దేశం గర్వించదగ్గ నటుల్లో ఒకరు అమితాబ్ బచ్చన్. పలు దశాబ్దాలుగా తన అద్భుతమైన నటనతో కోట్లాది మంది అభిమానుల్ని ఆయన సొంతం చేసుకున్నారు. వయసు పైబడుతున్నా అదే అందం, ఫిట్నెస్తో ఇంకా మూవీస్లో యాక్ట్ చేస్తున్నారు బాలీవుడ్ బిగ్బీ. సినిమాలతో పాటు తనను తిరిగి నిలబెట్టిన ‘కౌన్ బనేగా కరోడ్పతి’ (కేబీసీ) రియాలిటీ షోకూ హోస్ట్గా వ్యవహరిస్తున్నారు. త్వరలో 81వ పడిలోకి ఈ లెజెండరీ యాక్టర్ అడుగుపెట్టనున్నారు. ఈ తరుణంలో కేబీసీ ప్రొడ్యూసర్స్ ఏదో గ్రాండ్గా ప్లాన్ చేసినట్లు కనిపిస్తున్నారు. కేబీసీని హోస్ట్ చేస్తున్న టైమ్లో తన కోసం చేసిన ప్లాన్స్ను చూసి అమితాబ్ ఆశ్చర్యపోయారు.
కేబీసీ ప్రొడ్యూసర్స్ తన బర్త్ డే సెలబ్రేషన్స్ కోసం చేసిన ఏర్పాట్లను చూసి అమితాబ్ ఎమోషనల్ అయ్యారు. ఆయన లైవ్లోనే కన్నీళ్లు పెట్టుకున్నారు. తాజాగా రిలీజైన కేబీసీ ప్రోమోలో బిగ్ బీ భావోద్వేగానికి లోనైనట్లు కనిపించారు. ప్రేక్షకులతో పాటు కౌన్ బనేగా కరోడ్పతి షో నిర్వాహకులకు ఆయన థ్యాంక్స్ చెప్పారు. ‘నన్ను ఇంకా ఎంత ఏడిపిస్తారు? అందరికీ నేను టిష్యూ ఇచ్చేవాడ్ని. ఇప్పుడు నాకూ ఒకటి కావాలి. ఈ షోలో జరుగుతున్న నా పుట్టిన రోజు వేడుకలు అన్నింటి కంటే బెస్ట్ సెలబ్రేషన్స్’ అని ఆ ప్రోమోలో అమితాబ్ చెప్పుకొచ్చారు. ఇందులో బిగ్ బీ ఫొటో ఉన్న హుడీలను ఆడియెన్స్ ధరించారు.
అమితాబ్ బర్త్ డే నేపథ్యంలో కేబీసీలో స్పెషల్గా మ్యూజిక్ పెర్ఫార్మెన్స్ ఏర్పాట్లు చేశారు. అలాగే సినీ పరిశ్రమ నుంచి మెగాస్టార్ చిరంజీవి, బొమన్ ఇరానీ, విద్యా బాలన్, విక్కీ కౌశల్ తదితరులు బిగ్ బీకి విషెస్ చెబుతూ సందేశాలను అందించారు. ఈ వేడుకల్లో కేబీసీ మాజీ విన్నర్స్ బాబీ తావ్డే, హిమానీ బుందేలా, జస్కరన్ సింగ్ కూడా పాల్గొన్నట్లు సమాచారం. కాగా, కౌన్ బనేగా కరోడ్పతి గత సీజన్లో అమితాబ్ 80వ పుట్టిన రోజు వేడుకల్ని జరుపుకున్నారు. అప్పట్లో ఆ సెలబ్రేషన్స్కు బిగ్ బీ భార్య జయా బచ్చన్తో పాటు కుమారుడు అభిషేక్ బచ్చన్ హాజరై ఆయన్ను ఆశ్చర్యపరిచారు.
ఇదీ చదవండి: ‘గేమ్ ఛేంజర్’ OTT పార్ట్ నర్ ఫిక్స్.. సినీ చరిత్రలో భారీ డీల్!
View this post on Instagram
