Virat Kohli: కోహ్లీపై షాకింగ్ కామెంట్స్ చేసిన స్టార్ ఫుట్​బాలర్.. అతనెవరంటూ..?

విరాట్ కోహ్లీ.. ఈ పేరు తెలియని వారు ఉండరని చెప్పడంలో ఏమాత్రం అతిశయోక్తి లేదు. తన బ్యాటింగ్ టాలెంట్, అగ్రెషన్, స్టైల్​తో గ్లోబన్ ఐకాన్​గా మారాడు కోహ్లీ. 15 ఏళ్లుగా కన్​సిస్టెంట్​గా పెర్ఫార్మ్ చేస్తూ వరల్డ్ నంబర్ వన్ క్రికెటర్​గా ఎదిగాడు. బ్యాటింగ్ లెజెండ్ సచిన్ టెండూల్కర్ నెలకొల్పిన ఎన్నో రికార్డులను అతడు బ్రేక్ చేశాడు. ఇంకో మూడ్నాలుగేళ్లు ఆడితే మాస్టర్ బ్లాస్టర్ సాధించిన అన్ని రికార్డులను కోహ్లీ బ్రేక్ చేసినా ఆశ్చర్యపోనక్కర్లేదు. గతేడాది నుంచి అతడు సూపర్ ఫామ్​లో ఉన్నాడు. దీన్నే కంటిన్యూ చేస్తూ ఈ సంవత్సరం జరగబోయే టీ20 వరల్డ్ కప్​లో భారత్​ను విజేతగా నిలబెట్టాలని అనుకుంటున్నాడు విరాట్. అతడి అభిమానులు కూడా ఇదే కోరుకుంటున్నారు. స్టార్ బ్యాటర్ ఇలాగే ఆడాలని.. టీమిండియాను విశ్వవిజేతగా నిలపాలని అంటున్నారు. ఈ తరుణంలో కోహ్లీపై ఓ స్టార్ ఫుట్​బాలర్ షాకింగ్ కామెంట్స్ చేశాడు. విరాట్ ఎవరో తనకు తెలియదన్నాడు.

‘విరాట్ కోహ్లీనా.. అతనెవరు? ఈ పేరు నేనెప్పుడూ వినలేదే!’ అని ఓ ఇంటర్వ్యూలో స్టార్ ఫుల్​బాలర్ రొనాల్డో కామెంట్ చేశాడు. పాపులర్ యూట్యూబర్ స్పీడ్ ఈ బ్రెజిల్ ఫుట్​బాల్ స్టార్​ను ఇంటర్వ్యూ చేశాడు. ఈ సందర్భంగా కోహ్లీ తెలుసా అని అడిగాడు. దీనికి ఆయనెవరు? ఆటగాడా? తనకు తెలియదన్నాడు రొనాల్డో. కోహ్లీ ఫేమస్ క్రికెటర్ అని స్పీడ్ చెప్పగా.. ఆయన ఇక్కడ పెద్దగా పాపులర్ కాదన్నాడు రొనాల్డో. అయితే ఫొటో చూశాక తెలుసన్నాడు. ఈ స్టార్ ఫుట్​బాలర్ చేసిన వ్యాఖ్యలతో సోషల్ మీడియా ఒక్కసారిగా షేక్ అయింది. దీనిపై విరాట్ ఫ్యాన్స్ సీరియస్ అవుతున్నారు. రొనాల్డోకు వ్యతిరేకంగా కామెంట్స్ చేస్తూ ట్రోల్ చేస్తున్నారు. కోహ్లీ ఎవరో తెలియకపోవడం ఏంటని.. ఆయన కావాలనే ఇలా చేశారని అంటున్నారు. విరాట్​కు వరల్డ్​వైడ్ పాపులారిటీ ఉందని.. ఇన్​స్టాగ్రామ్​లో ఫుట్​బాల్ స్టార్ మెస్సీని కూడా అతడు మించిపోయాడని చెబుతున్నారు.

విరాట్ ఎవరో తెలియకపోతే తెలుసుకో.. అతనో లెజెండ్ అని కింగ్ ఫ్యాన్స్ నెట్టింట కామెంట్స్ చేస్తున్నారు. ఇక, ఆఫ్ఘానిస్థాన్​తో జరుగుతున్న మూడు టీ20ల సిరీస్​కు విరాట్ కోహ్లీ సెలక్ట్ అయిన విషయం తెలిసిందే. దాదాపు 14 నెలల గ్యాప్ తర్వాత టీ20ల్లోకి కమ్​బ్యాక్ ఇచ్చాడతను. 2022లో జరిగిన టీ20 వరల్డ్ కప్ తర్వాత నుంచి పొట్టి ఫార్మాట్​కు దూరంగా ఉంటూ వచ్చిన స్టార్ బ్యాటర్.. తిరిగి టీ20ల్లో ఆడేందుకు సిద్ధమయ్యాడు. అయితే పర్సనల్ రీజన్స్ వల్ల ఆఫ్ఘాన్​తో జరిగిన తొలి టీ20కి అతడు దూరమయ్యాడు. రెండు, మూడో టీ20ల్లో మాత్రం అతడు అందుబాటులో ఉంటాడు. ఈ ఏడాది జూన్​లో టీ20 ప్రపంచ కప్ జరగనున్న నేపథ్యంలో ఆఫ్ఘాన్​ సిరీస్​తో పాటు ఐపీఎల్​లోనూ బ్యాట్​తో దుమ్మురేపి ఫామ్​ను కంటిన్యూ చేయాలని కింగ్ కోరుకుంటున్నాడు. మరి.. కోహ్లీ ఎవరో తెలీదంటూ రొనాల్డో చేసిన వ్యాఖ్యలపై మీరేం అనుకుంటున్నారో కామెంట్ చేయండి.

ఇదీ చదవండి: ఆఫ్ఘాన్​తో తొలి టీ20.. భారత్ విజయానికి 5 ప్రధాన కారణాలు ఇవే..!

🚨| WATCH: Speed tells Ronaldo Nazario (R9) that Virat Kohli is better than Babar Azam 😂 pic.twitter.com/dKZOq2F5ce

— Speedy HQ (@iShowSpeedHQ) January 10, 2024