో తాడోపేడో తేల్చుకునేందకు సన్రైజర్స్ హైదరాబాద్ సిద్ధమవుతోంది.
ఓటములతో కసి మీద ఉన్న రెండు టాప్ టీమ్స్ మధ్య పోరుకు అంతా రెడీ అయింది. చెన్నై సూపర్ కింగ్స్తో తాడోపేడో తేల్చుకునేందకు సన్రైజర్స్ సిద్ధమవుతోంది. మొదటి మ్యాచ్లో ఓడిన ఎస్ఆర్హెచ్.. ఆ తర్వాత రికార్డ్ స్కోరింగ్ మ్యాచ్లో ముంబై ఇండియన్స్ను చిత్తు చేసింది. అయితే మూడో మ్యాచ్లో గుజరాత్ టైటాన్స్ చేతిలో ఓటమితో గాడి తప్పింది. అటు డిఫెండింగ్ ఛాంపియన్ సీఎస్కే కూడా వరుస గెలుపుల తర్వాత ఢిల్లీ క్యాపిటల్స్ చేతుల్లో ఓటమితో కసి మీద ఉంది. మరి.. ఈ రెండు జట్ల మధ్య శుక్రవారం జరగనున్న ఈ మ్యాచ్లో ఏ టీమ్ ప్లేయింగ్ ఎలా ఉండనుంది? ఎవరి విజయావకాశాలు ఎలా ఉన్నాయో ఇప్పుడు తెలుసుకుందాం..
టోర్నీని పాజిటివ్గా స్టార్ట్ చేసింది సన్రైజర్స్. ఫస్ట్ మ్యాచ్లో తృటిలో గెలుపు చేజారినా.. నెక్స్ట్ మ్యాచ్లో ముంబైని చిత్తు చేసింది. అయితే గుజరాత్ చేతిలో ఓడి మళ్లీ గాడి తప్పింది. కెప్టెన్ ప్యాట్ కమిన్స్ టీమ్ను సమర్థంగా నడిపిస్తున్నాడు. అతడు బౌలింగ్లోనూ రాణిస్తుండటం కలిసొచ్చే అంశం. అభిషేక్ శర్మ, హెన్రిచ్ క్లాసెన్ భీకర ఫామ్లో ఉండటం టీమ్కు కొండంత బలం. గత మ్యాచ్లో మంచి స్టార్స్ అందుకున్నా భారీ స్కోర్లుగా మలచలేకపోయారు. వాళ్లు గానీ క్రీజులో సెటిల్ అయ్యారా ప్రత్యర్థి బౌలర్లకు చుక్కలే. ట్రావిస్ హెడ్ కూడా సూపర్ టచ్లో ఉన్నాడు. లోయరార్డర్లో అబ్దుల్ సమద్ రాణిస్తుండటం టీమ్కు మరో ప్లస్. అయితే బౌలింగ్ విభాగం జట్టుకు మైనస్గా మారింది. కమిన్స్ తప్పితే ఎవరూ నిలకడగా పెర్ఫార్మ్ చేయడం లేదు. భువీ, ఉనాద్కట్, సుందర్, మార్కండే భారీగా పరుగులు సమర్పించుకోవడం బిగ్ వర్రీ అనే చెప్పాలి.
మొదటి మ్యాచ్లో ఆర్సీబీ, రెండో మ్యాచ్లో జీటీని చిత్తు చేసిన చెన్నై.. మూడో మ్యాచ్లో ఢిల్లీ చేతిలో ఓడిపోయింది. బ్యాటర్ల ఫెయిల్యూర్ వల్లే తొలిసారి సీజన్లో ఓటమిని రుచి చూసింది రుతురాజ్ సేన. ఓపెనర్ రచిన్ రవీంద్ర గత మ్యాచ్లో స్లోగా ఆడాడు. సీనియర్లు అజింక్యా రహానె, డారిల్ మిచెల్ మంచి టచ్లో కనిపిస్తుండటం బలంగా మారింది. రుతురాజ్ బ్యాటింగ్లో కన్సిస్టెన్సీ లోపించింది. శివమ్ దూబె కూడా స్లోగా ఆడటం డీసీతో పోరులో సీఎస్కేను ఇబ్బంది పెట్టింది. అతడు దీనిపై ఫోకస్ చేయాలి.
లెజెండ్ ఎంఎస్ ధోని సంచలన ఇన్నింగ్స్తో తన ఫామ్ను చాటుకోవడం బిగ్ ప్లస్. అవసరాన్ని బట్టి బ్యాటింగ్లో ముందుకొచ్చి ఆడతానంటూ అతడు సిగ్నల్స్ పంపాడు. బౌలింగ్లో పతిరానా అదరగొడుతున్నాడు. అయితే ముస్తాఫిజుర్ ఈ మ్యాచ్కు దూరమయ్యాడని వార్తలు వస్తున్నాయి. వీసా ఇష్యూస్ వల్ల అతడు స్వదేశానికి పయనమయ్యాడని.. త్వరలో వస్తాడని సమాచారం. దీంతో సీఎస్కే బౌలింగ్ యూనిట్ కాస్త బలహీనంగా కనిపిస్తోంది.
ఈ ఇరు జట్ల మధ్య ఉప్పల్ వేదికగా జరగనున్న మ్యాచ్లో సన్రైజర్స్ గెలవడం ఖాయం. ఈ రెండు టీమ్స్ ఇప్పటిదాకా 19 మ్యాచుల్లో తలపడ్డాయి. అందులో 14 సార్లు సీఎస్కే నెగ్గగా.. 5 మార్లు ఎస్ఆర్హెచ్ను విజయం వరించింది. రికార్డుల పరంగా చెన్నై ముందంజలో ఉన్నా.. ఎస్ఆర్హెచ్ బ్యాటింగ్ డెప్త్, ఆ టీమ్ బ్యాటర్లు కసిగా ఆడుతున్న తీరు, గెలవాలనే తపనతో కమిన్స్ జట్టును నడిపిస్తున్న విధానం, హోమ్ గ్రౌండ్లో మ్యాచ్ జరుగుతుండటంతో మొగ్గు హైదరాబాద్ వైపే ఉంది. అయితే రెండు జట్లు పటిష్టంగా ఉండటంతో తీవ్ర పోటీ తప్పేలా లేదు.
హైదరాబాద్:
మయాంక్ అగర్వాల్, ట్రావిస్ హెడ్, అభిషేక్ శర్మ, ఎయిడెన్ మార్క్రమ్, హెన్రిచ్ క్లాసెన్ (వికెట్ కీపర్), అబ్దుల్ సమద్, షాబాజ్ అహ్మద్, ప్యాట్ కమిన్స్ (కెప్టెన్), భువనేశ్వర్ కుమార్, మయాంక్ మార్కండే, జయ్దేవ్ ఉనాద్కట్.
చెన్నై:
రుతురాజ్ గైక్వాడ్ (కెప్టెన్), రచిన్ రవీంద్ర, అజింక్యా రహానె, డారిల్ మిచెల్, శివమ్ దూబె, మొయిన్ అలీ, ఎంఎస్ ధోని (వికెట్ కీపర్), రవీంద్ర జడేజా, దీపక్ చాహర్, తుషార్ దేశ్పాండే, మతీష పతిరానా.
ఇదీ చదవండి: వీడియో: ప్రామిస్ చేసి మాట తప్పారు.. RCBపై చాహల్ సీరియస్!
