OTTని షేక్ చేస్తున్న అదా శర్మ కాంట్రవర్షియల్ మూవీ.. స్ట్రీమింగ్ ఎక్కడంటే?

ఓటీటీలోకి చాలానే కొత్త సినిమాలు వస్తున్నాయి. ఒక్కో వారం 20కి పైగా కొత్త సినిమాలు వచ్చేసి స్ట్రీమింగ్ అవుతున్నాయి. ఈ మే 17న ఒక్కరోజే ఏకంగా 12 సినిమాలు వచ్చేశాయి. ఆడియన్స్ అంతా ఏ సినిమా చూడాలి అంటూ చాలానే వెతికేస్తున్నారు. అయితే ఈ హై డిమాండ్ లో వచ్చిన అదాశర్మ సినిమా ఒకటి ఓటీటీని షేక్ చేస్తోంది. ఓటీటీలోకి ఎంట్రీ ఇచ్చిన గంటల్లోనే ఏకంగా ఆ ఓటీటీ ప్లాట్ ఫామ్ లో ట్రెండింగ్ లోకి వచ్చేసింది. నిజానికి అదాశర్మ ఈ మధ్య ఏ మూవీ చేసినా కాంట్రవర్సీ అవుతోంది. లేదా ఆమె కాంట్రవర్సీ సినిమాలనే ఎంచుకుంటోందో అర్థం కావడం లేదు. ఈ మూవీ కూడా దేశవ్యాప్తంగా పెద్ద రచ్చే చేసింది.

ఇప్పటికే అదాశర్మ చేసిన ది కేరళ స్టోరీ దేశవ్యాప్తంగా ఎంత రచ్చ అయ్యిందో అందరికీ తెలిసిందే. అలాగే ఇప్పుడు ఓటీటీలోకి వచ్చిన బస్తర్: ది నక్సలైట్ స్టోరీ అనే మూవీ కూడా అంతే కాంట్రవర్సీకి కేరాఫ్ అడ్రస్ గా మారిపోయింది. ఈ మూవీకి సంబంధించి మొదటిసారి అదా శర్మా లుక్ ని రివీల్ చేసినప్పుడే పెద్ద చర్చ జరిగింది. చాలాచోట్ల వ్యతిరేకత కూడా వచ్చింది. కానీ, మేకర్స్ ఈ మూవీని విడుదల చేశారు. ఆ తర్వాత మిక్స్డ్ టాక్ తో ఈ మూవీ బాగానే పర్ఫామ్ చేసింది. ఇప్పుడు ఏకంగా ఓటీటీలోకి ఎంట్రీ ఇచ్చి ఆడియన్స్ ని సర్ ప్రైజ్ చేసింది. ఓటీటీలోకి రావడమే కాకుండా.. ట్రెండ్ కూడా అవుతోంది.

ఈ మూవీ కథ విషయానికి వస్తే.. ఛత్తీస్ గఢ్ రాష్ట్రంలోని దట్టమైన అటవీ ప్రాంతంలో నక్సలిజం చుట్టూ తిరిగే యధార్థ ఘటనల ఆధారంగా ఈ బస్తర్: ది నక్సల్ స్టోరీ అనే సినిమాని తెరకెక్కించారు. ఆ ప్రాంతంలో నక్సల్ కార్యకలాపాలు, వారు చేసే విధ్వంసానికి అడ్డుకట్ట వేసే ఐపీఎస్ అధికారిగా అదా శర్మ లీడ్ రోల్ ప్లే చేసింది. ప్రస్తుతం ఈ బస్తర్ సినిమా ప్రముఖ ఓటీటీ ప్లాట్ ఫామ్ జీ5లో స్ట్రీమింగ్ అవుతోంది. తెలుగు, హిందీ రెండు వర్షన్స్ లో స్ట్రీమ్ అవుతోంది. ప్రస్తుతం జీ5 ఓటీటీ ప్లాట్ ఫామ్ లో అదా శర్మ లేడీ ఓరియంటెడ్ మూవీ బస్తర్: ది నక్సల్ స్టోరీ ట్రెండ్ అవుతోంది. మరి.. ఈ నక్సల్ బ్యాగ్ డ్రాప్ యాక్షన్ థ్రిల్లర్ మూవీని మీరు చూశారా? చూస్తే మీకు ఎలా అనిపించింది? మీ అభిప్రాయాలను కామెంట్స్ రూపంలో తెలియజేయండి.