వరల్డ్ కప్ టీమ్స్​కు కమిన్స్ వార్నింగ్.. ఇంకో కప్పు మీద కర్చీఫ్ వేశాడుగా!

క్రికెట్​లో బాగా కష్టపడితే మంచి బ్యాటర్​గా, బౌలర్​గా పేరు తెచ్చుకోవచ్చు. కన్​సిస్టెంట్​గా పెర్ఫార్మ్ చేస్తే స్టార్ ప్లేయర్​గా ఎదగొచ్చు. కొన్ని ఏళ్ల పాటు దాన్నే కంటిన్యూ చేస్తే లెజెండ్​గా అవతరించొచ్చు. అయితే ఓ ఆటగాడిగా పేరు తెచ్చుకోవడం కంటే కెప్టెన్​గా గ్రేట్ అనిపించుకోవడం చాలా కష్టం. ఎందుకంటే ఇండివిడ్యువల్ పెర్ఫార్మెన్స్ అనేది ఆయా ప్లేయర్ల చేతుల్లో ఉంటుంది. కానీ సారథిగా రాణించాలంటే జట్టును ఏకతాటిపై నడిపించాలి. తాను రాణిస్తూనే టీమ్​లోని ఆటగాళ్లందరి నుంచి బెస్ట్ పెర్ఫార్మెన్స్​ను రాబట్టాలి. సరైన సమయానికి సరైన నిర్ణయాలు తీసుకోవాలి. అందుకే కెప్టెన్సీలో చాలా తక్కువ మంది మాత్రమే సక్సెస్ అయ్యారు. ఈ తరం చూసిన తోపు కెప్టెన్లలో ఒకడిగా ప్యాట్ కమిన్స్​ను చెప్పొచ్చు.

కెప్టెన్​గా ఆస్ట్రేలియా జట్టును అద్భుతంగా నడిపిస్తున్నాడు కమిన్స్. ఏడాది కాలంలో ఆ టీమ్​కు వరల్డ్ టెస్ట్ ఛాంపియన్​షిప్​ను అందించాడు. ప్రతిష్టాత్మక యాషెస్ సిరీస్​లోనూ విన్నర్​గా నిలిపాడు. ఆ తర్వాత భారత్ ఆతిథ్యం ఇచ్చిన వన్డే వరల్డ్ కప్​నూ కంగారూలకు అందించాడు. ఆసీస్​ తరఫునే కాదు.. ఐపీఎల్​లో సన్​రైజర్స్ హైదరాబాద్​ సారథిగానూ విజయవంతం అయ్యాడు. గతేడాది పాయింట్స్ టేబుల్​లో 10వ స్థానంలో ఉన్న ఎస్​ఆర్​హెచ్​ను ఈసారి ఏకంగా ఫైనల్​కు చేర్చాడు కమిన్స్. అతడి జోరును ఆపడం ఎవరి తరం కావడం లేదు. త్వరలో వెస్టిండీస్-యూఎస్​ఏ ఆతిథ్యం ఇస్తున్న టీ20 ప్రపంచ కప్​లోనూ ఆస్ట్రేలియాను విజేతగా నిలబెట్టాలని చూస్తున్నాడు. మరో వారం రోజుల్లో పొట్టి కప్పు మొదలుకానుంది. ఈ తరుణంలో అతడు మిగతా జట్లకు వార్నింగ్ ఇచ్చాడు.

వరల్డ్ కప్​ గురించి కమిన్స్ మాట్లాడుతూ ఈసారి తాము ఫేవరెట్స్ కాదన్నాడు. అయితే టోర్నీలోని బెస్ట్ టీమ్స్​లో తమది కూడా ఒకటన్నాడు. వన్డే ప్రపంచ కప్ నెగ్గిన జట్టులోని చాలా మంది ఆటగాళ్లతో ఈసారి మెగా టోర్నీకి వస్తున్నామని చెప్పాడు. ఆసీస్ స్క్వాడ్ బలంగా ఉందని, తమకు అనుభవజ్ఞులైన ఆటగాళ్ల అండ ఉందన్నాడు కమిన్స్. వరల్డ్ కప్ మీద కన్నేశామని.. కప్పును సొంతం చేసుకునేందుకు తమ శాయశక్తులా ప్రయత్నిస్తామని పేర్కొన్నాడు. మెగా టోర్నీలో తమ బెస్ట్ ఇచ్చేందుకు ట్రై చేస్తామన్నాడు. ఫేవరెట్స్​లో తమ టీమ్ లేదంటూనే, కప్పు కోసం ఏం చేసేందుకైనా రెడీ అంటూ ప్రత్యర్థులకు వార్నింగ్ ఇచ్చాడు. ఇది చూసిన నెటిజన్స్.. ఇంకో కప్పు మీద కమిన్స్ కర్చీఫ్ వేశాడని అంటున్నారు. మరి.. పొట్టి కప్పులో ఆసీస్ హవా నడుస్తుందని మీరు భావిస్తే కామెంట్ చేయండి.

• ఇదీ చదవండి: నిన్న మ్యాచ్‌లో కమిన్స్ చేసిన అద్భుతం గమనించారా? ఇక్కడే మ్యాచ్ టర్న్ అయ్యింది!

Pat Cummins said “I am not sure we are favourites, we are one of the better sides, got experience & similar squad from the World Cup winning team, we will give our best crack”. [Talking about T20I World Cup 2024 on Sports Tak] pic.twitter.com/FuDLqOXeMS

— Johns. (@CricCrazyJohns) May 25, 2024