లెక్కలు టీచర్ కాదు.. శృంగార టీచర్.. మదన పల్లెలో కామ పిశాచి

‘గురు బ్రహ్మ, గురు విష్ణు, గురు దేవో మహేశ్వరహ’ అన్నారు పెద్దలు. తల్లిదండ్రుల తర్వాత గురువులదే విలువైన స్థానం. విద్యాబుద్ధులు నేర్పించి, వారిని ఉన్నత స్థానాలకు తీసుకెళ్లాల్సిన ఉపాధ్యాయులు ఇప్పుడు వక్రమార్గంలో నడుస్తున్నారు. పిల్లల్ని మంచి మార్గంలో నడిపించి, భావి భారత పౌరులుగా తీర్చిదిద్దాల్సిన ఉపాధ్యాయులు.. విద్యార్థుల పట్ల అసభ్యంగా ప్రవర్తిస్తూ వార్తల్లో నిలుస్తున్నారు. తాజాగా అన్నమయ్య జిల్లాలోని మదనపల్లిలో కొంత మంది విద్యార్థులు, తల్లిదండ్రులు ఓ ఉపాధ్యాయురాలి విషయంలో రోడ్డుకెక్కారు. ఇలాంటి పంతులమ్మ మాకొద్దు అంటూ ఆందోళన చేస్తున్నారు. ఇంతకు ఆమె చేసిన తప్పేంటి..?

పిల్లలకు క్రమశిక్షణ, అర్థమయ్యేలా పాఠాలు బోధించాల్సిన ఉపాధ్యాయురాలు.. పడకటింటి పాఠాలు చెబుతోంది. ఈ విషయం తల్లిదండ్రుల వద్దకు వెళ్లడంతో రెండేళ్ల క్రితం ఆమెను తొలగించారు. ఇప్పుడు మళ్లీ ఆమె తిరిగి విధుల్లోకి చేరుతుందని తెలియడంతో ఆందోళన చేస్తున్నారు పేరెంట్స్. ఆమె తిరిగి ఈ పాఠశాలకు వస్తే.. పెట్రోల్ పోసుకుని తగులబెట్టుకుంటామంటూ నిరసనకు దిగారు. తల్లిదండ్రులే కాదు విద్యార్థులు, ఉపాధ్యాయులు కూడా ఆమె రావడాన్ని స్వాగతించడం లేదు. తల్లిదండ్రులు చెబుతున్న వివరాలు ఇలా ఉన్నాయి. అన్నమయ్య జిల్లాలోని మదనపల్లిలోని బాలాజీ ఉర్దూ పాఠశాలలో ముజాఫర్ నసీఫా అనే ఉపాధ్యాయురాలు రెండేళ్ల క్రితం ఆ పాఠశాలలో చేరింది. విద్యార్థులకు గణితం బోధించేది. కానీ ఆమె ఒక కామ పిశాచి. పాఠాలు మాటున.. శృంగార పాఠాలు నేర్పించేది.

తల్లిదండ్రులు బెడ్ రూంలో ఏం చేస్తారో వారికి వెల్లడించేది. ఎనిమిది నుండి పదో తరగతి విద్యార్థినులను బాత్రూమ్‌లో ఫోటోలు తీసి.. సైజులు, కొలతల గురించి వారితో చర్చించేది. అంతేనా ఈ ఫోటోలను వేరే వాళ్లకు షేర్ చేసేదన్న ఆరోపణ ఉంది. అప్పట్లో కో ఎడ్యుకేషన్ కావడంతో అబ్బాయి.. అమ్మాయిని పక్క పక్కనే నిలబెట్టి ఫోటోలు తీసేదని చెబుతున్నారు తల్లిదండ్రులు. శుక్రవారం సివిల్ డ్రెస్ కావడంతో టాప్స్, లెగ్గిన్స్ వేసుకురండని చెప్పేదట ఈ పంతులమ్మ. మేకప్ వేసుకోండి.. గోరింటాకు పెట్టుకోండి అని సలహాలు ఇచ్చేదట. పాఠాల గురించి డౌట్ అడిగితే కొట్టేదని చెబుతున్నారు. ఇదేంటని ప్రశ్నిస్తే.. మీపై కుద్ర పూజలు చేస్తానంటూ బెదిరించేదట.

దీంతో విసిగిపోయిన ఉపాధ్యాయులు, టీచర్లు ఆమెపై ఫిర్యాదు చేయడంతో ఆమెను తొలగించారు. రెండు సంవత్సరాలు తర్వాత ఆమె ఇప్పుడు తిరిగి విధుల్లో చేరుతుందని తెలిసింది. దీంతో ఈ శృంగార పాఠాలు చెప్పే టీచరమ్మ మాకొద్దు అంటూ రోడ్డుకు ఎక్కారు. ఆమె తిరిగి ఇక్కడకు వస్తే.. తాము ఆత్మహత్య చేసుకుంటామని చెబుతున్నారు. మా పిల్లల భవిష్యత్తు కోసం ఇలాంటి పంతులమ్మ మాకొద్దు అంటూ చెబుతున్నారు. ఇలాంటి టీచర్ వద్దని కొంత మంది ఆ స్కూల్ మాన్పించేశారు కూడా. ఇప్పుడు మళ్లీ వస్తే.. తమ పరిస్థితి ఏంటని.. ఆందోళన వ్యక్తం చేస్తున్నారు విద్యార్థినులు. ఇదిలా ఉంటే.. తోటి ఉపాధ్యాయులు కూడా ఆమె రీ జాయినింగ్ పై పెదవి విరుస్తున్నారు.