వీడియో: అదిరిపోయిన బిగ్ బాస్ లాంఛింగ్ ఈవెంట్ ప్రోమో!

బిగ్గెస్ట్ రియాలిటీ షో బిగ్ బాస్ తెలుగు సీజన్ 7కు ముహూర్తం ఖరారైన విషయం తెలిసిందే. మొదటి నుంచి చెప్తున్న విధంగానే సెప్టెంబర్ 3 రాత్రి 7 గంట నుంచి ఈ షో ప్రారంభం కానుంది. ఈ సీజన్ కు కూడా కింగ్ నాగార్జున హోస్ట్ గా వ్యవహరిస్తున్న విషయం తెలిసిందే. ఈ సీజన్ లాంఛింగ్ కు సంబంధించి ప్రోమో రిలీజ్ చేశారు. అందులో కింగ్ నాగార్జున్ సూపర్ లుక్స్ లో ఎంతో కొత్తగా కనిపిస్తున్నారు. అంతేకాకుండా ఈ సీజన్ అనేది ఇప్పటివరకు చూసిన వాటికి ఎంతో భిన్నంగా ఉంటుందని చెబుతున్నారు. ఈ సీజన్ లైన్ కూడా ఉల్టా పుల్టా అని ప్రచారం చేశారు.

కింగ్ నాగార్జున్ అదే గ్రేస్, అదే స్వాగ్ ఈ సీజన్ ని కూడా చేయబోతున్నారు. ఈ ప్రోమో చూస్తే ప్రేక్షకులకు అది క్లియర్ గా అర్థమవుతుంది. ఇంక ఈ సీజన్ లో పాల్గొనబోయే వాళ్లు అంటూ ఇన్ స్టాగ్రామ్ వేదికగా చాలానే పేర్లు వస్తున్నాయి. వారిలో అసలు ఎవరు హౌస్ లోకి ఎంట్రీ ఇవ్వబోతున్నారు అనే విషయం ఆదివారం రాత్రి 7 గంటల తర్వాత క్లారిటీ వస్తుంది. ఈ సీజన్ ని కొత్తగా ప్లాన్ చేస్తున్న నేపథ్యంలో కాస్త నేమ్, ఫేమ్ ఉన్న వారినే నిర్వాహకులు సెలక్ట్ చేసినట్లు తెలుస్తోంది. మరోవైపు టాస్కులు, రూల్స్ అన్నీ కొత్తగా ఉంటాయని చెబుతున్నారు. పాత సీజన్లు చూసి ఆ గేమ్ ప్లాన్, స్ట్రాటజీలను ఇక్కడ అప్లై చేసేందుకు అవకాశం లేకుండా చేస్తున్నట్లు టాక్ వినిపిస్తోంది. మరి.. బిగ్ బాస్ లాంఛింగ్ ప్రోమో చూసి మీకు ఎలా అనిపించిందో కామెంట్స్ రూపంలో తెలియజేయండి.