P Krishna
Telangana Job Calendar: తెలంగాణలో కాంగ్రెస్ పార్టీ అధికారంలోకి వచ్చిన తర్వాత సీఎం రేవంత్ రెడ్డి పలు కీలక నిర్ణయాలు తీసుకుంటు ముందుకు సాగుతున్నారు. ఈ క్రమంలోనే నిరుద్యోగులకు గొప్ప శుభవార్త అందించారు. ఆ వివరాలు ఏంటో చూద్దాం..
Telangana Job Calendar: తెలంగాణలో కాంగ్రెస్ పార్టీ అధికారంలోకి వచ్చిన తర్వాత సీఎం రేవంత్ రెడ్డి పలు కీలక నిర్ణయాలు తీసుకుంటు ముందుకు సాగుతున్నారు. ఈ క్రమంలోనే నిరుద్యోగులకు గొప్ప శుభవార్త అందించారు. ఆ వివరాలు ఏంటో చూద్దాం..
P Krishna
గత ఏడాది తెలంగాణలో జరిగిన సార్వత్రిక ఎన్నికల్లో అధికార పార్టీ అయిన బీఆర్ఎస్ కి చెక్ పెడుతూ కాంగ్రెస్ పార్టీ విజయం సాధించింది. తెలంగాణ ముఖ్యమంత్రిగా రేవత్ రెడ్డి ప్రమాణ స్వీకారం చేసిన తొలిరోజునే ఇచ్చిన హామీ ప్రకారం ఆరు గ్యారెంటీ పథకాలపై తొలి సంతకం చేశారు. ఎన్నికల సమయంలో ప్రజలకు ఇచ్చిన మాట, మేనిఫెస్టో తూ.చ. తప్పకుండా అమలు చేస్తామని పలు సందర్భాల్లో తెలియజేశారు సీఎం రేవంత్ రెడ్డి. ఇప్పటికే ‘మహాలక్ష్మి’ , ‘రాజీవ్ ఆరోగ్యశ్రీ’ పథకాలు ప్రారంభించారు. వాటితో పాటు 200 ఉచిత కరెంట్, రూ.500 లకే గ్యాస్ సిలిండర్ లాంటి పథకాలు అమలు చేశారు. మరోవైపు రైతులకు రుణమాఫీ చేశారు. తాజాగా అసెంబ్లీ సాక్షిగా నిరుద్యోగులకు గుడ్ న్యూస్ చెప్పారు.
తెలంగాణ నిరుద్యోగులకు రేవంత్ సర్కార్ అదిరిపోయే శుభవార్త చెప్పారు. నేడు అసెంబ్లీలో జాబ్ క్యాలెండర్ విడుదల చేసింది తెలంగాణ ప్రభుత్వం. ఈ మేరకు జాబ్ క్యాలెండర్ను ఉప ముఖ్యమంత్రి భట్టి విక్రమార్క అసెంంబ్లీలో ప్రకటించారు. ప్రభుత్వ ఉద్యోగాల భర్తీకి సంబంధించిన నోటిఫికేషన్స్, పరీక్షల తేదీలను జాబ్ క్యాలెండర్ లో వెల్లడించారు. జాబ్ క్యాలెండర్ ప్రకారం టీజీపీఎస్సీ ఆధ్వర్యంలో గ్రూప్-1 పరీక్షలు అక్టోబరులో, గ్రూప్-2ను డిసెంబరులో, గ్రూప్-3 నవంబరులో నిర్వహించనున్నారు. ఉద్యోగాలకు సంబంధించిన అర్హతలను కూడా వెల్లడించారు.
