సెల్ టవర్ ఎక్కి పోలీసులకు చుక్కలు చూపించిన మందుబాబు

కొందరు వ్యక్తులు ఫుల్ గా మద్యం సేవించిన తర్వాత ఏం చేస్తారో వాళ్లకే అర్థం కాదు. మరి కొందరు మాత్రం మత్తులో అసలు నిజాలు బయట పెడుతుంటారు. కానీ, తాజాగా ఓ యువకుడు మాత్రం తాగిన మత్తులో ఏకంగా పట్ట పగలు పోలీసులకే చుక్కులు చూపించాడు. ఆ మత్తులో ఏం చేస్తున్నాడో తెలియక ఏకంగా సెల్ టవర్ ఎక్కి పోలీసులను ముప్పు తిప్పలు పెట్టాడు. దీంతో వారికి ఏం చేయాలో తెలియక కొన్ని గంటల పాటు తలలు పట్టుకున్నారు. తాజాగా చోటు చేసుకున్న ఈ ఘటనకు సంబంధించిన వీడియో సోషల్ మీడియాలో కాస్త వైరల్ గా మారింది.

పోలీసుల కథనం ప్రకారం.. తిరుపతి జిల్లా వాకాడు ప్రాంతానికి ఓ యువకుడు శనివారం హల్ చల్ చేశాడు. అతిగా మద్యం సేవించాడు. ఇక ఇంతటితో సరిపెట్టిన ఇతగాడు చడిచప్పుడు కాకుండా వాకాడు బస్టాండు సమీపంలో ఉన్న ఓ సెల్ టవర్ ఇక్కాడు. నాకు న్యాయం చేయాలంటూ గొంతెత్తి అరిచాడు. దీంతో అప్రమత్తమైన స్థానికులు వెంటనే పోలీసులకు సమాచారం అందించారు. హుటాహుటిన ఘటనా స్థలానికి చేరుకున్న పోలీసులు అతడిని కిందకు నానా తంటాలు పడ్డారు.

అయినా దిగని ఆ యువకుడు.. కాసేపు పోలీసులకు, అగ్నిమాపక సిబ్బందికి చుక్కలు చూపించాడు. ఇక మొత్తానికి నచ్చజెప్పి అతడిని కిందకు దించారు. ఆ తర్వాత అతడిని నేరుగా పోలీస్ స్టేషన్ కు తరలించారు. ఆ తర్వాత అతని సమస్య ఏంటో తెలుసుకున్నారు. తాజాగా చోటు చేసుకున్న ఈ ఘటన స్థానికంగా తీవ్ర చర్చనీయాంశంగా మారింది. దీనికి సంబంధించిన వీడియో ఇప్పుడు సోషల్ మీడియాలో కాస్త వైరల్ గా మారుతోంది. తాగిన మత్తులో సెల్ టవర్ ఎక్కిన ఇతగాడి తీరుపై మీ అభిప్రాయాలను కామెంట్ రూపంలో తెలియజేయండి.

ఇది కూడా చదవండి: దారుణం: రెండో భార్య మోజులో పడి భర్త కిరాతకం