వన్డే వరల్డ్ కప్-2023 సందడి మొదలైంది. ప్రతిష్టాత్మక మెగా టోర్నీలో పాల్గొనేందుకు ఒక్కో దేశం భారత్కు చేరుకుంటోంది. ఇప్పటికే పాకిస్థాన్ టీమ్ హైదరాబాద్లో దిగిపోయింది. దాయాది జట్టుకు శంషాబాద్ ఎయిర్పోర్టులో అదిరిపోయే రీతిలో స్వాగతం లభించింది. పాక్ టీమ్ను చూసేందుకు వందలాదిగా క్రికెట్ ఫ్యాన్స్ ఎయిర్పోర్టుకు చేరుకున్నారు. వెల్కమ్ టు ఇండియా అంటూ స్వాగతం పలికారు. దీంతో బాబర్ సేన సంతోషంలో మునిగిపోయింది. ఇక, హోటల్లో అయితే పాక్ క్రికెటర్లకు కండువాలు కప్పి, పన్నీరు చల్లి స్వాగతం చెప్పారు. తమకు ఇంత అద్భుతంగా వెల్కమ్ చెప్పడం, ఫైవ్ స్టార్ సదుపాయాలు కల్పించడంతో ఆ దేశ ప్లేయర్లు హర్షం వ్యక్తం చేస్తున్నారు.
ఒకవైపు పాక్ క్రికెటర్లకు భారత్లో సకల మర్యాదలతో ఘనస్వాగతం లభించగా.. మరోవైపు ఆ దేశ క్రికెట్ బోర్డు మాత్రం తన చెత్త బుద్ధిని మరోమారు చూపెట్టింది. పాకిస్థాన్ క్రికెటర్ బోర్డు (పీసీబీ) చీఫ్ జాకా అష్రాఫ్ భారత్పై మరోమారు విషం కక్కాడు. వరల్డ్ కప్కు ఆతిథ్యం ఇస్తున్న ఇండియాపై వివాదాస్పద వ్యాఖ్యలు చేశాడు. దీనికి సంబంధించిన వీడియో నెట్టింట వైరల్ అవుతోంది. ఈ వీడియో జాకా అష్రాఫ్ మాట్లాడుతూ.. పాక్ జట్టు చాలా ధైర్యంగా ఉండాలని, శత్రుదేశంలో అయినా ఇంకెక్కడైనా సరే.. టోర్నీ జరుగుతుంటే దేశం మొత్తం వాళ్లకు సపోర్ట్ ఇవ్వాలని అన్నారు. ఈ వీడియో చూసిన టీమిండియా ఫ్యాన్స్ షాకవుతున్నారు.
పాకిస్థాన్ జట్టును ఇంత బాగా చూసుకుంటూ భారతీయులు గ్రాండ్ వెల్కమ్ చెబుతుంటే.. మరోవైపు పీసీబీ చీఫ్ అష్రాఫ్ మాత్రం భారత్ను శత్రుదేశం అంటున్నారని ఫైర్ అవుతున్నారు. పాక్ చెత్త బుద్ధి ఇలాగే ఉంటుందని సీరియస్ అవుతున్నారు. దీనిపై ఇతర దేశాలకు చెందిన క్రికెట్ అభిమానులు కూడా రియాక్ట్ అవుతున్నారు. పీసీబీ చీఫ్ హోదాలో ఉండి వరల్డ్ కప్ జరుగుతున్న వేళ భారత్ను ఇలా శత్రుదేశంగా అభివర్ణించడం సరికాదని విమర్శిస్తున్నారు. ఈ కాంట్రవర్సీ ఇక్కడితో ముగియదని.. ఇది పెద్ద గొడవకు దారితీసే అవకాశం ఉందని చెబుతున్నారు. మరి.. ఈ వివాదంపై మీరేం అనుకుంటున్నారో కామెంట్ల రూపంలో తెలియజేయండి.
ఇదీ చదవండి: అనుకోకుండా కాదు.. పక్కా ప్లానింగ్తోనే అశ్విన్ ఎంట్రీ!
Look at India’s reception of Pakistani players and consider the remark made by the chairman of the PCB, Zaka Ashraf, who referred to India as ‘Dushman Mulk’. It raises the question as to why certain individuals harbor so much hatred. #NamakHaram
pic.twitter.com/2SVwVTWwEz— Wazhma Ayoubi 🇦🇫 (@WazhmaAyoubi) September 28, 2023
