LSG vs DC: కోహ్లీ ఫెయిలైనా కేఎల్ రాహుల్ సాధించాడు.. BCCI కోరుకుంటోంది ఇదే!

ఐపీఎల్-2024లో ఫస్ట్ మ్యాచ్​లోనే ఓటమితో నిరాశలో కనిపించిన లక్నో సూపర్ జియాంట్స్ దాని నుంచి వెంటనే కోలుకుంది. ఆ తర్వాత హ్యాట్రిక్ విక్టరీస్​తో ప్రత్యర్థులకు డేంజర్ సిగ్నల్స్ పంపించింది. ఢిల్లీ క్యాపిటల్స్​తో ప్రస్తుతం జరుగుతున్న మ్యాచ్​నూ పాజిటివ్​గా స్టార్ట్ చేసింది ఎల్​ఎస్​జీ. ఈ మ్యాచ్​లో టాస్ నెగ్గిన లక్నో కెప్టెన్ కేఎల్ రాహుల్ తొలుత బ్యాటింగ్ ఎంచుకున్నాడు. మరో ఓపెనర్​తో క్వింటన్ డికాక్ (19)తో కలసి ఇన్నింగ్స్​ను స్టార్ట్ చేసిన రాహుల్ ఫస్ట్ వికెట్​కు 3 ఓవర్లలో 29 పరుగులు అందించాడు. ఆ తర్వాత డికాక్ ఔటైనా రాహుల్ మాత్రం ఒక ఎండ్​లో పరుగులు చేస్తూ పోయాడు. ఇతర బ్యాటర్ల నుంచి సహకారం లేకపోయినా అతడు మాత్రం బౌండరీల మీద బౌండరీలు కొట్టాడు. ఈ క్రమంలో కోహ్లీ సాధించలేనిది అచీవ్ చేసి చూపించాడతను.

ఈ ఐపీఎల్​లో కోహ్లీతో పాటు రాహుల్ కూడా స్లోగా రన్స్ చేస్తూ విమర్శల పాలవుతున్నాడు. అతడి స్ట్రయిక్ రేట్ మీద నెట్టింట భారీగా ట్రోలింగ్ నడుస్తోంది. విరాట్ స్ట్రయిక్ రేట్ 141గా ఉండగా.. రాహుల్ స్ట్రయిక్ రేట్ 128గా ఉంది. యాంకర్ ఇన్నింగ్స్​లు ఆడుతున్న కింగ్ అయినా కాస్త వేగంగా పరుగులు చేస్తున్నాడు. కానీ కేఎల్ మాత్రం స్లో బ్యాటింగ్​తో అందరికీ నీరసం వచ్చేలా చేస్తున్నాడు. దీంతో వీళ్లిద్దర్నీ టార్గెట్ చేసుకొని సోషల్ మీడియాలో నెటిజన్స్ విమర్శలు చేయడం మొదలుపెట్టారు. ఈ ట్రోలింగ్ అంశం ఆ నోటా ఈ నోటా పడి చివరికి వీళ్లిద్దరి చెవికి చేరినట్లుంది. దీంతో నిన్న ముంబై ఇండియన్స్​తో జరిగిన మ్యాచ్​లో స్పీడ్​గా రన్స్ చేసేందుకు విరాట్ ప్రయత్నించాడు. కానీ అలా ఆడే క్రమంలో చెత్త షాట్ ఆడి వికెట్ పారేసుకున్నాడు. అయితే ఇవాళ కేఎల్ రాహుల్ మాత్రం దీన్ని సాధించాడు.

ఢిల్లీ క్యాపిటల్స్​తో జరిగిన మ్యాచ్​లో తన బ్యాట్ పవర్ ఏంటో చూపించాడు కేఎల్ రాహుల్. పవర్​ప్లేలో పించ్ హిట్టింగ్​కు దిగాడు. 14 బంతుల్లోనే 30 పరుగులు చేశాడు. పవర్​ప్లేలో అతడి స్ట్రయిక్ రేట్ 214.3గా ఉంది. దీన్ని బట్టే కేఎల్ ఏ రేంజ్​లో చెలరేగాడో అర్థం చేసుకోవచ్చు. ఓవరాల్​గా ఈ మ్యాచ్​లో 22 బంతులు ఎదుర్కొన్న ఎల్​ఎస్​జీ కెప్టెన్.. 39 పరుగులు చేసి పెవిలియన్​కు చేరుకున్నాడు. అందులో 1 సిక్స్​తో పాటు 5 బౌండరీలు ఉన్నాయి. ఖలీల్ అహ్మద్ బౌలింగ్​లో ఆఫ్ సైడ్ అతడు కొట్టిన సిక్స్ లక్నో ఇన్నింగ్స్​కే హైలైట్​గా నిలిచింది. రాహుల్ బ్యాటింగ్​పై సోషల్ మీడియాలో నెటిజన్స్ రియాక్ట్ అవుతున్నారు. కేఎల్ బ్యాటింగ్ అదిరిందని, అతడి నుంచి బీసీసీఐ కూడా ఇదే కోరుకుంటోందని కామెంట్స్ చేస్తున్నారు. త్వరలో టీ20 వరల్డ్ కప్ జరగనున్న నేపథ్యంలో రాహుల్ ఇలా ఆడితే తప్ప టీమ్​లో చోటు దక్కించుకోవడం కష్టమని అంటున్నారు. మరి.. రాహుల్ బ్యాటింగ్ మీకెలా అనిపించిందో కామెంట్ చేయండి.

• ఇదీ చదవండి: Rohit Sharma: రోహిత్ కొత్త టార్గెట్.. హార్దిక్ సహా ఎవ్వరికీ తెలియకుండా సెట్ చేశాడు!

MAGNIFICENT KL RAHUL 🤯

– Rahul smashed a six in the 3rd ball over extra cover. [JioCinema] pic.twitter.com/QyWOgzaez2

— Johns. (@CricCrazyJohns) April 12, 2024

KL Rahul in Powerplay – 30*(14)

Strike Rate is 214.3 ⭐🔥 pic.twitter.com/X2oIb7AQUY

— Johns. (@CricCrazyJohns) April 12, 2024