చెరువు క్లీన్ చేస్తున్న వాలెంటీర్లకు దొరికిన సూట్ కేసు.. తెరిచి చూడగా షాక్!

సాధారణంగా కొంతమంది వాలెంటీర్లు స్వచ్చందంగా క్లీనింగ్ చేసే కార్యక్రమాలే చేపడుతుంటారు. అలాంటి సమయంలో వారికి చిత్ర విచిత్రమైన వస్తువులు లభ్యమైతుంటాయి. కొంతమంది వాలంటీర్లు హోలోవీన్ రోజున ఓ సరస్సు క్లీన్ చేసే కార్యక్రమం చేపట్టారు. ఆ సమయంలో వాలెంటీర్లకు ఓ సూట్ కేస్ లభ్యమైంది. విచిత్రంగా కనిపించిన ఆ సూట్ కేసు తెరిచి చూసి అందరూ షాక్ తిన్నారు. వివరాల్లోకి వెళితే..

అమెరికాలో హాలోవీన్ రోజు ఓ షాకింగ్ ఘటన జరిగింది. అందరూ హాలోవీన్ సెలబ్రెషన్స్ లో మునిగిపోయారు. కొంతమంది వాలెంటీర్లు ఆ రోజు ఓ సరస్సు శుభ్రం చేసే కార్యక్రమం చేపట్టారు. అలా శుభ్రం చేస్తున్న వారికి ఓ సూట్ కేస్ దొరికింది. అందులో నుంచి భయంకరమైన దుర్వాసన వచ్చింది. ఎంటా అని తెరిచి చూడగా ఒక్కసారే షాక్ తిన్నారు. ఆ సూట్ కేసులో ఓ మృతదేహం బయటపడింది. ఎవరో దారుణంగా చంపి సూట్ కేసులో కుక్కి సరస్సులో పడవేశారు. సంఘటన స్థలానికి చేరుకొని పోలీసులు కేసు నమోదు చేశారు.

ఈ ఘటన గురించి పోలీసులు మాట్లాడుతూ.. గుర్తు తెలియని దుండగులు మృతదేహాన్ని సూట్ కేసులో పార్శిల్ చేసి.. సరస్సులో పడవేశారని.. వాలెంటీర్లు శుభ్రం చేస్తుండగా బయటపడిందని అన్నారు. అమెరికాలోని కాలిఫోర్నియాలో ఈ ఘటన జరిగింది. హాలోవీన్ రోజున కాలిఫోర్నియాలోని ఓక్ లాండ్ లో ఉన్న లేక్ ని శుభ్రపరిచే సమయంలో వాలంటీర్లకు ఓ సూట్ కేసు తేలియాడుతూ కనిపించడంతో వల వేసి దాన్ని బయటకు తీశారు. సూట్ కేసు తెరిచి చూడగా మృతదేహం ఉండటంతో పోలీసులకు సమాచారం అందించగా కేసు నమోదు చేసుకొని దర్యాప్తు చేస్తున్నారు.