విద్యార్థులకు ఏపీ ప్రభుత్వం శుభవార్త!

ఏపీ ముఖ్యమంత్రి వైఎస్ జగన్ మోహన్ రెడ్డి విద్య, వైద్య రంగాలకు పెద్ద పీట వేశారు. ఈ రెండు రంగాల్లో అనేక సంస్కరణలు తీసుకొచ్చారు. ముఖ్యంగా పిల్లలకు మనం అందించే నిజమైన ఆస్తి చదువు అనే విషయాన్ని బలంగా నమ్మిన వ్యక్తి సీఎం జగన్. అందుకే పేద విద్యార్థులకు చదువు విషయంలో ఎలాంటి ఆటంకాలు కలుగకుండా అనేక పథకాలను ప్రారంభించారు. ఈ క్రమంలోనే వారికి తరచూ ఏదో ఒక శుభవార్త చెబుతుంటారు. తాజాగా విద్యార్థులకు మరో గుడ్ న్యూస్ చెప్పారు. మరి.. ఆ వార్త.. ఏమిటి? ఆ వివరాల గురించి ఇప్పుడు తెలుసుకుందాం..

విద్యార్థుల కోసం అమ్మఒడి, జగనన్న విద్యా దీవెన, జగనన్న వసతి దీవెన, జగనన్న విదేశి దీవెన వంటి అనేక కార్యక్రమాలను ప్రారంభించారు. ఇక ఈ పథకాల ద్వారా విద్యార్థుల చదువుకు ఆర్థిక భరోసా కల్పిస్తున్నారు. తరచూ వారి తల్లుల ఖాతాల్లో డబ్బులు జమ చేస్తున్నారు. తాజాగా జగనన్న విద్యాదీవెన డబ్బులను విడుదల చేయనున్నారు. తొలుత ఈ నెల 12వ తేదీన విడుదల చేయాలని భావించినా ఈ నెల 19తేదికి వాయిదా వేశారని తెలుస్తోంది. ఆ రోజున కర్నూలులో సీఎం వైఎస్‌ జగన్‌ బటన్‌ నొక్కి డబ్బులు జమ చేయనున్నారు. ఈ స్కీమ్ ద్వారా దాదాపు 10 లక్షల మంది విద్యార్థుల తల్లుల అకౌంట్లో డబ్బులు జమకానున్నాయి.

ఏపీలో ఉన్నత విద్యను అభ్యసించే విద్యార్థుల కోసం జగనన్న విద్యా దీవెన స్కీమ్ను ప్రారంభించిన సంగతి తెలిసిందే. ఈ పథకం ద్వారా ప్రభుత్వం ప ఏటా ఆర్థిక సాయాన్ని అందిస్తున్న విషయం తెలిసిందే. ప్రతి మూడు నెలలకు ఒక్కసారి విద్యార్థుల తల్లుల అకౌంట్లలో డబ్బులు జమ చేస్తోంది. జూలై- సెప్టెంబర్ త్రైమాసికానికి సంబంధించిన డబ్బులను నవంబర్ చివరి తేదీల్లో లబ్ధిదారుల ఖాతాల్లో జమచేస్తుందని ప్రచారం జరిగింది. అయితే ప్రభుత్వం ఈ కార్యక్రమాన్ని వాయిదా వేసింది. ఈ స్కీమ్ మొదలైనప్పటి నుంచి డబ్బులను విద్యార్థుల తల్లుల ఖాతాల్లోనే జమ చేస్తోన్నారు.

గత నెలలో కీలక నిర్ణయం తీసుకున్న ప్రభుత్వం.. ఇకపై విద్యార్థులు, తల్లుల పేరుతో ఉండే ఉమ్మడి బ్యాంకు అకౌంట్లోనే ఈ స్కీమ్ నిధులను జమ చేయనున్నట్లు తెలిపింది.ఉమ్మడి ఖాతాలేని వారు అకౌంట్ లేని వారు కొత్తగా తెరవాలని సూచించింది. ప్రస్తుతం సమయం తక్కువగా ఉన్నందున.. వచ్చే విడత నిధుల విడుదల నాటికి ఉమ్మడి అకౌంట్ ఉండేలా చూసుకోవాలని లబ్ధిదారులకు సూచించింది. ఆ ఖాతాలు లేకపోతే డబ్బులు పడవని స్పష్టం చేసింది. ఇదే సమయంలో చివరి ఏడాది చదువుతున్న విద్యార్థులకు మాత్రం ఉమ్మడి ఖాతా నుంచి మినహాయింపు ఇచ్చింది. మరి.. జగనన్న విద్యాదీవెన నిధుల విడుదలపై మీ అభిప్రాయాలను కామెంట్స్ రూపంలో తెలియజేయండి.