AP రైల్వే ప్రయాణీకులకు బిగ్ అలర్ట్.. పలు రైళ్లు రద్దు

ఆంధ్రప్రదేశ్ రైల్వే ప్రయాణీకులకు బిగ్ అలర్ట్. విజయవాడ రైల్వే డివిజన్ పరిధిలోని పలు రైళ్లను రద్దు చేస్తున్నట్లు అధికారులు వెల్లడించారు. ఈ రైల్వే డివిజన్ పరిధిలోని మరమ్మత్తులు, ఇతర నిర్వాహణ పనుల కారణంగా పలు ట్రైన్లను పాక్షికంగా రద్దు చేస్తున్నట్లు తెలిపారు. విజయవాడ నుండి లేదా విజయవాడ మీదుగా చెన్నై రాకపోకలు సాగిస్తున్న ప్రయాణీకులకు అలర్ట్.  ఈ వార్త మీ కోసమే. బిట్ర గుంట- విజయవాడ- చెన్నై రైల్వే స్టేషన్ల మధ్య రైళ్లు రద్దు కానున్నాయి. కొన్ని రోజుల పాటు ఈ మార్గంలో పలు రైళ్లు క్యాన్సిల్ కాబోతున్నాయి. కాకినాడ పోర్ట్, విశాఖ పట్నం మధ్య నడిచే ట్రైన్స్ కూడా క్యాన్సిల్ అవ్వనున్నాయి. ఇంకా ఏమేమీ ట్రైన్స్, ఎప్పటి వరకు రద్దు కానున్నాయో పూర్తి వివరాల్లోకి వెళితే..

07977/07978 నంబర్ గల విజయవాడ- బిట్రగుంట మధ్య నడిచే రైళ్ల రాకపోకలను ఈ నెల 27 నుండి జూన్ 23 వరకు నిలిపివేస్తున్నారు అధికారులు. అలాగే ఈ నెల 27 నుండి 31వ తేదీ వరకు 17237/17238 నంబర్ గల బిట్రగుంట-చెన్నై సెంట్రల్ మధ్య రాకపోకలు సాగించే మెమూ రైలును కూడా ఆపేస్తున్నారు. అలాగే ఈ జూన్ 3 నుండి 7వ తేదీ వరకు అలాగే జూన్ 10 నుండి 14 వరకు, అదేవిధంగా 17 నుండి 21 తేదీల మధ్య కూడా ఈ రైలును రద్దు చేస్తున్నట్లు రైల్వే అధికారులు వెల్లడించారు. మరికొన్నింటిని దారి మళ్లిస్తున్నట్లు తెలిపారు. గుంటూరు-రాయగడ మధ్య నడిచే 17243/17244 నంబర్ ట్రైన్ కూడా మే 27 నుండి జూన్ 24 వరకు క్యాన్సిల్ కానుంది. కాకినాడ పోర్ట్, విశాఖల మధ్య నడిచే 17267/17268 నంబర్ ట్రైన్ కూడా రద్దు కానుంది.

విజయవాడ-మచిలీ పట్నం మధ్య నడిచే 07896 నంబర్ మెమూ రైలు కూడా రద్దు చేయనుంది. 07769 నంబర్ గల విజయవాడ-మచిలీపట్నం ట్రైన్‌, విజయవాడ-మచిలీపట్నం (07866), మచిలీపట్నం-విజయవాడ (07770), మచిలీపట్నం-విజయవాడ (07870), విజయవాడ-నర్సపూర్‌ (07861), నర్సపూర్‌-విజయవాడ (07863), విజయవాడ-భీమవరం జంక్షన్ (07283) రైళ్లను పాక్షికంగా రద్దు చేసిన‌ట్లు అధికారులు తెలిపారు. మరికొన్ని రైళ్లను విజయవాడ-గుడివాడ, భీమవరం, నిడదవోలు మీదుగా దారి మళ్లించారు. ఎర్నాకులం-పాట్నా (22643) రైలును మే 27, జూన్ 3, 10, 17న తేదీల్లో దారి మళ్లించారు. భావనగర్-కాకినాడ పోర్ట్ మధ్య నడిచే 12756 నంబర్ ట్రైన్‌ను జూన్‌ 1, 8, 15, 22 తేదీల్లో దారి మళ్లించనున్నారు. దీంతో పాటు 12509 నంబర్ గల బెంగళూరు-గౌహతి ట్రైన్ మే 29, 31 తేదీల‌తో పాటు జూన్‌ 5, 7, 12, 14, 19, 21 తేదీల్లో కూడా దారి మళ్లించారు. ధన్‌బాద్‌-అల్లపూజ (13351) ట్రైన్ మే 27వ తేదీ నుంచి జూన్‌ 23 వరకు కూడా దారి మళ్లనుంది.