SRHపై గెలిచినా సంతోషంగా లేనంటున్న శ్రేయస్ అయ్యర్.. కారణం?

ఐపీఎల్-2024 గ్రూప్ స్టేజ్​లో హవా నడిపించిన కోల్​కతా నైట్ రైడర్స్.. అదే జోరును ప్లేఆఫ్స్​లోనూ కంటిన్యూ చేసింది. సన్​రైజర్స్ హైదరాబాద్​తో అహ్మదాబాద్ వేదికగా జరిగిన క్వాలిఫయర్స్​-1లో కేకేఆర్ 8 వికెట్ల తేడాతో నెగ్గింది. ఈ గెలుపుతో నేరుగా ఫైనల్స్​కు దూసుకెళ్లింది అయ్యర్ సేన. ఎస్​ఆర్​హెచ్​తో మ్యాచ్​లో టఫ్​ కాంపిటీషన్ ఉంటుందని అంతా అనుకున్నారు. కానీ ఫస్ట్ బాల్ నుంచే ఫుల్ డామినేషన్ చూపించింది కేకేఆర్. ఆరెంజ్ ఆర్మీని 159 పరుగులకే కట్టడి చేసింది. ఆ తర్వాత 13.4 ఓవర్లలోనే 2 వికెట్లు మాత్రమే కోల్పోయి 164 పరుగులు చేసి విజయాన్ని అందుకుంది. కమిన్స్ సేనను చిత్తు చేయడంతో కోల్​కతా అభిమానులు సంబురాల్లో మునిగిపోయారు. తమ టీమ్​ ఇంకో మ్యాచ్ నెగ్గితే చాలని కోరుకుంటున్నారు.

సన్​రైజర్స్​పై కోల్​కతా విజయంతో ఆ టీమ్ ఫ్యాన్స్ అంతా సెలబ్రేషన్స్ చేసుకుంటున్నారు. అయితే తన జట్టు గెలిచి ఫైనల్​కు చేరుకున్నా కేకేఆర్ కెప్టెన్ శ్రేయస్ అయ్యర్ మాత్రం సంతోషంగా లేడు. ఈ విషయాన్ని స్వయంగా అతడే రివీల్ చేశాడు. ఎస్​ఆర్​హెచ్​ను ఓడించినందుకు  హ్యాపీగా ఉన్నానని.. కానీ పూర్తి సంతృప్తిగా లేనని అన్నాడు. దీనికి కారణం కప్పు వేటలో తాము ఇంకో మ్యాచ్​ ఆడాల్సి ఉండటమేనని చెప్పాడు. ‘క్వాలిఫయర్స్​లో గెలిచినందుకు సంతోషంగా ఉన్నాం. కానీ తృప్తి మాత్రం లేదు. ఎందుకంటే కప్పు కావాలంటే మేం ఇంకో మ్యాచ్ ఆడాల్సి ఉండటమే. ఎస్​ఆర్​హెచ్​పై గెలుపు కోసం ప్రతి ఒక్కరూ తమ రెస్పాన్సిబిలిటీని నెరవేర్చారు. జట్టు కోసం ఎంతో కష్టపడ్డారు. ఈ మ్యాచ్ రిజల్ట్ మాకు ఎంతో విలువైంది’ అని అయ్యర్ చెప్పుకొచ్చాడు.

సన్​రైజర్స్​తో మ్యాచ్​లో వచ్చిన ప్రతి ఛాన్స్​ను అందిపుచ్చుకోవడానికి ప్రయత్నించామని అయ్యర్ తెలిపాడు. బౌలింగ్​లో వేరియేషన్స్ చూపిస్తే రిజల్ట్ పాజిటివ్​గా వస్తుందని చెప్పడానికి ఇదే నిదర్శనమని చెప్పాడు. స్టార్క్, సునీల్ నరైన్ అద్భుతంగా బౌలింగ్ చేశారని మెచ్చుకున్నాడు. బ్యాటింగ్​లోనూ అటాకింగ్ మంత్రాన్నే ఫాలో అయ్యామని.. వెంకటేశ్ అయ్యర్ ఆ ఊపును కంటిన్యూ చేయడం మంచి విషయమన్నాడు. ఫైనల్​లోనూ ఇదే రకమైన ఆటతీరును కొనసాగిస్తామనే నమ్మకంతో ఉన్నామని శ్రేయస్ పేర్కొన్నాడు. కప్పు కోసం ఇంకో మ్యాచ్ ఆడాలనే ఊహ తనకు తృప్తిని ఇవ్వడం లేదని.. ఎస్​ఆర్​హెచ్​పై విజయాన్ని పూర్తిగా ఆస్వాదించకపోవడానికి అదే కారణమని వివరించాడు. మరి.. కేకేఆర్ ఈసారి కప్పు నెగ్గుతుందని మీరు భావిస్తే కామెంట్ చేయండి.

• ఇదీ చదవండి: ఎలిమినేటర్ అంటే RCBలో కనిపించని భయం.. కోహ్లీ టీమ్​ ధైర్యం అదే!

Shreyas Iyer said “We are happy but not yet satisfied because there is one more game to go”. pic.twitter.com/NKniWEeW9l

— Johns. (@CricCrazyJohns) May 22, 2024