వచ్చే వారం విడుదలవుతున్న సినిమాల్లో బుట్టబొమ్మ యూత్ ని టార్గెట్ చేసుకుని వస్తోంది. ఇవాళ ట్రైలర్ ని హైదరాబాద్ ఏఎంబి మాల్ లో గ్రాండ్ గా లాంచ్ చేశారు. ముందు ఈ మూవీలో నటించడానికి కమిటై తర్వాత తప్పుకున్న విశ్వక్ సేన్ చేతుల మీద ఇది జరిగింది. సితార బ్యానర్ కి దీని రూపంలో ఇచ్చిన కమిట్ మెంట్ ని వేరే చిత్రం ద్వారా పూర్తి చేయబోతున్నాడు. సందీప్ కిషన్ మైఖేల్ తో పాటు వారం ముందే స్పెషల్ స్క్రీనింగ్స్ తో హడావిడి చేస్తున్న రైటర్ పద్మభూషణ్ తో బుట్టబొమ్మకు గట్టి పోటీనే ఎదురు కాబోతోంది.
మళయాలం కప్పేలా రీమేక్ గా రూపొందిన ఈ విలేజ్ ఎంటర్ టైనర్ లో కథేంటో ట్రైలర్ లో ఓపెన్ చేశారు. తండ్రి కట్టుదిట్టమైన పెంపకంలో లక్షణంగా పెరిగిన ఓ అమ్మాయి(అనీఖా సురేంద్రన్)కి ఫోన్ లో పరిచయమైన అబ్బాయి(సూర్య వశిష్ట)తో ఫ్రెండ్ షిప్ లవ్ దాకా వెళ్ళిపోతుంది. ఒకరినొకరు చూసుకోకపోయినా విడిచి ఉండలేనంత దగ్గరవుతారు. కలుసుకునే టైం వచ్చినప్పుడు ప్రమాదం ఇంకో కుర్రాడి(అర్జున్ దాస్)రూపంలో తలుపు తడుతుంది. దీంతో అక్కడి నుంచి ఈ జంటకు చిక్కులు మొదలవుతాయి. అసలు స్టోరీ అక్కడి నుంచి షురూ
ఇందులో స్టార్ క్యాస్టింగ్ లేకపోయినా కేవలం కంటెంట్ ని నమ్ముకుని తెరకెక్కించారు. విశ్వాసం, ది ఘోస్ట్ లతో మనకు పరిచయమైన అనీఖా సురేంద్రన్ కు ఫుల్ లెన్త్ హీరోయిన్ గా ఇదే ఫస్ట్ టాలీవుడ్ మూవీ. మాస్టర్, విక్రమ్ లలో మెప్పించిన అర్జున్ దాస్ ఇందులో నెగటివ్ షేడ్స్ ఉన్న క్యారెక్టర్ చేశారు. గోపి సుందర్ సంగీతం సమకూర్చారు. శౌరి చంద్రశేఖర్ టి రమేష్ దర్శకత్వం వహించగా డీసెంట్ బడ్జెట్ లో స్వాతిముత్యం తర్వాత సితార సంస్థ తెరకెక్కించిన సినిమా ఇదే. శుక్రవారం కాంపిటీషన్ ని వద్దనుకుని ఫిబ్రవరి 4న రిలీజవుతున్న బుట్టబొమ్మ ఎలా మెప్పిస్తుందో చూడాలి
సంక్రాంతి హడావిడి దాదాపుగా ముగింపుకొచ్చినట్టే. వాల్తేరు వీరయ్య బ్లాక్ బస్టర్ గా నిలవగా వీరసింహారెడ్డి టాక్ తేడాగా వచ్చినా సంక్రాంతి సీజన్ ని వాడేసుకుని బయ్యర్లకు లాభాలు ఇచ్చింది. వారసుడు గట్టెక్కిపోగా తెగింపు పర్వాలేదనిపించుకుంది. కళ్యాణం కమనీయం రెండో రోజుకే దుకాణం సర్దాల్సి వచ్చింది. ఇక మొన్న వచ్చిన సుధీర్ బాబు హంట్ కనీసం పబ్లిసిటీ ఖర్చులను కూడా వెనక్కు తేలేకపోయింది. దారుణమైన ఆక్యుపెన్సీలతో అన్ని చోట్లా డెఫిషిట్లు నమోదు చేస్తోంది. మాలికాపురం ప్రమోషన్లు చేయకపోయినా అతి […]
