Virat Kohli: భారత్ పరువు కాపాడిన కోహ్లీ.. కుర్రాళ్లను నమ్ముకుంటే ఇంక అంతే సంగతులు!

భారత క్రికెట్​ జట్టులో పైకి అన్నీ బాగానే కనిపిస్తున్నా లోపల మాత్రం పలు సమస్యలు ఇబ్బంది పెడుతున్నాయి. ముఖ్యంగా బ్యాటింగ్ విభాగంలో టీమ్ బాగా వీక్​గా కనిపిస్తోంది. సీనియర్ బ్యాటర్లు రోహిత్ శర్మ, విరాట్ కోహ్లీపై అతిగా ఆధారపడటం.. వాళ్లిద్దరూ ఫెయిలైతే మిగిలిన యంగ్​స్టర్స్ కూడా చేతులెత్తేయడం ఇటీవల కాలంలో ఎక్కువగా చూస్తున్నాం. ముఖ్యంగా టెస్టుల్లో నిలకడలేమి వేధిస్తోంది. దీని వల్ల బిగ్ టోర్నమెంట్స్​లో కీలక మ్యాచుల్లో ఓడి కప్పులు చేజార్చుకుంటోంది భారత్. రోహిత్, కోహ్లీల్లో ఎవరో ఒకరు క్రీజులో నిలబడకపోతే మ్యాచ్ గెలవడం కష్టమైపోతోంది. శ్రేయస్ అయ్యర్, కేఎల్ రాహుల్, శుబ్​మన్ గిల్, యశస్వి జైస్వాల్ రూపంలో మంచి ప్రతిభావంతులు జట్టులో ఉన్నారు. వీళ్లు అడపాదడపా రాణిస్తున్నా కన్​సిస్టెంట్​గా పెర్ఫార్మ్ చేయడం లేదు. దీని ఎఫెక్ట్ బిగ్ మ్యాచెస్​లో కనిపిస్తోంది. ఐసీసీ ర్యాంకులు కూడా దీనికి అద్దం పడుతున్నాయి. ఈసారి ర్యాంకుల్లో భారత్ పరువు పోకుండా కోహ్లీ కాపాడాడు.

ఐసీసీ తాజాగా టెస్టు ర్యాంకులను ప్రకటించింది. లాంగ్​ ఫార్మాట్​లో ఆస్ట్రేలియా (117 పాయింట్లు) తొలి స్థానంలో నిలిచింది. ఇంగ్లండ్​తో ఫస్ట్ టెస్ట్​లో ఓటమిని మూటగట్టుకున్న భారత్ అంతే పాయింట్లతో రెండో పొజిషన్​లో నిలిచింది. ఇంగ్లీష్ టీమ్ 115 పాయింట్లతో మూడో స్థానంలో ఉంది. సౌతాఫ్రికా (106), న్యూజిలాండ్ (95) నాలుగు, ఐదో స్థానాల్లో ఉన్నాయి. టెస్టుల్లో నంబర్ వన్ బ్యాటర్​గా కేన్ విలియమ్సన్ (864 పాయింట్లు) నిలిచాడు. సెకండ్ పొజిషన్​లో జో రూట్ (832), మూడో స్థానంలో డారిల్ మిచెల్ (786) ఉన్నారు. భారత్ నుంచి విరాట్ కోహ్లీ (767) ఒక్కడే టాప్-10లో చోటు దక్కించుకున్నాడు. అతడు టేబుల్​లో ఆరో స్థానంలో ఉన్నాడు. బౌలింగ్​లో సీనియర్ స్పిన్నర్ రవిచంద్రన్ అశ్విన్ (853) టాప్​ ప్లేస్​ను కాపాడుకున్నాడు. పేసుగుర్రం జస్​ప్రీత్ బుమ్రా (825) నాలుగో స్థానంలో నిలిచాడు. ఆల్​రౌండర్ రవీంద్ర జడేజా (754) ఏడో స్థానంలో నిలిచి టాప్-10లో చోటు దక్కించుకున్నాడు.

టెస్టు ర్యాంకింగ్స్​లో ఆరో స్థానంలో నిలిచిన కోహ్లీ.. వన్డేల్లో మూడో ప్లేసులో ఉన్నాడు. టీమిండియా తరఫున వన్డేలతో పాటు టెస్టుల్లోనూ టాప్-10లో చోటు దక్కించుకున్న ఏకైక ప్లేయర్ విరాటే. శుబ్​మన్ గిల్, రోహిత్ శర్మలు వన్డే ర్యాంక్సింగ్స్​లో టాప్​-5లో ఉన్నా.. టెస్టుల్లో మాత్రం టాప్​-10లో లేరు. ఈ విషయం తెలిసిన నెటిజన్స్ సోషల్ మీడియాలో రియాక్ట్ అవుతున్నారు. కోహ్లీ టీమిండియా పరువు కాపాడాడని.. గిల్, జైస్వాల్, అయ్యర్ లాంటి యంగ్​స్టర్స్​ను నమ్ముకుంటే ఇంక అంతే సంగతులు అని కామెంట్స్ చేస్తున్నారు. కుర్రాళ్లు ఇకనైనా మేల్కొనాలని.. రోహిత్, విరాట్ ఉండగానే జట్టును గెలిపించే బాధ్యతల్ని తీసుకోవాలని సూచిస్తున్నారు. బ్యాటింగ్ భారాన్ని కుర్రాళ్లు తీసుకుంటే హిట్​మ్యాన్, విరాట్ మరింత స్వేచ్ఛగా ఆడతారని అంటున్నారు. ఇకనైనా నిలకడగా ఆడి ర్యాంకింగ్స్​లో భారత్ పరువు పోకుండా నిలబెట్టాలని నెటిజన్స్ చెబుతున్నారు. మరి.. ర్యాంకింగ్స్​లో కోహ్లీ తప్ప ఒక్కరు కూడా టాప్​-10లో చోటు దక్కించుకోకపోవడంపై మీరేం అనుకుంటున్నారో కామెంట్ల రూపంలో తెలియజేయండి.

Virat Kohli is the only Indian in the Top 10 ranking in ICC Test & ODI batters.

– The GOAT 🐐 pic.twitter.com/DsMCxlzUH6

— Johns. (@CricCrazyJohns) January 31, 2024