భారత్-బంగ్లా మధ్య సూపర్ పోరు.. మ్యాచ్​పై ప్రధాని మోడీ కామెంట్స్!

టీ20 వరల్డ్ కప్-2024లో ఎదురే లేకుండా దూసుకెళ్తున్న టీమిండియా మరో ఇంట్రెస్టింగ్​ ఫైట్​కు సిద్ధమైంది. గ్రూప్ దశలో ఓటమి అనేదే లేకుండా హవా నడిపించిన రోహిత్ సేన.. సూపర్-8 స్టేజ్​ను కూడా అంతే బాగా స్టార్ట్ చేసింది. ఆఫ్ఘానిస్థాన్​తో మ్యాచ్​లో 47 పరుగుల తేడాతో ఘనవిజయం సాధించింది. ఇప్పుడు బంగ్లాదేశ్​ను ఢీకొట్టేందుకు రెడీ అవుతోంది. ఈ రెండు టీమ్స్ మధ్య కరీబియన్ దీవుల్లోని ఆంటిగ్వాలో సూపర్ పోరు జరగనుంది. ఈ మ్యాచ్​లో గెలిస్తే భారత్​కు సెమీస్ బెర్త్ ఖాయం అవుతుంది. అందుకే బంగ్లాను చిత్తు చేయాలని భావిస్తోంది మెన్ ఇన్ బ్లూ. ఓడితే సెమీస్ దారులు మూసుకుపోతాయి కాబట్టి ఎలాగైనా గెలవాలని బంగ్లాదేశ్ అనుకుంటోంది. అందుకోసం సర్వశక్తులు ఒడ్డాలని భావిస్తోంది. దీంతో ఈ మ్యాచ్​ ఆఖరి బంతి వరకు ఉత్కంఠగా సాగడం ఖాయంగా కనిపిస్తోంది.

భారత్-బంగ్లా పోరు కోసం అందరూ ఎంతో ఆసక్తిగా ఎదురుచూస్తున్నారు. సెమీస్ బెర్త్​ను డిసైడ్ చేసే మ్యాచ్ కావడంతో దీని కోసం వెయిటింగ్ ఎక్కువైంది. ఈ తరుణంలో దేశ ప్రధాని మోడీ ఇంట్రెస్టింగ్ కామెంట్స్ చేశారు. భారత్-బంగ్లా మ్యాచ్​ గురించి ఆయన రియాక్ట్ అయ్యారు. ఇరు జట్లకు ఆయన ఆల్ ది బెస్ట్ చెప్పారు. బంగ్లాదేశ్​తో మన దేశానికి సత్సంబంధాలు ఉన్నాయని ఆయన గుర్తుచేశారు. బంగ్లాతో రిలేషన్స్​కు అధిక ప్రాధాన్యత ఇస్తామని చెప్పారు. ‘ఇవాళ సాయంత్రం టీ20 వరల్డ్ కప్​లో భారత్-బంగ్లాదేశ్ తలపడనున్నాయి. ఈ సందర్భంగా ఇరు జట్లకు నా తరఫున బెస్ట్ విషెస్. బంగ్లా మన దేశానికి అతిపెద్ద డెవలప్​మెంట్ పార్ట్​నర్​గా ఉంది. ఆ కంట్రీతో సత్సంబంధాలకు మేం అత్యధిక ప్రాధాన్యత ఇస్తున్నాం’ అని మోడీ చెప్పుకొచ్చారు.

ఇక, ఇవాళ బంగ్లాదేశ్ ప్రధాని షేక్ హసీనాతో మోడీ సమావేశమయ్యారు. హైదరాబాద్ హౌస్​లో వీళ్ల భేటీ జరిగింది. ఇరు దేశాల మధ్య డిజిటల్​ పార్ట్​నర్​షిప్, గ్రీన్ పార్ట్​నర్​షిప్, బ్లూ ఎకానమీ, స్పేస్ కోఆపరేషన్, రైల్వే కనెక్టివిటీ, ఓషియోనగ్రఫీ తదితర విషయాలపై ఒప్పందాలు జరిగాయి. అలాగే రక్షణ వ్యవస్థను బలోపేతం చేయడం, టెర్రరిజంపై కలసికట్టుగా పోరాడటం లాంటి విషయాల మీద మోడీ-హసీనాలు సుదీర్ఘ చర్చలు జరిపారు. భారత్-బంగ్లా మ్యాచ్ గురించి మోడీ చేసిన వ్యాఖ్యలు ఇప్పుడు నెట్టింట వైరల్​గా మారుతున్నాయి. కాగా, ఈ మ్యాచ్​కు వర్షం రూపంలో ఆటంకం కలిగే అవకాశాలు కనిపిస్తున్నాయి. ఇప్పటికే ఆంటిగ్వాలో చిన్నపాటి వాన మొదలైందని తెలుస్తోంది. ఇది మ్యాచ్​ టైమ్​కు తీవ్రంగా మారితే ప్రమాదమే. ఒకవేళ మ్యాచ్ రద్దయితే ఇరు టీమ్స్​కు చెరో పాయింట్​ ఇస్తారు.

• ఇదీ చదవండి: ఆ భారత ప్లేయర్‌ కోసం ప్లాన్‌ చేశాం కానీ, అతన్ని ఆపడం మా వల్ల కాలేదు: కోచ్‌

#WATCH | On the India vs Bangladesh T20 World Cup 2024 match today, PM Narendra Modi says, “I wish both the teams all the best for the Cricket World Cup match…Bangladesh is India’s largest development partner and we give utmost priority to our relations with Bangladesh…” pic.twitter.com/UzUc0mMH75

— ANI (@ANI) June 22, 2024