ప్రముఖ ఆన్లైన్ మెసేజింగ్ యాప్ వాట్సాప్ తమ యూజర్ల కోసం మరో క్రేజీ అప్డేట్ను తీసుకొచ్చింది. రెండు అదిరిపోయే ఫీచర్లను వినియోగదారుల కోసం అందుబాటులోకి తెచ్చింది. అందులో ఒకటి ఛానెల్స్ ఫీచర్. అవును, వాట్సాప్లో కొత్తగా ఛానెల్స్ సదుపాయం వచ్చింది. ఇండియా సహా 150 దేశాల్లో ఈ ఫీచర్ను మొదలుపెట్టినట్లు మెటా తెలిపింది. ఇప్పటికే చాలా మంది యూజర్లకు ఈ ఫీచర్ అందుబాటులోకి వచ్చింది. త్వరలో మిగిలిన వారికి కూడా రానుంది. వాట్సాప్ అప్డేట్ చేసుకుంటే చాలు.. ఈ ఫీచర్ మీ వాట్సాప్లోనూ వచ్చేస్తుంది.
వాట్సాప్ను సాధారణంగా అందరూ పరస్పర కమ్యూనికేషన్ కోసం మాత్రమే వాడుతున్నారు. కానీ ఆ తర్వాత గ్రూప్స్ కూడా వచ్చాయి. ఇప్పుడు కొత్తగా ఛానెల్స్ ఫీచర్ను వాట్సాప్ అందుబాటులోకి తీసుకొచ్చింది. ఈ ఫీచర్ ద్వారా ఎవరైనా సరే తమకు నచ్చిన వ్యక్తులు, సంస్థలను ఫాలో అయ్యి వాట్సాప్లోనే ఎప్పటికప్పుడు వాళ్లకు సంబంధించిన అప్డేట్స్ తెలుసుకునేందు వీలుంది. సోషల్ మీడియా వేదికలైన ట్విట్టర్, ఇన్స్టాగ్రామ్లో ఎలాగైతే మనకు నచ్చిన వాళ్లను ఫాలో అవుతున్నామో అలాగే వాట్సాప్లోనూ ఫాలో అయి అప్డేట్స్ తెలుసుకోవచ్చు. అలాగే కావాలనుకుంటే ఈ అప్డేట్ను ఇతరులతోనూ పంచుకోవచ్చు.
వాట్సాప్లో నచ్చిన వారిని ఫాలో అయి వాళ్ల అప్డేట్స్ తెలుసుకోవచ్చు. అయితే ఫాలో అయినంత మాత్రాన మీ ఫోన్ నంబర్ ఎవరికీ కనిపించదు. స్టేటస్ ట్యాబ్ స్థానంలో అప్డేట్స్ అని కనిపిస్తుంది. అక్కడ పైభాగంలో స్టేటస్లు, దిగువన ఛానెల్స్ కనిపిస్తాయి. కింద మీకు ఫైండ్ ఛానెల్ ఆప్షన్ కనిపిస్తుంది. ఇప్పటికే అక్షయ్ కుమార్, కత్రినా కైఫ్ లాంటి బాలీవుడ్ సెలబ్రిటీఆలతో పాటు పలు మీడియా సంస్థల ఛానెల్స్ మీకు కనిపిస్తాయి. ప్లస్ సింబల్ క్లిక్ చేయడం ద్వారా ఛానెల్ను ఫాలో అవ్వొచ్చు. ఛానెల్స్ ద్వారా వ్యక్తులు కూడా తమ సొంత ఛానెల్ను క్రియేట్ చేయొచ్చు. అందుకోసం ఛానెల్స్ పక్కనే ఉన్న ప్లస్ సింబల్ క్లిక్ చేస్తే క్రియేట్ ఛానెల్ ఆప్షన్ కనిపిస్తుంది. అక్కడ ఛానెల్ పేరు, డిస్క్రిప్షన్ పేర్కొంటే క్రియేట్ అయిపోతుంది. నచ్చిన వారికి ఈ లింక్ను షేర్ చేయొచ్చు.
ఇదీ చదవండి: బ్రాహ్మణి.. మీ తాతను చెప్పుతో కొట్టించింది ఎవరు?: పోసాని
