Prabhas: ఆ గుడిలో ప్రత్యేక పూజలు చేసిన ప్రభాస్‌.. కారణమిదే

రెబెల్ స్టార్ ప్రభాస్ తెర పైన కనిపించి ప్రేక్షలను అలరించడమే కానీ, బయట చాలా అరుదుగా కనిపిస్తూ ఉంటాడు. సామజిక మాధ్యమాలలోను ఈ హీరో కనిపించడం చాలా తక్కువ. కాబట్టి అభిమానులంతా డార్లింగ్ కోసం వేయి కళ్ళతో ఎదురు చూస్తూ ఉంటారు. ఇక ఎప్పుడైనా ప్రభాస్ బయట కనిపిస్తే ఇంకా అభిమానులకు పండగే. ఈ క్రమంలో ప్రభాస్ వీడియో ఒకటి నెట్టింట చక్కర్లు కొడుతోంది. దీనిని చూసిన అభిమానులు, నెటిజన్లు షాక్ అవుతున్నారు. ఎందుకంటే డార్లింగ్ బయట కనిపించడమే అరుదు.. అలాంటిది ఈసారి ఏకంగా ఓ గుడిలో పూజలు చేస్తూ కనిపించాడు. దీనితో ఈ వీడియో ఇంకాస్త ఆసక్తికరంగా మారింది. అసలు విషయం ఏమై ఉంటుందో తెలుసుకుందాం.

మొన్నటి వరకు డార్లింగ్ అభిమానులను ఒక ఊపు ఊపేసింది.. “సలార్” చిత్రం. అసలు ఎటువంటి ప్రమోషన్స్ లేకుండా, హడావిడి లేకుండా సైలెంట్ గా థియేటర్ లో విడుదుల అయ్యి.. ఓ భారీ ప్రభజనాన్ని సృష్టించింది ఈ చిత్రం. కనీసం సినిమా విడుదల తర్వాత కూడా డార్లింగ్ బయట సరిగా కనిపించలేదు. ఇక తాజాగా “సలార్” గ్రాండ్ సక్సెస్ సెలెబ్రేషన్స్ ను ఏర్పాటు చేశారు. ఈ క్రమంలో ప్రభాస్ కర్ణాటకకు చేరుకున్నాడు. దీనితో అభిమానులు ప్రభాస్ ఎప్పుడెప్పుడు కనిపిస్తాడా అని ఎదురుచూస్తున్న తరుణంలో.. డార్లింగ్ ఓ గుడిలో పూజలు చేస్తూ.. అభిమానులకు దర్శనం ఇచ్చాడు. కర్ణాటకకు వెళ్లిన ప్రభాస్ .. మంగళూరులోని శ్రీ దుర్గా పరమేశ్వరి ఆలయాన్ని సందర్శించారు. “సలార్” ప్రొడ్యూసర్ విజయ్ కిరగందూర్ తో కలిసి ఈ ఆలయానికి వెళ్లారు. అక్కడ ప్రత్యేక పూజలు నిర్వహించారు. సలార్ చిత్రం భారీ హిట్ ను సాధించిన కారణంగా.. ఈ పూజలు నిర్వహించినట్లు సమాచారం. ఇక తన అభిమాన హీరో ఇలా పూజలు చేస్తూ కనిపించడంతో.. ఈ వీడియోలు ప్రస్తుతం సామజిక మాధ్యమాలలో చక్కర్లు కొడుతున్నాయి. డార్లింగ్ ఫ్యాన్స్ ఈ వీడియోలను తెగ వైరల్ చేస్తున్నారు.

ఇక ప్రభాస్ సినిమాల విషయానికొస్తే.. సలార్ పార్ట్-1 సీజ్ ఫైర్ తో.. భారీ హిట్ ను అందుకున్నాడు. అలాగే ఈ చిత్రం సెకండ్ పార్ట్ శౌర్యంగ పర్వం పేరుతో చిత్రీకరిస్తున్న సంగతి తెలిసిందే. అది కాకుండా నాగ్ అశ్విన్ దర్శకత్వంలో..ప్రభాస్ నటించిన “కల్కి” మూవీ విడుదల తేదిని మేకర్స్ తాజాగా ప్రకటించారు. ఈ ఏడాది సమ్మర్ లో మే 9న థియేటర్ లలో “కల్కి” చిత్రం సందడి చేయనుంది. ఈ చిత్రం ప్రేక్షకులను ఎంతగా ఆకట్టుకుంటుందో వేచి చూడాలి. ఇక ప్రస్తుతం గుడిలో ప్రభాస్ పూజలు చేస్తున్న వీడియోలు సోషల్ మీడియాలో తెగ వైరల్ అవుతున్నాయి. మరి, ఈ వీడియోలపై మీ అభిప్రాయాలను కామెంట్స్ రూపంలో తెలియజేయండి.

. #Prabhas @ Kateel Temple. He walked a lot may divine listens to him & bestow him whatever his desires are 🤲♥️ pic.twitter.com/uZ6w5By1Xg

— Ace in Frame-Prabhas (@pubzudarlingye) January 12, 2024

May the force be with u always !
.#Prabhas 🤲 pic.twitter.com/luGV7WOxNv

— Ace in Frame-Prabhas (@pubzudarlingye) January 12, 2024