nagidream
nagidream
ఆంధ్రప్రదేశ్ రాష్ట్ర రోడ్డు రవాణా సంస్థ నిరుద్యోగులకు గుడ్ న్యూస్ చెప్పింది. నెల్లూరు జోన్ పరిధిలోని వివిధ విభాగాల్లో అప్రెంటిస్ శిక్షణకు సంబంధించి 300 ఖాళీల భర్తీకి ఏపీఎస్ ఆర్టీసీ నోటిఫికేషన్ విడుదల చేసింది. ఈ పోస్టులకు ఐటీఐ పాసైన అభ్యర్థులు దరఖాస్తు చేసుకోవచ్చు. సెప్టెంబర్ 8వ తేదీ లోపు ఆన్ లైన్ విధానంలో దరఖాస్తు చేసుకోవాలి. నెల్లూరు కాకుటూరులోని ఆర్టీసీ జోనల్ స్టాఫ్ ట్రైనింగ్ కాలేజీలో అర్హులైన అభ్యర్థులకు సర్టిఫికెట్ వెరిఫికేషన్ నిర్వహించి ఎంపిక చేస్తారు. నెల్లూరు జోన్ పరిధిలో శ్రీ పొట్టి శ్రీరాములు నెల్లూరు, చిత్తూరు, తిరుపతి, ప్రకాశం జిల్లాల్లో మొత్తం 300 ఖాళీలు ఉన్నాయి. కేవలం ఈ జిల్లాలకు చెందిన అభ్యర్థులు మాత్రమే అర్హులుగా పరిగణించబడతారు.
