SA vs WI: ఒళ్లుగగుర్పొడిచే సంఘటన.. దారుణంగా ఢీకొట్టుకున్న ప్లేయర్లు! వీడియో వైరల్..

టీ20 వరల్డ్ కప్ లో భాగంగా సౌతాఫ్రికా వర్సెస్ వెస్టిండీస్ జట్ల మధ్య కీలకమైన మ్యాచ్ జరుగుతోంది. ఈ మ్యాచ్ ఇరు జట్లకు చావోరేవో. ఇందులో గెలిచిన జట్టు సెమీస్ కు చేరుకుంటుంది. ఇలాంటి కీలక పోరులో ఓ ప్రమాదకర సంఘటన చోటుచేసుకుంది. సిక్సర్ ను క్యాచ్ గా అందుకోబోయే సమయంలో ఇద్దరు స్టార్ ప్లేయర్లు ఒకరిని ఒకరు ఘోరంగా ఢీకొట్టుకున్నారు. ఇందుకు సంబంధించిన వీడియో నెట్టింట వైరల్ గా మారింది.

సౌతాఫ్రికా-వెస్టిండీస్ మధ్య కీలకపోరు జరుగుతోంది. ఈ మ్యాచ్ లో గెలిచి సెమీస్ చేరుకోవాలని ఇరు జట్లు ఆరాటపడుతున్నాయి. కానీ వారి ఆరాటానికి వరుణుడు అడ్డుకట్ట వేశాడు. వర్షం కారణంగా మ్యాచ్ కు అంతరాయం ఏర్పడింది. ఇదిలా ఉంటే.. ఈ మ్యాచ్ లో ఒళ్లు గగుర్పొడిచే సంఘటన ఒకటి చోటుచేసుకుంది. ఇద్దరు ప్లేయర్లు దారుణంగా ఢీకొట్టుకున్నారు. అసలేం జరిగిందంటే? ఇన్నింగ్స్ 8వ ఓవర్ వేయడానికి వచ్చాడు మార్క్రమ్. క్రీజ్ లో కైల్ మేయర్స్ ఉన్నాడు. ఈ ఓవర్లో 5వ బంతిని భారీ షాట్ కొట్టాడు మేయర్స్. ఇక ఆ బంతి సరాసరి స్టాండ్స్ వైపు వెళ్తోంది.

ఈ క్రమంలోనే సౌతాఫ్రికా ప్లేయర్లు కగిసో రబాడ, మార్కో జాన్సన్ ఆ బంతిని అందుకునే ప్రయత్నంలో దారుణంగా ఒకరిని ఒకరు ఢీకొట్టుకున్నారు. బంతినే చూస్తూ వచ్చిన ఇద్దరు ఒక్కసారిగా బలంగా ఢీకొట్టుకున్నారు. దాంతో వెంటనే ఫిజియో వచ్చి వారికి ప్రథమ చికిత్స అందించారు. ఈ ఊహించని ఘటనలో జాన్సన్ కు తీవ్రగాయాలు కాగా.. రబాడ స్వల్ప గాయాలతో బయటపడ్డాడు. ఇందుకు సంబంధించిన వీడియో నెట్టింట వైరల్ గా మారింది.

ఇక మ్యాచ్ విషయానికి వస్తే.. తొలుత బ్యాటింగ్ చేసిన వెస్టిండీస్ 20 ఓవర్లలో 8 వికెట్ల నష్టానికి 135 పరుగులు మాత్రమే చేసింది. తంబ్రైజ్ షంషై 3 వికెట్లతో రాణించాడు. రోస్టన్ ఛేజ్ 52 పరుగులతో రాణించాడు. అనతరం 136 పరుగుల టార్గెట్ తో బరిలోకి దిగిన సౌతాఫ్రికాకు వరుణుడు అడ్డుతగిలాడు. 15/2(2 ఓవర్లు) దగ్గర ఉండగా వర్షం మెుదలైంది. దాంతో కాసేపు ఆటకు అంతరాయం కలిగింది. వర్షం కారణంగా సౌతాఫ్రికా టార్గెట్ ను 17 ఓవర్లలో 123 పరుగులుగా నిర్దేశించారు.

 

View this post on Instagram

 

A post shared by ICC (@icc)

• ఇదికూడా చదవండి: Mohammad Nabi: సరి కొత్త వరల్డ్ రికార్డ్.. 45 దేశాలపై మ్యాచ్ గెలిచిన తొలి క్రికెటర్ ఇతనే!