నెలకు 8 వేల కంటే ఎక్కువ అద్దె కడుతున్నారా? ఈ రూల్ తెలుసుకోవాలి.. లేదంటే రిస్కే!

ప్రతి ఏటా పన్ను పరిధిలోకి వచ్చే వాళ్ళు ఐటీ రిటర్న్స్ దాఖలు చేయాల్సి ఉంటుంది. ఈ క్రమంలో పన్ను మినహాయింపులు కూడా ఉంటాయి. కొంతమంది ఉద్యోగులు పన్ను మినహాయింపులు కూడా పొందుతుంటారు. ఈ క్రమంలో కొంతమంది ఫేక్ రెంట్ రిసీప్టులు చూపించి పన్ను మినహాయింపు పొందుతున్నారు. ఇంతకు ముందు అంటే రెంట్ ఎక్కువ కడుతున్నట్లు చూపించి పన్ను మినహాయింపు పొందేవారు. కానీ ఇప్పుడు పరిస్థితులు మారాయి. తప్పుడు రెంట్ రశీదులు పెట్టి పన్ను మినహాయింపు క్లెయిమ్ చేసేవారిని ఐటీ శాఖ గుర్తించింది. ఒకవేళ మీరు కనుక అద్దె ఎక్కువ చెల్లిస్తున్నట్లు ఫేక్ రెంట్ రశీదులు ఐటీ రిటర్న్స్ లో దాఖలు చేస్తున్నట్లైతే కనుక ఈ విషయం తెలుసుకోండి. లేదంటే చాలా నష్టపోతారు.  

ఎక్కువ అద్దె చెల్లిస్తున్నట్టు ఐటీ రిటర్న్స్ లో చూపిస్తే ఎక్కువ మొత్తంలో రిఫండ్ పొందవచ్చునని కొంతమంది పన్ను చెల్లింపుదారులు నకిలీ రెంట్ రసీదులు సమర్పించేవారు. అయితే ఇలా ఎప్పుడూ చేస్తున్నట్టు ఈసారి చేస్తే దొరికిపోవడం ఖాయం. ఎందుకంటే గతంలో చెల్లించిన అద్దె వివరాలు పాన్ కార్డు ద్వారా నమోదు అయి ఉంటాయి. అవి వార్షిక సమాచార నివేదికలో నమోదవుతాయి. ఈ వివరాలను ఆదాయపు పన్ను శాఖ చూస్తుంది. మీరు దాఖలు చేసిన ఐటీ రిటర్న్స్ లో రెంట్, వార్షిక సమాచార నివేదికలో ఉన్న గత రెంట్ వివరాల్లో తేడా కనిపెడుతుంది. దీని వల్ల దొరికిపోతారు. అలా దొరికిన వారికి ఐటీ నోటీసులు వస్తాయి. ఇబ్బందులు ఎదుర్కోవాల్సి వస్తుంది. ఇక పన్ను చెల్లించే వ్యక్తి ఇంటి అద్దె ఏడాదికి లక్ష రూపాయల కంటే ఎక్కువ ఉంటే కనుక ఇంటి యజమాని పాన్ నంబర్ కూడా సమర్పించాల్సి ఉంటుంది.

పన్ను చెల్లింపుదారులు చెల్లించే అద్దె వార్షిక సమాచార నివేదికలో నమోదవుతుంది. అద్దె ఏడాదికి లక్ష రూపాయలు దాటితే కనుక ఇంటి యజమాని ఆదాయంలో అద్దెకుండే వ్యక్తి రెంట్ వివరాలను నమోదు చేయాలి. ఆ వివరాలను కూడా ఐటీ శాఖ పరిశీలిస్తుంది. ఎక్కువ ఇంటి అద్దె చెల్లిస్తున్నట్లు ఐటీ రిటర్న్స్ లో దాఖలు చేస్తే కనుక దొరికిపోయే అవకాశాలు ఎక్కువగా ఉన్నాయి. 1961 ఇన్కమ్ ట్యాక్స్ యాక్ట్ సెక్షన్ 270ఏ ప్రకారం భారీ జరిమానాతో పాటు చట్టపరమైన పరిణామాలు ఎదుర్కోవాల్సి ఉంటుంది. చెల్లించాల్సిన పన్నులో 200 శాతం వరకూ జరిమానా ఉండవచ్చు. కాబట్టి ఫేక్ రెంట్ రశీదులు ఐటీ రిటర్న్స్ లో ఫైల్ చేసేవారు జాగ్రత్తగా ఉండాలి. ముఖ్యంగా ఏడాదికి లక్ష రూపాయల కంటే ఎక్కువ అద్దె చెల్లించేవారు ఈ విషయాలను దృష్టిలో ఉంచుకోవాలి.