OTTలోకి వచ్చేస్తున్న తెలుగు మిడిల్ క్లాస్ ఫ్యామిలీ మూవీ.. స్ట్రీమింగ్ వివరాలివే

థియేటర్లు, ఓటీటీల్లో చిన్న చిత్రాలు మంచి విజయాలను సాధిస్తున్నాయి. ఇక మిడిల్‌ క్లాస్‌ ఫ్యామిలీ బ్యాక్‌డ్రాప్‌తో తెరకెక్కిన సినిమాలు, వెబ్‌ సిరీస్‌లు హిట్టు కొడుతున్నాయి. ఈ కోవకు చెందనిదే 90స్‌ వెబ్‌సిరీస్‌. మధ్యతరగతి వారి జీవితాలను ప్రతిబింబించేలా రియాలిస్టిక్‌ కథాంశంతో తెరకెక్కిన ఈ సిరీస్‌ భారీ విజయం సాధించింది. ఇక అదలా ఉంచితే.. ఈమధ్య కాలంలో యూట్యూబ్‌ ద్వారా గుర్తింపు తెచ్చుకున్న వారు కూడా సిల్వర్‌ స్క్రీన్‌ మీద తమ అదృష‍్టాన్ని పరీక్షించుకుంటున్నారు. తాజాగా చైతన్య రావ్‌ ఈ జాబితాలో చేరారు. 30 వెడ్స్ 21 అనే యూట్యూబ్ సిరీస్‍తో పాపులర్ అయిన చైతన్య రావ్‌.. తర్వాత సినిమాల్లో కూడా రాణిస్తున్నారు. విభిన్నమైన కథాంశాలతో తెరకెక్కుతున్న చిత్రాలను చేస్తున్నాడు. ఈ క్రమంలో తాజాగా చైతన్య రావ్‌ ప్రధాన పాత్రలో తెరకెక్కిన చిత్రం షరతులు వర్తిస్తాయి.

ఈ సినిమా ఈ ఏడాది మార్చి 15న ప్రేక్షకులు ముందుకు వచ్చింది. థియేటర్లలో విడుదలైన ఈ సినిమా యావరేజ్‌ టాక్‌ తెచ్చుకుంది. కానీ సినిమాలోని పాటలు బాగా పాపులర్‌ అయ్యాయి. ఈ క్రమంలో తాజాగా ఈ చిత్రం ఓటీటీ స్ట్రీమింగ్‌ గురించి ఆసక్తికర సమాచారం వినిపిస్తోంది. ఈ సినిమా త్వరలోనే ఓటీటీలో విడుదల కానుంది. ఆహా ఓటీటీ ప్లాట్‍ఫామ్‍లో మే 18వ తేదీన స్ట్రీమింగ్‍కు రానుంది. ఈ విషయాన్ని ఆహా అధికారికంగా వెల్లడించింది. “మంచి మిడిల్ క్లాస్ మూవీ చూడాలని ఉందా.. అయితే షరతులు వర్తిస్తాయి సినిమా మే 18వ తేదీన ఆహాలో ప్రీమియర్ కానుంది” అని ఆహా నేడు (మే 14) ట్వీట్ చేసింది.

రెండు నెలల తర్వాత..

ఇక షరతులు వర్తిస్తాయి చిత్రంలో చైతన్య రావ్, భూమి శెట్టి జంటగా నటించారు. సినిమాలో వీరు చిరంజీవి, విజయశాంతి అనే క్యారెక్టర్లు చేశారు. ఈ సినిమా థియేటర్లలో పర్వాలేదనిపించింది. యావరేజ్‌ టాక్‌ తెచ్చుకుంది. ఇక ఇప్పుడు అనగా థియేటర్లలో రిలీజైన రెండు నెలల తర్వాత మే 18న ఈ చిత్రం ఆహా ఓటీటీలో అడుగుపెడుతోంది. షరతులు వర్తిస్తాయి చిత్రంలో చైతన్య, భూమితో పాటు నంద కోశోర్, సంతోష్ యాదవ్, దేవరాజ్ పలమూరు, వెంకీ, శివ కల్యాణ్, మల్లేశ్ బలస్త్ కీలకపాత్రలు పోషించారు. అక్షర (కుమార స్వామి) దర్శకత్వం వహించిన ఈ మూవీని స్టార్ లైట్స్ స్టూడియోస్ పతాకంపై నాగార్జున సామల నిర్మించారు. అరుణ్ చిలువేరు ఈ చిత్రానికి సంగీతం అందించారు.

కథేంటి అంటే..

ప్రభుత్వ ఉద్యోగం చేసే చిరంజీవి (చైతన్య రావ్) కుటుంబాన్ని పోషించేందుకు ఇబ్బందులు పడుతుంటాడు. తాను ప్రేమిస్తున్న విజయశాంతి (భూమి శెట్టి) అతడికి మద్దతుగా ఉంటుంది. వీరి పెళ్లి తర్వాత.. అనుకోకుండా ఆర్థికంగా ఓ విషయంలో చిరంజీవి మోసపోతాడు. దీంతో వారి జీవితంలో చాలా ఇబ్బందులు ఎదురవుతాయి. ఆ తర్వాత ఏం జరిగింది.. వారికి వచ్చిన కష్టం ఏటి.. దాన్నుంచి ఆ కుటుంబం ఎలా బయటపడింది అనేదే ఈ మూవీలో ప్రధానంగా ఉంటుంది. షరతులు వర్తిస్తాయి సినిమాలో చైతన్య రావ్ మరోసారి తన యాక్టింగ్ టాలెంట్ నిరూపించుకున్నారు. మధ్యతరగతి వ్యక్తిగా మంచి నటనను ప్రదర్శించాడు.

Manchi Middle class movie chudalani undha?🙋‍♂️
Aithe “షరతులు వర్తిస్తాయి!”💁‍♀️#SharathuluVarthisthaiOnAha Premieres May 18th!@IamChaitanyarao @ShettyBhoomi @NagarjunSamala @sureshbobbili9 @aksharakumar726 pic.twitter.com/2snj01oYkU

— ahavideoin (@ahavideoIN) May 14, 2024