TS Election Results 2023: గజ్వేల్‌, హుజూరాబాద్‌లో ఈటల రాజేందర్‌ వెనకడుగు!

తెలంగాణ ఎన్నికల ఫలితాల్లో కాంగ్రెస్‌ సత్తా చాటుతోంది. ఒంటి గంట ప్రాంతానికి కాంగ్రెస్‌ 65 స్థానాల్లో లీడింగ్‌లో ఉంది. అధికార బీఆర్‌ఎస్‌ పార్టీ 40 స్థానాల లీడ్‌కు మాత్రమే పరిమితం అయింది. ఇక, బీజేపీ 8 స్థానాల్లో ఆధిక్యత ప్రదర్శిస్తోంది. అయితే, రెండు స్థానాల్లో సీనియర్‌ రాజకీయ నాయకుడు, బీజీపీ నేత ఈటల రాజేందర్‌ లేకపోవటం గమనార్హం. ఆయన గజ్వేల్‌, హుజూరాబాద్‌లలో రెండు చోట్లా పోటీ చేస్తూ ఉన్నారు. ఈ రెండు చోట్లా వెనుకబడి పోయారు.

గజ్వేల్‌ రెండవ స్థానానికి, హుజూరాబాద్‌లో మూడవ స్థానంలో ఉన్నారు. గజ్వేల్‌లో 5 రౌండ్లు ముగిసే సమయానికి కేసీఆర్‌ మొదటి స్థానంలో ఉన్నారు. ఈటల రాజేందర్‌ రెండవ స్థానానికి పరిమితం అయ్యారు. ఇద్దరి మధ్యా దాదాపు 7 వేల ఓట్ల తేడా ఉంది. 7 రౌండ్లు ముగిసే సమయానికి హుజూరాబాద్‌లో బీఆర్‌ఎస్‌ నేత కౌశిక్‌రెడ్డి ఆధిక్యంలో ఉన్నారు. రెండవ స్థానంలోకి కాంగ్రెస్‌ పార్టీ అభ్యర్థి ఓడితల ప్రణవ్‌ ఉన్నారు. ఈటల రాజేందర్‌ మూడవ స్థానానికి పరిమితం అయ్యారు.