చరిత్ర సృష్టించిన మయాంక్ యాదవ్.. IPL హిస్టరీలోనే తొలి బౌలర్​గా రికార్డు!

మయాంక్ యాదవ్.. ఈసారి ఐపీఎల్​లో ఎక్కువగా వినిపిస్తున్న పేరు ఇది. అద్భుతమైన పేస్ బౌలింగ్​తో అందరి హృదయాలను గెలుచుకుంటున్నాడీ యువ పేసర్. 150 కిలోమీటర్లకు తగ్గని వేగంతో అతడు వేసే బుల్లెట్ బంతులకు బ్యాటర్లకు చుక్కలు కనిపిస్తున్నాయి. షాట్లు కొట్టడం పక్కనబెడితే కనీసం బాల్​ను టచ్ చేద్దామన్నా దొరకడం లేదు. క్విక్ పేస్​తో బంతులు సంధించడమే కాదు.. పర్ఫెక్ట్ లైన్ అండ్ లెంగ్త్​తో బౌలింగ్ చేస్తూ బ్యాటర్లకు నిద్రలేని రాత్రులను పరిచయం చేస్తున్నాడు. క్యాష్ రిచ్ లీగ్​లో ఆడిన తొలి మ్యాచ్​లోనే ఫాస్టెస్ట్ డెలివరీ వేసి అందరి దృష్టిని ఆకర్షించిన ఈ లక్నో పేసర్.. ఇప్పుడు మరో ఘతనను అందుకున్నాడు. ఆర్సీబీతో మంగళవారం జరిగిన మ్యాచ్​లో చరిత్ర సృష్టించాడతను.

ఐపీఎల్ హిస్టరీలోనే మూడు సార్లు 155 కిలోమీటర్ల కంటే ఎక్కువ వేగంతో బౌలింగ్ చేసిన స్పీడ్​స్టర్​గా నిలిచాడు మయాంక్. కేవలం 2 మ్యాచుల్లో 50 బంతులు మాత్రమే వేసిన అతడు ఈ ఫీట్ సాధించాడు. సన్​రైజర్స్ బౌలర్ ఉమ్రాన్ మాలిక్, ఢిల్లీ క్యాపిటల్స్ పేసర్ అన్రిచ్ నోకియా మాత్రమే 2 సార్లు 155 కిలోమీటర్ల కంటే ఎక్కువ వేగంతో బౌలింగ్ చేశారు. వాళ్లిద్దర్నీ మయాంక్ అధిగమించాడు. బెంగళూరుతో మ్యాచ్​లో అతడు ఈ ఘనతను అందుకున్నాడు. ఈ మ్యాచ్​లో ఓ బాల్​ను ఏకంగా 156.7 కిలోమీటర్ల వేగంతో వేశాడు మయాంక్. ఐపీఎల్ చరిత్రలో షాన్ టెయిట్ వేసిన 157.7 కిలోమీటర్ల బాల్ ఫాస్టెస్ట్ డెలివరీగా ఉంది. అతడి తర్వాత లాకీ ఫెర్గూసన్ (157.3), ఉమ్రాన్ మాలిక్ (157.0) ఉన్నారు.

ఫాస్టెస్ట్ బౌలర్స్ లిస్ట్​లో మయాంక్ (156.7 కిలోమీటర్లు) నాలుగో స్థానంలో నిలిచాడు. అయితే 155 కిలోమీటర్ల కంటే ఎక్కువ వేగంతో అత్యధిక సార్లు బౌలింగ్ చేసిన వారి లిస్ట్​లో మాత్రం అతడే ఫస్ట్ ప్లేస్​లో ఉన్నాడు. ఆర్సీబీతో మ్యాచ్​లో అతడు మ్యాజికల్ స్పెల్ వేశాడు. 4 ఓవర్లలో 14 పరుగులు ఇచ్చి 3 వికెట్లు పడగొట్టాడు. బుల్లెట్ పేస్​తో అతడు విసిరిన బంతులకు టాప్ బ్యాటర్స్ గ్లెన్ మాక్స్​వెల్ (0), కామెరాన్ గ్రీన్ (9)కి మైండ్ బ్లాంక్ అయింది. వీళ్లిద్దర్నీ మయాంక్ వెనక్కి పంపాడు. అలాగే మంచి ఊపు మీదున్న రజత్ పాటిదార్ (29)ను కూడా ఔట్ చేశాడు. దీంతో లక్నో సంధించిన 181 పరుగుల టార్గెట్​ను రీచ్ కాలేకపోయింది బెంగళూరు. 153 పరుగులకు ఆలౌట్ అయింది డుప్లెసిస్ సేన. గత మ్యాచ్​లో ప్లేయర్ ఆఫ్ ది మ్యాచ్​గా నిలిచిన మయాంక్.. ఈ మ్యాచ్​లోనూ ఆ అవార్డును కొట్టేశాడు. మరి.. మయాంక్ సెన్సేషనల్ రికార్డుపై మీ ఒపీనియన్​ను కామెంట్ చేయండి.

MAYANK YADAV HAS MOST 155KMPH+ DELIVERIES IN IPL HISTORY…!!! 💥

– Mayank hasn’t even bowled 50 balls. 🤯 pic.twitter.com/AldPc02OKI

— Mufaddal Vohra (@mufaddal_vohra) April 2, 2024