హైదరాబాద్ వాసులకు అలెర్ట్.. నేడు రోజంతా భారీ వర్షం!

తెలంగాణ రాష్ట్రంలో వాతావరణం విచిత్రంగా కనిపిస్తుంది. కొద్ది రోజులు అదిరిపోయే ఎండలు కాస్తుంటే.. మరికొద్ది రోజులు వానలు దంచికొడుతున్నాయి. అసలు ప్రస్తుతం ఎండాకాలామా, వానాకాలామా అర్థంకాని విధంగా ఉంది. ఇది ఇలా ఉంటే హైదారాబాద్ లో గురవారం వాన దంచికొట్టింది. రోజంతా వివిధ ప్రాంతాల్లో కుండపోతా వాన కురిసింది. ఇక సాయంత్రం సమయంలో అయితే మరో స్థాయిలో వాన విజృంభించింది. ఇది ఇలా ఉంటే..మరుసటి రోజు శుక్రవారం కూడా హైదరాబాద్ లో వానలు అదరగొడుతున్నాయి. ఈ క్రమంలోనే నగర వాసులకు రెయిన్ అలెర్ట్ వచ్చింది.

శుక్రవారం ఉదయం నుంచి హైదరాబాద్ లోని పలు ప్రాంతాల్లో మోస్తారు వాన కురుస్తోంది. పంజాగుట్టా, జూబ్లీహిల్స్, బంజారా హిల్స్, ఖైరతారాతాబాద్, అమీర్ పేట్, టోలీ చౌకి వంటి తదితర ప్రాంతాల్లో వర్షం పడుతోంది. మోస్తరు వర్షం కురవడంతో లోతట్టు ప్రాంతాల్లోకి భారీగా వాన నీరు చేరింది.  ఇలా వరుసగా రెండు రోజుల నుంచి వానలు పడడంతో పలు చోట్ల ట్రాఫిక్ సమస్యలు తలెత్తాయి. ఇదే సమయంలో తెలంగాణ  రాష్ట్ర  వ్యాప్తంగా మరో మూడురోజులు వర్షాలు పడతాయని  హైదరాబాద్ వాతావరణ శాఖ వెల్లడించింది. ముఖ్యంగా హైదరాబాద్, రంగారెడ్డి జిల్లాల పరిధిలో రానున్న మూడో రోజుల పాటు భారీవర్షాలు కురుస్తాయని ఐఎండీ హెచ్చరించింది. అదే విధంగా తెలంగాణ రాష్ట్రంలోని పలు జిల్లాలకు కూడా భారీ వర్ష సూచన ఉందని తెలిపిదిం.

ఇక గ్రేటర్ హైదరాబాద్ పరిధిలో వానలు జనాల్ని వణికిస్తోన్నాయి. వర్షం పడుతుందంటే చాలు నగర వాసులు, ముఖ్యంగా వాహనదారులు భయంతో వణికిపోతారు. ఇటీవల కురుస్తున్న వానలకు నగరంలోని పలు ప్రాంతాల్లో ట్రాఫిక్ సమస్య నెలకొంది. వర్షం ధాటికి  పలు ప్రాంతాలు, రోడ్లు జలమయం అయ్యాయి. గురువారం సాయంత్ర, శుక్రవారం ఉదయం మరోసారి వర్షం దంచికొడుతుండటంతో నగర వాసులు తీవ్రంగా  ఇబ్బందులు పడుతున్నారు. శుక్రవారం సాయంత్రం భారీ వర్షం పడే అవకాశం ఉందని వాతావరణ శాఖ తెలిపింది. ఈ నేపథ్యంలోనే గ్రేటర్ హైదరాబాద్ అధికారులు కీలక హెచ్చరికలు జారీ చేశారు. అవసరమైతే తప్ప బయటకు రావద్దని  సూచించారు.