4 వేల కోట్లు.. ఇది దీపిక రేంజ్! మన హీరోలు కలలో కూడా ఇది సాధించలేరు!

ఇండియన్ సినిమాలో పాన్ ఇండియా వైడ్ గా క్రేజ్, డిమాండ్ ఉన్న హీరోయిన్లు కచ్చితంగా వేళ్ల మీద లెక్కేసే సంఖ్యలోనే ఉంటారు. వారిలో కూడా అందరూ కథ, యాక్టింగ్, డ్యాన్స్ పరంగా స్టార్లు- సూపర్ స్టార్లు ఉండి ఉండచ్చు. కానీ, ట్రేడ్ లెక్కలు వచ్చే సరికి ప్రస్తుతం పాన్ ఇండియా లెవల్లో ఒకే ఒక్క పేరు వినిపిస్తోంది. ఆమె మరెవరో కాదు దీపికా పదుకొణె. ఇప్పుడు ఈమె బాక్సాఫీస్ లెక్కలు సౌత్ లో హీరోలు కూడా సాధించలేరు అనేలా ఉన్నాయి. ఇప్పటికే రూ.2500 కోట్ల వరకు గ్రాస్ కలెక్టింగ్ రికార్డులు క్రియేట్ చేసిన ఈ భామ.. ఏకంగా రూ.4 వేల కోట్లు కొల్లకొట్టేందుకు రెడీ అయిపోతోంది. ఇది జరిగితే ఈ భామను కొట్టడం కష్టం మాత్రమే కాదు.. అసాధ్యం అని కూడా చెప్పాలి.

పఠాన్ కి ముందు వరకు దీపికా పరిస్థితి ఒకలా ఉంది. ఏ సినిమా తీసినా ఫ్లాపు అవుతూ వచ్చింది. గెహరాయి, చెపాక్, జీరో సినిమాలు సేమ్ ఫలితాన్ని ఇచ్చాయి. ఇంక భర్త చేసిన సర్కస్ సినిమాలో క్యామియో చేస్తే.. అది కూడా నిరాశ పరిచింది. అటు ప్రొడ్యూసర్ గా కూడా ఆశించిన స్థాయి ఫలితాలు రాలేదు. దాదాపుగా దీపికాకి ఐరెన్ లెగ్ అనే ట్యాగ్ ని అంటగట్టేందుకు చాలామందే ఉవ్విళ్లూరారురు. కానీ, అలాంటి సమయంలో ఆమె పఠాన్ సినిమాలో ఛాన్స్ దక్కించుంకుంది. ఆ సినిమా ఏకంగా బాక్సాఫీస్ వద్ద రూ.వెయ్యి కోట్లు దాటేసింది. అలాగే జవాన్, ఫైటర్ కూడా అద్భుతమైన కలెక్షన్ రాబట్టాయి. ఈ మూడు సినిమాలు కలిపి బాక్సాఫీస్ వద్ద ఏకంగా రూ.2600 కోట్ల వరకు గ్రాస్ కలెక్ట్ చేసింది.

ఇప్పుడు దీపిక పదుకొణె ఖాతాలో అరుదైన రికార్డు నమోదయ్యే దాఖలాలు కనిపిస్తున్నాయి. ఎదుకంటే దీపికా పదుకొణె ప్రస్తుతం కల్కీ 2898 ఏడీ సినిమాలో నటిస్తున్న విషయం తెలిసిందే. ఈ మూవీ జూన్ 27న విడుదల కాబోతోంది. ప్రస్తుతం కల్కీ సినిమాకీ ఉన్న బజ్, ప్రభాస్ మార్కెట్ వ్యాల్యూ, నాగ్ అశ్విన్ విజన్ చూస్తుంటే ఈ సినిమా వరల్డ్ వైడ్ గా సత్తా చాటుతుందని అర్థమైపోతోంది. ఈ సినిమా ఎంత లేదన్నా కూడా వరల్డ్ వైడ్ గా బాక్సాఫీస్ వద్ద కనీసం రూ.1500 కోట్ల వరకు గ్రాస్ కలెక్ట్ చేస్తుందని అంచనాలు వేస్తున్నారు. ఈ లెక్కన దీపికా పదుకొణె తన 4 సినిమాలతో రూ.4000 కోట్లు కలెక్ట్ చేసినట్లు అవుతుంది.

ఈ లెక్కన దీపికా సాధించిన ఈ రికార్డును సౌత్ లో ఉన్న హీరోలు కూడా టచ్ చేయడం సాధ్యం కాదు అంటూ కామెంట్స్ వినిపిస్తున్నాయి. ఇవి మాత్రమే కాకుండా.. దీపికా- అజయ్ దేవగన్ కాంబోలో వస్తున్న సింగన్ అగైన్ కూడా పాన్ ఇండియా లెవల్లో క్రేజ్ ఉన్న ఫ్రాంచైజ్. ఆ మూవీ కూడా రూ.వెయ్యి కోట్లు కలెక్ట్ చేసే సత్తా ఉన్న సినిమానే. ప్రస్తుతానికి దీపికా పదుకొనె తన చేతిలో ఉన్న ప్రాజెక్టులు అన్నీ పూర్తి చేసి సినిమాలకు కాస్త గ్యాప్ ఇచ్చే యోచనలో ఉంది. అందుకే కల్కి ప్రమోషన్స్ లో కూడా దీపికా కనిపించడం లేదు. మరి.. ప్రీ రిలీజ్ ఈవెంట్ కి అయినా దీపికాని తీసుకొస్తారేమో చూడాలి.