Liquor Home Delivery: మందుబాబులకు గుడ్‌న్యూస్‌.. స్విగ్గి, జొమాటాలో లిక్కర్‌ హోం డెలివరీ?

నేటి కాలంలో ప్రతిదీ ఆన్‌లైన్‌లో అందుబాటులో ఉంది. మనకు కావాల్సిన వాటికి సంబంధించిన యాప్స్‌ ఒపెన్‌ చేసి.. లిస్ట్‌ ఇస్తే చాలు.. మన ఇంటి గుమ్మం దగ్గరకు తీసుకువస్తున్నారు. మన ఆర్డర్‌ వచ్చాక డబ్బులు చెల్లిస్తే సరి. వస్తువులు, పరికరాలు, దుస్తులు వంటి వాటి కొనుగోలు కోసం అమెజాన్‌, ఫ్లిప్‌కార్ట్‌ వంటి ఈ కామర్స్‌  యాప్‌లు ఉండగా.. ఫుడ్‌ డెలివరీ కోసం స్విగ్గీ, జొమాటో వంటి యాప్‌లు వచ్చాయి. కొన్నాళ్ల క్రితం వరకు ఇవి కేవలం ఫుడ్‌ మాత్రమే డెలివరీ చేసేవి. ఇప్పుడు ఆ జాబితాలోకి కిరాణా సరుకులు, కూరగాయలు వంటివి చేరాయి. ఇక త్వరలోనే ఈ జాబితాలోకి లిక్కర్‌ కూడా చేరనుంది అని తెలుస్తోంది. స్విగ్గీ, జొమాటో, బిగ్‌బాస్కెట్‌ వంటి యాప్స్‌లో లిక్కర్‌ హోం డెలివరీ చేసేందుకు ప్రయత్నాలు మొదలైనట్లు తెలుస్తోంది. ఆ వివరాలు..

ఈ సదుపాయం వల్ల మహిళలు, వృద్ధులు వైన్‌ షాపుల వద్దకు వెళ్లే పని లేకుండా.. ఇంట్లో కూర్చునే లిక్కర్‌ ఆర్డర్‌ చేసుకోవచ్చు. మద్యం షాపుల వద్దకు వెళ్లాల్సిన ఇబ్బంది తప్పుతుంది అంటున్నారు. అయితే ఆన్‌లైన్‌ డెలివరీలో భాగంగా వయసు నిర్ధారణ, మిగతా ఇతర అంశాలను పూర్తిగా పరిశీలించిన తర్వాతనే వారికి మద్యం హోం డెలివరీ చేస్తామని కంపెనీలు చెప్పుకొచ్చాయి. అంతేకాక అబ్కారీ శాఖ ఆదేశాలను పాటిస్తామని.. వారు అనుమతించిన సమయాల్లోనే మద్యం హోం డెలివరీ జరుపుతామని.. డ్రై డేస్‌ కూడా పాటిస్తామని కంపెనీలు వెల్లడించాయి.