స్టార్ ఆల్రౌండ్ హార్దిక్ పాండ్యా ప్లేస్లో భారత జట్టులోకి దూసుకొచ్చేందుకు ఒక ఆటగాడు రెడీ అవుతున్నాడు.
స్టార్ ఆల్రౌండ్ హార్దిక్ పాండ్యా ప్లేస్లో భారత జట్టులోకి దూసుకొచ్చేందుకు ఒక ఆటగాడు రెడీ అవుతున్నాడు.
ప్రస్తుతం టీమిండియాను వేధిస్తున్న సమస్యల్లో పేస్ బౌలింగ్ ఆల్రౌండర్ ఒకటి. ఇది ఇప్పుడే మొదలైన ప్రాబ్లమ్ కాదు. చాలా ఏళ్లుగా ఇది భారత్ను ఇబ్బంది పెడుతోంది. ఇర్ఫాన్ పఠాన్ తర్వాత ఆ స్థాయిలో ఆల్రౌండర్ మళ్లీ దొరకలేదు. పర్ఫెక్ట్ స్వింగ్, సీమింగ్ డెలివరీస్తో వికెట్లు తీస్తూ.. బ్యాట్తో విలువైన రన్స్ చేసేవాడు పఠాన్. అలాంటోడ్ని మాజీ హెడ్ కోచ్ గ్రెగ్ చాపెల్ వచ్చి చెడగొట్టాడు. ఇర్ఫాన్ను ఓపెనింగ్కు పంపాడు. దీంతో అతడి బ్యాటింగ్ దెబ్బతిన్నది. ఆ తర్వాత బౌలింగ్లోనూ రిథమ్ కోల్పోయి క్రమంగా టీమ్కు దూరమయ్యాడు. చాన్నాళ్ల తర్వాత హార్దిక్ పాండ్యా రూపంలో టీమిండియాకు మంచి ప్రత్యామ్నాయం దొరికాడు. నిఖార్సయిన పేస్ బౌలింగ్కు తోడు హార్డ్ హిట్టింగ్తో జట్టుకు ఎన్నో విజయాలు అందించాడు హార్దిక్.
బ్యాటింగ్, బౌలింగ్లోనే గాక ఫీల్డింగ్లోనూ అదరగొడుతూ టీమ్లో నమ్మకమైన ప్లేయర్ స్థాయికి ఎదిగాడు హార్దిక్ పాండ్యా. అయితే అతడ్ని గాయాలు ఒకదాని తర్వాత ఒకటి వేధిస్తూ వస్తున్నాయి. ఒక ఇంజ్యురీ నుంచి బయటపడేలోపే మరో ఇంజ్యురీతో టీమ్కు దూరమవుతున్నాడీ ఆల్రౌండర్. ఇటీవల ముగిసిన వన్డే వరల్డ్ కప్లోనూ బంగ్లాదేశ్తో మ్యాచ్లో గాయం బారిన పడి మొత్తం టోర్నీకి దూరమయ్యాడు. ప్రస్తుతం బెంగళూరులోని నేషనల్ క్రికెట్ అకాడమీ (ఎన్సీఏ)లో అతడు ఫిజియోల పర్యవేక్షణలో ఉన్నాడని సమాచారం. పాండ్యా ఇలా వరుస గాయాల బారిన పడుతుండటంతో అతడి ప్లేసులో ఎవరైనా యంగ్ ఆల్రౌండర్ దొరికితే తీసుకోవాలనే ఆలోచనల్లో భారత క్రికెట్ బోర్డు (బీసీసీఐ) ఉందట.
హార్దిక్కు రీప్లేస్మెంట్ కోసం వెతుకుతున్న బీసీసీఐకి ఒక మంచి ఆప్షన్ దొరికినట్లే కనిపిస్తోంది. అచ్చం పాండ్యా లాంటి బ్యాటింగ్, మీడియం పేస్ బౌలింగ్, అదే దూకుడైన కెప్టెన్సీతో ఓ ప్లేయర్ అందర్నీ ఆకట్టుకుంటున్నాడు. అతడు మహారాష్ట్ర యంగ్ సెన్సేషన్, భారత జట్టు అండర్-19 కెప్టెన్ అర్షిన్ కులకర్ణి. ప్రస్తుతం ఆసియా కప్లో అండర్-19 టీమ్కు సారథ్యం వహిస్తున్న అతడు అరంగేట్ర మ్యాచ్లోనే ఆకట్టుకున్నాడు. దుబాయ్ వేదికగా జరుగుతున్న ఈ మెగా టోర్నీలో భాగంగా ఆఫ్ఘానిస్థాన్తో మ్యాచ్లో కులకర్ణి సత్తా చాటాడు. బౌలింగ్లో 3 వికెట్లు పడగొట్టిన అర్షిన్.. బ్యాటింగ్లోనూ 70 రన్స్తో నాటౌట్గా నిలిచి టీమిండియాకు ఫస్ట్ విక్టరీని అందించాడు. ఎంతో ప్రతిభ ఉన్న ఈ యంగ్ ప్లేయర్ గురించి మరిన్ని విశేషాలు తెలుసుకుందాం..
మహారాష్ట్రలోని షోలాపూర్లో పుట్టిన 18 ఏళ్ల అర్షిన్ తండ్రి పేరు అతుల్ కులకర్ణి. వృత్తి రీత్యా డాక్టర్ అయిన అతుల్ క్రికెటర్ అయ్యేందుకు చాలా విధాలుగా ప్రయత్నించాడు. అయితే తన కలను కొడుకు రూపంలో నెరవేర్చుకోవాలని ఆయన డిసైడ్ అయ్యాడు. ఈ క్రమంలోనే అర్షిన్కు చిన్నతనం నుంచే క్రికెట్ టెక్నిక్స్ నేర్పించాడు. మెరుగైన క్రికెట్ కోసం ఆయన తన మకాంను పూణేకు షిప్ట్ చేశాడు. అక్కడి కాడెన్స్ అకాడమీలోని అర్షిన్ కులకర్ణి తన స్కిల్స్ను మెరుగుపర్చుకున్నాడు. వినూ మన్కడ్ ట్రోఫీలో టాప్ స్కోరర్గా నిలిచిన అర్షిన్.. మహారాష్ట్ర సీనియర్ టీమ్లో ప్లేస్ దక్కించుకున్నడు. మహారాష్ట్ర ప్రీమియర్ లీగ్లోనూ దుమ్మురేపి అండర్-19 ఆసియా కప్ టీమ్కు సెలక్ట్ అయ్యాడు. అతడు ఇలాగే రాణిస్తూ పోతే ఫ్యూచర్లో హార్దిక్ పాండ్యా ప్లేస్లో భారత సీనియర్ టీమ్లోకి రావడం పక్కా అని క్రికెట్ అనలిస్టులు అంటున్నారు. మరి.. హార్దిక్కు పోటీగా టీమ్లోకి దూసుకురావాలని చూస్తున్న అర్షిన్ పెర్ఫార్మెన్స్పై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: Virat Kohli: కోహ్లీతో గొడవపై మళ్లీ రియాక్ట్ అయిన గంభీర్.. అది తన హక్కంటూ..!
ARSHIN KULKARNI, THE STAR OF INDIA U-19….!!!!!
70* runs with bat & 3 wicket with ball against Afghanistan in Asia Cup – he is a batting all-rounder, who bowls quick, a big big future ahead for the main man from Maharashtra. pic.twitter.com/LE2PVjkMuK
— Johns. (@CricCrazyJohns) December 8, 2023
