RR vs PBKS: రియాన్ పరాగ్ క్రేజీ రికార్డ్.. ఎవరికీ సాధ్యం కాని రీతిలో..!

టీమ్​లో అతడు అవసరమా అన్నారు. ఓవరాక్షన్ చేయడానికి తప్ప దేనికీ పనికిరాడని విమర్శించారు. ఇలాంటోడ్ని ఎలా తీసుకున్నారని ట్రోల్ చేశారు. కానీ ఈ సీజన్​లో జట్టును అతడే కాపాడాడు. కష్టసమయాల్లో టీమ్​ను ఆదుకొని విజయాల్లో కీలకపాత్ర పోషించాడు. అతడే రాజస్థాన్ రాయల్స్ యంగ్ బ్యాటర్ రియాన్ పరాగ్. గత కొన్ని సీజన్లలో చెత్తాట, ఓవరాక్షన్​తో విమర్శలపాలైన ఈ బ్యాట్స్​మన్.. ఈసారి మాత్రం దుమ్మురేపుతున్నాడు. పరుగుల వరద పారిస్తున్నాడు. ఇవాళ పంజాబ్ కింగ్స్​తో మ్యాచ్​లోనూ అతడి బ్యాట్ గర్జించింది. 34 బంతుల్లోనే 48 పరుగులు చేశాడు పరాగ్.

బౌండరీలు, సిక్సులుతో దుమ్మురేపే పరాగ్.. పంజాబ్​తో మ్యాచ్​లో యాంకర్ ఇన్నింగ్స్ ఆడాడు. వికెట్ కాపాడుకుంటూ స్కోరు బోర్డును కదిలించడంపై ఫోకస్ చేశాడు. 42 పరుగులకే 3 వికెట్లు కోల్పోయిన జట్టు గౌరవప్రదమైన స్కోరుకు చేరుకునేలా చూశాడు. ఈ క్రమంలో అతడు క్రేజీ రికార్డు క్రియేట్ చేశాడు. ఈ సీజన్​లో ఎవరికీ సాధ్యం కానిది అతడు చేసి చూపించాడు. పంజాత్​తో మ్యాచ్​తో 500 పరుగులు పూర్తి చేసుకున్నాడు పరాగ్. తద్వారా ఈ సీజన్​లో ఐదొందల పరుగుల క్లబ్​లో చేరిన ఫస్ట్ అన్​క్యాప్డ్ ప్లేయర్​గా నిలిచాడు. ఇతర జట్లలోనూ కొందరు అన్​క్యాప్డ్ ప్లేయర్లు రఫ్ఫాడిస్తున్నారు. అయితే వారి కంటే ముందుగానే 500 రన్స్ కంప్లీట్ చేశాడు. మరి.. పరాగ్ బ్యాటింగ్​పై మీరేం అనుకుంటున్నారో కామెంట్ చేయండి.

• ఇదీ చదవండి: ఆ ఒక్క పని చేస్తే ప్లేఆఫ్స్ ఏంటి.. RCB కప్పు కూడా కొడుతుంది: కైఫ్

Riyan Parag is the first uncapped Player to complete 500 runs in IPL 2024. 💥

– The future star of India….!!!! pic.twitter.com/p1ugptieiX

— Johns. (@CricCrazyJohns) May 15, 2024