పుచ్చకాయలను ఫ్రిజ్‌లో పెడుతున్నారా? తస్మాత్ జాగ్రత్త..!

సమ్మర్ సీజన్ వచ్చిందంటే చాలా మంది ఎండ వేడిమి తట్టుకోవడానికి చల్లని పదార్థలు తీసుకుంటారు. కొబ్బరి బోండం, నిమ్మకాయ, బత్తాయ, తర్బూజా ఇలా చల్లబరిచే జ్యూస్ లు తాగడానికి ఇష్టపడుతుంటారు. ఇక ఎండాకాలంలో ఒంటిని వెంటనే చల్లబరిచి డీ హైడ్రేట్ కాకుండా చూసే పండ్లలో ఒకటి పుచ్చకాయ. పుచ్చపండులో 95 శాతం నీరు ఉంటుంది. అందుకే పుచ్చకాయలు తింటే మంచి ఆరోగ్యం అని నిపుణులు అంటారు. ఎర్రగా, తియ్యగా, జ్యూసీగా ఉండే పుచ్చకాయ తినేందుకు ప్రతి ఒక్కరూ ఇష్టపడుతుంటారు. సమ్మర్ సీజన్ లో రోడ్లపై విరివిగా పుచ్చకాయలు అమ్ముతుంటారు. పుచ్చకాయల ఫ్రిజ్ లో ఉంచవొచ్చా.. ఉంచితే ఏదైనా ఇబ్బందులు ఉంటాయా అన్న విషయం గురించి తెలుసుకుందాం. వివరాల్లోకి వెళితే..

ఎండకాలంలో చాలా మంది బయటికి వస్తే డీ హైడ్రేషన్ కి గురవుతారు. అందుకే వేసవి కాలంలో చల్లటి పానియాల కోసం వెంపర్లాడుతుంటారు. చల్లని జ్యూస్, ఐస్ క్రీమ్స్ కోసం ఎగబడుతుంటారు. అయితే సమ్మర్ సీజన్ లో పుచ్చకాయలు మంచి చలదనాన్ని ఇస్తాయి. అంతేకాదు వేసవిలో పుచ్చకాయలు మంచి ఆరోగ్యాన్ని ఇస్తాయి. పుచ్చకాయలు తింటే నీటి లోపాన్ని అధిగమించవొచ్చు. ఇవి తింటే గుండె ఆరోగ్యానికి మేలు చేస్తుంది. ఇందులో పొటాషియం పెద్ద మొత్తంలో ఉంటుంది. ఇది రక్తపోటును నియంత్రిస్తుంది. పుచ్చకాయలో విటమిన్ సి, బి కాంప్లెక్స్ ఉంటాయి.. ఇది శరీరంలోని వేడిని తొలగిస్తుంది. అయితే పుచ్చకాయ ఫ్రిజ్ లో పెట్టవొచ్చా అన్న అనుమానాలు కొంతమందికి ఉంటాయి. వాటిపై పరిశోధకులు క్లారిటీ ఇచ్చారు.. పుచ్చపండు ఎట్టి పరిస్థితుల్లోనూ రిఫ్రిజిరేటర్ లో పెట్టవొద్దని చెబుతున్నారు.

పుచ్చకాయను రిఫ్రిజిరేటర్ లో ఉంచితే దానిలో ఉండే పోషక విలువలు కోల్పోతాయి. పుచ్చకాయను కోసి ఫ్రిజ్ లో ఉంచితే.. ఫుట్ పాయిజన్ అయ్యే అవకాశం ఉందని సౌత్ సెంట్రల్ అగ్రికల్చరల్ రీసెర్చ్ లాబోరేటరీ నిపుణులు చెబుతున్నారు. కట్ చేసిన పుచ్చకాయలో బ్యాక్టీరియా పెరుగుతుంది. అది తినడం వల్ల ఆరోగ్యానికి హాని కలిగే అవకాశం ఉందని పరిశోధకులు అంటున్నారు. పరిశోధకులు పుచ్చకాయలను తీసుకొని -44, -55, -70 డిగ్రీల ఫారెన్ హీట్ వద్ద ఫ్రిజ్ లో భద్రపరిచారు. -70 డిగ్రీల ఫారెన్ హీట్ వద్ద నిల్వ చేసిన వాటిలో ఎక్కువ పోషకాలు కోల్పోయినట్లు గుర్తించారు. ఫ్రిజ్ లో ఒక వారం ఈ పండ్లను ఉంచితే కుళ్లిపోయే అవకాశం ఉందని అంటున్నారు. ఇందుకోసం 14 రోజుల పాట్ పుచ్చకాయలను పరీక్షించారు. ఈ విషయాలు దృష్టిలో ఉంచుకొని పుచ్చపండు విషయంలో జాగ్రత్తలు పాటించాలని అంటున్నారు.