ఉన్నత చదువుల కోసం అమెరికా వెళ్లింది.. పాపం, నడి రోడ్డుపై..!

ఈ అమ్మాయి పేరు నీరజ. ఖమ్మంలోని ఓ మెడికల్ కాలేజీలో బీడీఎస్ పూర్తి చేసింది. ఆ తర్వాత ఉన్నత చదువులు చదువుకోవాలని అనుకుంది. ఇందులో భాగంగానే తల్లిదండ్రుల సాయంతో కష్టపడి అమెరికా వెళ్లింది. అక్కడ ఓ ప్రముఖ యూనివర్సిటీలో పీజీ చేస్తుంది. రోజూ కాలేజీకి వెళ్తూ వస్తూ ఉండేది. ఈ క్రమంలోనే నీరజ రోడ్డుపై వెళ్తుండగా ఊహించని ఘటన చోటు చేసుకుకుంది. దీంతో ఆమె తల్లిదండ్రులు, కుటుంబ సభ్యులు కన్నీరు మున్నీరుగా విలపించారు. ఇటీవల చోటు చేసుకున్న ఈ ఘటన స్థానికంగా తీవ్ర చర్చనీయాంశంగా మారుతోంది. ఇంతకు అసలేం జరిగిందంటే?

ఉమ్మడి వరంగల్ జిల్లాలోని సీరోలు మండలం కాంపల్లి గ్రామానికి చెందిన నీరజ (28) చిన్నప్పటి నుంచి ఎంతో హుషారుగా ఉండేది. ఇంతే కాకుండా చదువుల్లో కూడా ఈ అమ్మాయి రాణిస్తూ ఉండేది. ఇక తెలంగాణలోని ఖమ్మం పట్టణంలోని ఓ ప్రముఖ మెడికల్ కాలేజీలో నీరజ బీడీఎస్ పూర్తి చేసింది. ఆ తర్వాత ఉన్నత చదువుల కోసం అమెరికా వెళ్లాలని అనుకుంది. ఇక ఇందు కోసం ఆ అమ్మాయి తన కుటంబ సభ్యులను అందరినీ ఒప్పించింది. అన్నుకున్నట్లే ఈ యువతికి అమెరికా మెస్సోరి రాష్ట్రంలోని లూయిస్ యూనిర్సిటీల్లో సీటు వచ్చింది. దీంతో ఆ యువతి ఎంతో మురిసిపోయింది. ఆ తర్వాత తల్లిదండ్రుల ప్రోత్సాహంతో ఎలాగో కష్టపడి అమెరికా వెళ్లింది.

ప్రస్తుతం నీరజ పీజీ మొదటి సంవత్సరం చదువుతోంది. అలా ఆ యువతి ప్రతి రోజూ కాలేజీకి వెళ్తూ తిరిగి తన రూమ్ కు చేరుకునేది. ఈ క్రమంలోనే అటు చదువుకుంటూనే పార్ట్ టైమ్ జాబ్ కూడా చేసేదని తెలుస్తుంది. ఇదిలా ఉంటే.. గత నెల 28న నీరజ కూరగాయల కోసమని స్థానికంగా ఉండే ఓ మార్కెట్ కు వెళ్లింది. తనకు కావాల్సిన కూరగాయలు తీసుకుని తిరిగి ఇంటికి వెళ్లాలని బయలు దేరింది. అయితే ఈ క్రమంలోనే నీరజ రోడ్డు ప్రమాదానికి గురైంది. స్థానికులు గమనించి వెంటనే ఆమెను ఆస్పత్రికి తరలించారు. వైద్యులు పరీక్షించి ఆమె అప్పటికే చనిపోయిందని నిర్ధారించారు.

అనంతరం ఇదే విషయాన్ని ఈ యువతి తల్లిదండ్రులకు సమాచారం ఇచ్చారు. ఈ సంగతి తెలుసుకుని మృతిరాలి కుటుంబ సభ్యులు, బంధువులు శోక సంద్రంలో మునిగిపోయారు. ఇదిలా ఉంటే.. ఈ శనివారం నీరజ మృతదేహాన్ని తన స్వగ్రామానికి తీసుకొచ్చారు. ఈ విషయం తెలుసుకున్న స్థానిక మృతురాలి తల్లిదండ్రులను పరామర్శించి ధైర్యం చెప్పారు. బాగా చదువుకుని మంచి ఉద్యోగంతో స్థిరపడదామని వెళ్లిన నీరజ.. శవమై తిరిగి రావడంతో వారి గ్రామస్తులు శోక సంద్రంలో మునిగపోయారు. ఇటీవల చోటు చేసుకున్న ఈ ఘటన స్థానికంగా తీవ్ర విషాదంగా మారింది. చదువు కోసం అమెరికా వెళ్లి శవమై తిరిగొచ్చిన నీరజ ఘటనపై మీ అభిప్రాయాలను కామెంట్ రూపంలో తెలియజేయండి.