అలాంటి నేతలకు షాకిచ్చిన యువ ఓటర్లు!

తెలంగాణలో ఎన్నికల వాతావరణం హీటెక్కింది. గెలుపే లక్ష్యంగా అధికార, విపక్ష పార్టీలు విశ్వ ప్రయత్నాలు చేస్తున్నారు. అంతేకాక అభ్యర్ధులు కూడా ఎన్నికల ఖర్చుల కోసం భారీగా డబ్బు సిద్దం చేస్తున్నట్లు సమాచారం. ఈ నేపథ్యంలో బాధ్యత కలిగిన కొందరు యువ ఓటర్లు వినూత్న రీతిలో ఓటు విలువ తెలియజేస్తున్నారు. అంతేకాక డబ్బుతో ఓట్లు కొనుగోలు చేయోచ్చులే అనుకునే నేతలకు ఆ ఓటర్లు షాకిస్తున్నారు. మేం మా ఓటు అమ్ముకోమంటూ ఇంటి ముందు బోర్డులు పెట్టి.. అందరి దృష్టిని ఆకర్షిస్తున్నారు. ఓ కుటుంబ సభ్యులు.. ఓట్లు అమ్మబడవు అంటూ వారి ఇంటికి బోర్డు తగిలించారు. ప్రస్తుతం ఈ ఫోటో సోషల్ మీడియాలో తెగ వైరల్ అవుతోంది.

తెలంగాణ రాష్ట్రం ఉమ్మడి వరంగల్ జిల్లా జనగామ మండలం ఓ గ్రామానికి చెందిన వాణి అనే మహిళ ఓట్లు అమ్మబడవు అంటూ ఇంటి గేటుకు బోర్డు పెట్టింది. ఆ మహిళ పెట్టిన బోర్డు చూసి అందరు ఆశ్చర్యం వ్యక్తం చేస్తున్నారు. అంతేకాక ఆమె చేసిన పని సూపర్ అంటూ ప్రశంసలు కురిపిస్తున్నారు. ఓట్లు అమ్మబడవు అంటూ ఆమె తగిలించిన బోర్డును చూసి.. నోటుతో ఓటు కొనాలనుకునే నేతలు ఆ ఇంటి వైపు వెళ్లాలంటే అబ్బో అంటున్నారు. తమ ఇంట్లో ఉన్న ఓట్లను ఏ రాజకీయ పార్టీకి డబ్బులకు గానీ, మద్యానికి అమ్ముకోమని ఈ యువతీ తెలుపుతున్నారు. రాజకీయ పార్టీల ప్రలోభాలకు లొంగిపోవడం వల్లే మన హక్కుల్ని కోల్పోతున్నామని అంటున్నారు.

నోట్లతో ఓట్లు కొనవచ్చని భావించే  రాజకీయ నేతలు తన ఇంటికి రావద్దని హెచ్చరిస్తున్నారు. ప్రస్తుతం దీనికి సంబధించిన ఫోటో సోషల్ మీడియాలో వైరల్ అవుతోంది. అంతేకాక ఈ కుటుంబం తీసుకున్న నిర్ణయం హాట్ టాపిక్‌గా మారింది. మరికొందరు బాధ్యత కలిగిన వారు కూడా అదే బాటల పయనిస్తున్నారు. యువతిని ఆదర్శంగా తీసుకుని తమ ఇంటి ముందుకు వచ్చే నేతలకు గట్టి హెచ్చరికలు జారీ చేస్తున్నారు. అంతేకాక ఆ యువతి మాదిరిగానే  మా ఓటును అమ్ముకోమని బోర్డులు ఏర్పాటు చేసుకోవడం చర్చనీయాంశంగా మారింది. మరి.. ఈ విషయంపై మీ అభిప్రాయాలను కామెంట్స్ రూపంలో తెలియజేయండి.