భారత క్రికెట్పై తమదైన ముద్రవేసిన క్రికెటర్లలో యువరాజ్ సింగ్ ఒకరు. లెఫ్టాండర్గా టీమ్లోకి ఎంట్రీ ఇచ్చిన ఈ పంజాబీ పుత్తర్.. ఆ తర్వాత తన స్పిన్ బౌలింగ్తోనూ జట్టుకు ఎన్నో విజయాలు కట్టబెట్టాడు. 2007 టీ20 వరల్డ్ కప్తో పాటు 2011 వన్డే వరల్డ్ కప్ను టీమిండియా అందుకోవడంలో ఆల్రౌండర్ యువరాజ్ది కీలక పాత్ర అని చెప్పొచ్చు. ఈ రెండు టోర్నీల్లోనూ బౌలింగ్, బ్యాటింగ్, ఫీల్డింగ్ల్లో అతడు అదరగొట్టాడు. యువీ క్రికెట్ ఆడే టైమ్లో గ్రౌండ్లో బ్యాట్, బాల్తో రాణిస్తూ వార్తల్లో నిలిచేవాడు. అదే సమయంలో స్టేడియం బయట లవ్ ఎఫైర్స్తోనూ నిత్యం న్యూస్లో అతడి పేరు వినిపించేది. ఫలానా హీరోయిన్తో యువీ డేటింగ్ చేస్తున్నాడని బోలెడ్ వార్తలు వచ్చేవి.
బాలీవుడ్ స్టార్ హాజెల్ కీచ్ను మ్యారేజ్ చేసుకున్న యువరాజ్.. పెళ్లికి ముందు కిమ్ శర్మ, దీపికా పదుకొణె, రియా సేన్, ప్రీతి జింటా లాంటి హీరోయిన్లతో ప్రేమాయణం నడిపాడు. అయితే హాజెల్తో మ్యారేజ్ తర్వాత భార్యా పిల్లలతో అతడు సంతోషంగా గడుపుతున్నాడు. అలాంటి యువీ తాజాగా ఇన్స్టాగ్రామ్లో పెట్టిన ఒక పోస్ట్ సోషల్ మీడియాలో పెద్ద దుమారమే రేపుతోంది. హాలీవుడ్ స్టార్ హీరోయిన్ క్యాథరిన్ న్యూటన్తో కలసి దిగిన ఫొటోను ఇన్స్టా స్టేటస్లో పెట్టిన యువీ.. ‘ఈ రోజు నువ్వు నాకు ఎన్ని షాట్స్ ఇవ్వబోతున్నావ్’ అంటూ ఆమె అకౌంట్ను ట్యాగ్ చేశాడు. ‘ది ఓపెన్’ గోల్ఫ్ టోర్నీ కోసం స్కాట్లాండ్కు వెళ్లిన యువరాజ్.. అక్కడ ఆమెతో దిగిన ఫొటోలను ఫ్యాన్స్తో పంచుకున్నాడు. అయితే అతడు ‘ఎన్ని షాట్స్ ఇస్తావ్’ అనే వ్యాక్యాన్ని ఏ ఉద్దేశంలో వాడాడో తెలియక అనేక అనుమానాలు వ్యక్తం చేస్తున్నారు నెటిజన్స్.
యువీ బూతు అర్థం వచ్చేలా షాట్స్ అనే పదాన్ని వాడాడని కొందరు నెటిజన్స్ అంటున్నారు. మరికొందరేమో క్యాథరిన్ నటించిన ‘యాంట్ మ్యాన్ అండ్ ది వాస్ప్’ మూవీలో ఓ సీన్ గురించి యువీ ఇలా కామెంట్స్ చేశాడని చెబుతున్నారు. ఈ సినిమాలో కొత్త భాషలు నేర్చుకునేందుకు ఒక రకమైన ద్రవణాన్ని షాట్స్గా ఇస్తారు. దాన్ని తాగాక చీమలు, కీటకాల భాష కూడా అర్థమైపోతుంది. యువీ దీన్ని ఉద్దేశించే షాట్స్ అనే పదం వాడి ఉండొచ్చని అంటున్నారు అతడి అభిమానులు. ఇకపోతే, యువీతో ఫొటో దిగిన హీరోయిన్ క్యాథరిన్ న్యూటన్కు మంచి పాపులారిటీ ఉంది. ‘బ్యాడ్ టీచర్’, ‘లేడీ బర్డ్’, ‘ది మార్షల్ ఆర్ట్స్ కిడ్’తో పాటు ‘పారానార్మల్ యాక్టివిటీ-4’, ‘యాంట్మ్యాన్ అండ్ ది వాస్ప్’ లాంటి మూవీస్తో ఆమె స్టార్ స్టేటస్ సంపాదించారు.
