ఇది ఆరంభం మాత్రమే.. నా గోల్ అదే! పేసుగుర్రం మయాంక్ కామెంట్స్

ఐపీఎల్-2024లో ఓ బౌలర్ హాట్ టాపిక్​గా మారాడు. ఇప్పుడు ఎక్కడ చూసినా అతడి గురించి మాట్లాడుకుంటున్నాడు. పేస్ బౌలింగ్​కు అతడ్ని కొత్త డెఫినిషన్​గా చెప్పుకుంటున్నారు. అతడే మయాంక్ యాదవ్. ఈ లక్నో సూపర్ జియాంట్స్ బౌలర్ బంతులు సంధిస్తున్న తీరుకు అంతా ఫిదా అయిపోతున్నారు. 150 కిలోమీటర్ల వేగంతో కచ్చితమైన లైన్ అండ్ లెంగ్త్​లో నిలకడగా బంతులు వేస్తూ బ్యాటర్లను గడగడలాడిస్తున్నాడు మయాంక్. వరుసగా ఆడిన రెండు మ్యాచుల్లోనూ సూపర్బ్ స్పెల్స్​తో సెంటరాఫ్ అట్రాక్షన్​గా మారాడు. ఆర్సీబీతో మంగళవారం రాత్రి జరిగిన మ్యాచ్​లో 4 ఓవర్లలో 14 పరుగులు మాత్రమే ఇచ్చి 3 కీలక వికెట్లు పడగొట్టాడు. బ్యాటర్లకు పీడకలగా మారిన ఈ యంగ్ పేసర్ ఇది జస్ట్ ఆరంభం మాత్రమే అని అంటున్నాడు. అతడు తన గోల్ ఏంటో చెప్పేశాడు.

పోస్ట్ మ్యాచ్ ప్రెజెంటేషన్​లో మయాంక్ ఇంట్రెస్టింగ్ కామెంట్స్ చేశాడు. వరుసగా రెండు మ్యాచుల్లో ప్లేయర్ ఆఫ్ ది మ్యాచ్ అవార్డులను గెలుచుకోవడం మంచి విషయమన్నాడు. అయితే అవార్డుల కంటే కూడా మ్యాచులు నెగ్గినందుకు తాను హ్యాపీగా ఉన్నానని చెప్పాడు. దేశానికి ప్రాతినిధ్యం వహించడమే తన గోల్ అని.. టీమిండియాకు ఆడాలని ఉందని తెలిపాడు మయాంక్. ఇది జస్ట్ బిగినింగ్ మాత్రమేనన్న యంగ్ పేసర్.. ఇంకా సాధించాల్సింది చాలా ఉందన్నాడు. ఆర్సీబీతో మ్యాచ్​లో కామెరాన్ గ్రీన్​ను ఔట్ చేయడాన్ని చాలా ఎంజాయ్ చేశానని చెప్పుకొచ్చాడు. ఇక, బెంగళూరుతో మ్యాచ్​లో గ్రీన్​తో పాటు డేంజరస్ బ్యాటర్ గ్లెన్ మాక్స్​వెల్, రజత్ పాటిదార్​ను పెవిలియన్​కు పంపాడు మయాంక్.

ఆర్సీబీతో మ్యాచ్​తో పలు రికార్డులను తన అకౌంట్​లో వేసుకున్నాడు మయాంక్. బ్యాక్ టు బ్యాక్ 2 ప్లేయర్ ఆఫ్​ ది మ్యాచ్ అవార్డులు అందుకున్నాడీ పేసర్. తద్వారా ఐపీఎల్ హిస్టరీలో ఆడిన తొలి రెండు మ్యాచుల్లోనూ ప్లేయర్ ఆఫ్ ది మ్యాచ్​ పురస్కారాలను అందుకున్న ఫస్ట్ ప్లేయర్​గా నిలిచాడు. అలాగే 155 కిలోమీటర్లకు పైగా వేగంతో అత్యధిక సార్లు బంతులు విసిరిన బౌలర్​గా చరిత్ర సృష్టించాడు. ఇప్పటిదాకా 50 బంతులు వేసిన మయాంక్.. అందులో మూడుసార్లు 155 కిలోమీటర్లకు పైగా వేగంతో బౌలింగ్ చేశాడు. బెంగళూరుతో మ్యాచ్​లో 156.7 కిలోమీటర్ల వేగంతో ఓ బంతిని సంధించిన మయాంక్.. ఫాస్టెస్ట్ బౌలర్స్​ లిస్టులో నాలుగో స్థానంలో నిలిచాడు. ఈ జాబితాలో షాన్ టెయిట్ (157.7 కిలోమీటర్లు) ఫస్ట్ ప్లేస్​లో ఉన్నాడు. ఆ తర్వాతి స్థానాల్లో లాకీ ఫెర్గూసన్ (157.3), ఉమ్రాన్ మాలిక్ (157) ఉన్నారు. మరి.. భారత్​కు ఆడటమే తన లక్ష్యం అంటున్న మయాంక్ దాన్ని సాధించగలడని మీరు నమ్ముతున్నట్లయితే కామెంట్ చేయండి.

ఇదీ చదవండి: RCB vs LSG: వీడియో: పూరన్ భారీ సిక్సర్.. కొడితే స్టేడియం బయట పడింది!

Mayank Yadav said “More than 2 POTM, I am happy that we won both games & my goal is to play for my country”. pic.twitter.com/dLRSsYzjgi

— Johns. (@CricCrazyJohns) April 2, 2024