కోహ్లీని రెచ్చగొడితే నరకం చూపిస్తాడు.. ఎవర్నీ వదలడు: స్టార్ క్రికెటర్

టీమిండియా టాప్ బ్యాటర్ విరాట్ కోహ్లీ ఇప్పుడు భీకర ఫామ్​లో ఉన్నాడు. గతేడాది ఆసియా కప్, ఆ తర్వాత జరిగిన వన్డే వరల్డ్ కప్​లో అదరగొట్టాడు కింగ్. అదే ఫామ్​ను ఇతర సిరీస్​ల్లోనూ కంటిన్యూ చేస్తూ పోయాడు. ఇటీవల ముగిసిన ఐపీఎల్-2024లోనైతే ఆకాశమే హద్దుగా చెలరేగిపోయాడు. ఆర్సీబీని ఛాంపియన్​గా నిలిపేందుకు తన శాయశక్తులా ప్రయత్నించాడు. ఆడిన 15 మ్యాచుల్లో 154 స్ట్రైక్ రేట్​తో 741 పరుగులు చేశాడు. ఒక సెంచరీతో పాటు 5 హాఫ్ సెంచరీలు బాదాడు. అతడు ఎంత ప్రయత్నించినా బెంగళూరు ప్లేఆఫ్స్​కే పరిమితమైంది. కప్పు మిస్సైన కసిలో ఉన్న కోహ్లీ.. టీ20 వరల్డ్ కప్​పై కన్నేశాడు. మెగా టోర్నీలో పరుగుల వర్షం కురిపించి భారత్​ను విజేతగా నిలబెట్టాలని చూస్తున్నాడు.

ప్రపంచ కప్​కు కోహ్లీ సన్నద్ధమవుతున్న ఈ తరుణంలో అతడి గురించి స్టార్ ప్లేయర్ దినేష్ కార్తీక్ ఇంట్రెస్టింగ్ కామెంట్స్ చేశాడు. విరాట్​ను రెచ్చగొడితే నరకం చూపిస్తాడని హెచ్చరించాడు. అతడి జోలికి వెళ్తే ఎవర్నీ వదలడని వార్నింగ్ ఇచ్చాడు. ఐపీఎల్​లో అతడ్ని రెచ్చగొట్టినందుకు ఏం చేశాడో అందరూ చూశారుగా అని చెప్పాడు. తనను విమర్శించే వాళ్లు, తన గురించి చెడుగా మాట్లాడే వారి నోళ్లను మూయించడం అంటే కింగ్​కు ఎంతో ఇష్టమన్నాడు డీకే. కోహ్లీ అగ్నిగోళం లాంటి వాడని.. అతడి దగ్గరకు వెళ్తే కాలిపోవడం ఖాయమని వ్యాఖ్యానించాడు. కార్తీక్ ఈ కామెంట్స్ చేయడం వెనుక ఓ రీజన్ ఉంది. ఈ ఏడాది ఐపీఎల్​లో కోహ్లీ బ్యాట్​తో విధ్వంసం సృష్టించాడు.

కోహ్లీ పరుగుల వరద పారించినా సునీల్ గవాస్కర్ వంటి పలువురు మాజీ క్రికెటర్లు అతడి స్ట్రైక్ రేట్​ మీద విమర్శలు చేశారు. స్లోగా ఆడుతున్నాడని, ఇలాగైతే కప్పు కష్టమంటూ విమర్శలు చేశారు. దీనిపై అప్పట్లో మాటలతో పాటు బ్యాట్​తోనూ జవాబిచ్చాడు కింగ్. క్రమంగా గేర్లు మార్చి వేగంగా పరుగులు చేశాడు. ఈ నేపథ్యంలోనే డీకే ఇంట్రెస్టింగ్ కామెంట్స్ చేశాడు. ‘కోహ్లీ ఎంతో ప్యాషన్ ఉన్న ప్లేయర్. తనను విమర్శించే వారి నోళ్లు మూయించడం అతడికి ఇష్టం. అతడో మండే అగ్నిగోళం లాంటోడు. దగ్గరకు వెళ్తే కాలిపోతారు. ఈ ఐపీఎల్​లో సైమన్ డౌల్ వంటి కొందరు అతడ్ని రెచ్చగొట్టారు. దీంతో అతడు బ్యాట్​తో విధ్వంసం సృష్టించాడు. విరాట్​లోని ఈ యాంగిల్​ను ఎవరూ తట్టుకోలేరు. ఈ ఏడాది క్యాష్ రిచ్ లీగ్​లో అతడు ఆడిన తీరుపై ఓ పుస్తకమే రాయొచ్చు’ అని డీకే చెప్పుకొచ్చాడు. మరి.. విరాట్​ను రెచ్చగొట్టొద్దంటూ కార్తీక్ చేసిన వ్యాఖ్యలపై మీరేం అనుకుంటున్నారో కామెంట్ చేయండి.

• ఇదీ చదవండి: ఇండియాను కాదని పాక్ ను నమ్మిన ఇంగ్లండ్.. భారీ మూల్యం చెల్లించుకుంటోంది!

Dinesh Karthik said – “When someone says something about Virat Kohli, he really fuels his passion, he’s like molten leva coming out and he thrives. He loves proving people wrong. He’s fiery & you don’t want to be anywhere close to it because you’re going to get burnt for sure”. pic.twitter.com/7GqetGaHFW

— Tanuj Singh (@ImTanujSingh) May 28, 2024