ప్లేఆఫ్స్ చేరాలంటే తప్పక గెలవాల్సిన మ్యాచ్లో సీఎస్కే ఘనవిజయం సాధించింది. ఆ టీమ్ సక్సెస్లో కీలకపాత్ర పోషించిన సిమర్జీత్ సింగ్ను ఇప్పుడు అందరూ మెచ్చుకుంటున్నారు.
ప్లేఆఫ్స్ చేరాలంటే తప్పక గెలవాల్సిన మ్యాచ్లో సీఎస్కే ఘనవిజయం సాధించింది. ఆ టీమ్ సక్సెస్లో కీలకపాత్ర పోషించిన సిమర్జీత్ సింగ్ను ఇప్పుడు అందరూ మెచ్చుకుంటున్నారు.
ఒక్క అవకాశం కోసం ఏళ్ల పాటు ఎదురుచూశాడు. ఎన్ని కష్టాలు చుట్టుముట్టినా తన ప్రయత్నాలు మాత్రం వదల్లేదు. తాను అనుకున్న ఒక రోజు వస్తుందని ఓపిగ్గా వేచి ఉన్నాడు. ఈ లోపు తన బలాబలాలను సమీక్షించుకున్నాడు. తన స్ట్రెంగ్త్ను మరింత పెంచుకున్నాడు. వీక్నెస్ను కూడా స్ట్రెంగ్త్గా మార్చుకున్నాడు. ఎదురుచూసిన రోజు రానే వచ్చింది. దీంతో గ్రౌండ్లోకి దిగి బెబ్బులిలా ఆడాడు. నిప్పులు చెరిగే బంతులతో ప్రత్యర్థుల పని పట్టాడు. నెట్ బౌలర్గా ఎంట్రీ ఇచ్చినోడు.. ఇప్పుడు స్టార్ బౌలర్ రేంజ్కు చేరుకున్నాడు. ప్లేఆఫ్స్కు క్వాలిఫై అవ్వాలంటే తప్పక నెగ్గాల్సిన మ్యాచ్లో చెన్నై సూపర్ కింగ్స్ను గెలిపించాడు. మనం మాట్లాడుకుంటోంది సీఎస్కే యంగ్ పేసర్ సిమర్జీత్ సింగ్ గురించి. నిన్న రాజస్థాన్ రాయల్స్తో మ్యాచ్లో చెన్నై గెలుపులో అతడితే ముఖ్య పాత్ర. 3 వికెట్లతో ఆర్ఆర్ వెన్ను విరిచాడతను. దీంతో ప్లేయర్ ఆఫ్ ది మ్యాచ్ అవార్డుకు ఎంపికయ్యాడు.
రాజస్థాన్తో మ్యాచ్లో యశస్వి జైస్వాల్, జాస్ బట్లర్, సంజూ శాంసన్ లాంటి వరల్డ్ క్లాస్ బ్యాటర్లను ఔట్ చేశాడు సిమర్జీత్. పదునైన వేగం, కచ్చితమైన లైన్ అండ్ లెంగ్త్, డేంజరస్ బౌన్సర్స్తో ప్రత్యర్థి జట్టు బ్యాటర్లను వణికించాడు. పేస్తో పాటు తెలివితోనూ రాజస్థాన్ బ్యాటర్లను బోల్తా కొట్టించాడు. అతడి వల్లే అపోజిషన్ టీమ్ తక్కువ స్కోరుకే పరిమితమైంది. ఆ తర్వాత ఆ స్కోరును ఛేజ్ చేసి ప్లేఆఫ్స్ ఆశల్ని కాపాడుకుంది సీఎస్కే. ఇలా ఒక్క మ్యాచ్తో చెన్నైకి హీరోగా మారాడు సిమర్జీత్. అయితే అతడి లైఫ్లో చాలా కష్టాలు ఉన్నాయి. ఈ స్థాయికి చేరుకోవడానికి సిమర్జీత్ కఠోరంగా శ్రమించాడు. ఎలాంటి బ్యాగ్రౌండ్ లేకపోయినా తన టాలెంట్ను నమ్ముకొని ఈ స్థాయికి చేరాడీ ఢిల్లీ కుర్రాడు.
2018 నుంచి వెలుగులోకి రావాలని ఎంతో ప్రయత్నించాడు సిమర్జీత్. నెట్ బౌలర్గా ఉంటూ ఛాన్సుల కోసం ఎదురు చూశాడు. అవకాశం రాక 6 ఏళ్లు నరకం చూశాడు. ఇక తన కెరీర్ అయిపోయిందని, క్రికెట్ను వదిలేద్దామని ఫిక్స్ అయ్యాడు. ఈ తరుణంలో సీఎస్కే అతడ్ని టీమ్లోకి తీసుకుంది. అంతేగాక కీలక సమయంలో ఛాన్స్ ఇచ్చింది. ప్లేఆఫ్స్ క్వాలిఫికేషన్ టైమ్ కాబట్టి గెలుపు ముఖ్యం. కావాలనుకుంటే ఇతర సీనియర్ ఆటగాళ్లను జట్టులోకి తీసుకోవచ్చు. కానీ టాలెంటెడ్ సిమర్జీత్కు అవకాశం ఇచ్చింది. అతడు దాన్ని సద్వినియోగం చేసుకున్నాడు. తన ప్రతిభను నిరూపించుకున్నాడు. 3 వికెట్లతో సత్తా చాటి టీమ్ విజయంలో కీలక పాత్ర పోషించాడు. ఐపీఎల్-2022 నుంచి సీఎస్కేతోనే ట్రావెల్ అవుతున్న సిమర్జీత్కు ఇప్పుడు కరెక్ట్ ఆపర్చునిటీ వచ్చింది. మరి.. ఈ సీఎస్కే పేసర్ బౌలింగ్పై మీ ఒపీనియన్ను కామెంట్ చేయండి.
Simarjeet Singh 🔥🔥 pic.twitter.com/gVUefk7PDO
— RVCJ Media (@RVCJ_FB) May 12, 2024
