Virat Kohli: సౌతాఫ్రికా మాజీ కెప్టెన్ సెన్సేషనల్ కామెంట్స్.. కోహ్లీ తనపై ఉమ్మేశాడంటూ..!

టీమిండియా స్టార్ బ్యాటర్ విరాట్ కోహ్లీని ఇష్టపడని వారుండరని చెప్పడంలో ఏమాత్రం అతిశయోక్తి కాదు. తన బ్యాటింగ్ టాలెంట్​తో కోట్లాది మంది అభిమానుల హృదయాల్లో స్థానం సంపాదించుకున్నాడీ స్టార్ ప్లేయర్. కోహ్లీ బ్యాటింగ్, ఫిట్​నెస్​ లెవల్స్, అతడి ఎనర్జీ, స్టైల్, యాటిట్యూడ్​ను అందరూ ఇష్టపడతారు. సిచ్యువేషన్ ఎంత క్లిష్టంగా ఉన్నా సరే విరాట్ క్రీజులో ఉన్నాడంటే భారత్ గెలుపు పక్కా అనే ధీమా అందరిలోనూ ఉంటుంది. 15 ఏళ్లుగా కన్​సిస్టెంట్​గా పెర్ఫార్మ్ చేస్తూ పరుగుల వరద పారిస్తున్న ఈ స్టార్ బ్యాటర్​కు రికార్డులు సలామ్ కొడుతున్నాయి. బ్యాటింగ్ లెజెండ్ సచిన్ టెండూల్కర్ పేరు మీద ఉన్న పలు రికార్డులను బ్రేక్ చేసిన విరాట్.. ఇదే ఫామ్​తో మరో నాలుగేళ్లు ఆడితే అన్ని గ్రేట్ రికార్డులను చెరిపేసినా ఆశ్చర్యపోనక్కర్లేదు. క్రికెట్​కు బ్రాండ్ అంబాసిడర్​గా మారాడు కింగ్. అలాంటోడి మీద సౌతాఫ్రికా మాజీ కెప్టెన్ డీన్ ఎల్గర్ సంచలన వ్యాఖ్యలు చేశాడు. కోహ్లీ తన మీద ఉమ్మేశాడని అన్నాడు.

టీమిండియాతో జరిగిన ఓ మ్యాచ్​లో కోహ్లీ తన మీద ఉమ్మేశాడని ఎల్గర్ చెప్పాడు. అతడు తనను తిట్టాడని.. తాను కూడా తన భాషలో అభ్యంతకర పదం వాడి బ్యాట్​తో కొడతానన్నానని తెలిపాడు. అయితే తర్వాత రెండేళ్లకు సారీ చెప్పాడని ఓ పాడ్​కాస్ట్​లో చెప్పుకొచ్చాడు ఎల్గర్. ‘2015లో టెస్ట్ సిరీస్​లో ఆడేందుకు భారత్​కు వచ్చా. రవిచంద్రన్ అశ్విన్, రవీంద్ర జడేజా బౌలింగ్​ను ఎదుర్కోవడం చాలా కష్టంగా మారింది. ఆ టైమ్​లో కోహ్లీ నా మీద ఉమ్మేశాడు. దీంతో నా భాషలో అభ్యంతరకర పదం వాడి బ్యాట్​తో కొడతానని హెచ్చరించా’ అని ఎల్గర్ వ్యాఖ్యానించాడు. ఐపీఎల్​లో రాయల్ ఛాలెంజర్స్ బెంగళూరు తరఫున ఏబీ డివిలియర్స్​తో కలసి ఆడతాడు కాబట్టి తన భాషలో చెప్పిన ఆ పదం అర్థం ఏంటో విరాట్​కు తెలుసునన్నాడు ఎల్గర్. అయితే కోహ్లీకి తనకు మధ్య జరిగిన ఘటన గురించి డివిలియర్స్​కు తెలిసిందన్నాడు. దీంతో ఈ విషయం గురించి విరాట్​తో ఏబీడీ డిస్కస్ చేశాడని పేర్కొన్నాడు.

‘కోహ్లీకి నాకు మధ్య జరిగిన ఘటన గురించి డివిలియర్స్​కు తెలిసింది. నా టీమ్​మేట్ మీద అలా ఎందుకు ఉమ్మివేశావని విరాట్​ను ఏబీడీ ప్రశ్నించాడు. ఆ తర్వాత రెండేళ్లకు భారత జట్టు మా దేశంలో ఆడేందుకు వచ్చింది. అప్పుడు విరాట్​ నన్ను కలిశాడు. సిరీస్ ముగిసిన తర్వాత డ్రింక్​ చేద్దామా అని అడిగాడు. అక్కడ నాకు సారీ చెప్పాడు. తాను చేసిన దానికి క్షమించాలని కోరాడు. దీంతో ఆ గొడవ అక్కడే ముగిసింది. ఆ రోజు ఉదయం 3 గంటల దాకా మేం తాగుతూనే ఉన్నాం. అప్పట్లో అతడు డ్రింక్ చేసేవాడు. కానీ ఆ తర్వాత మానేశాడు. ఇప్పుడు కోహ్లీ మారిపోయాడు’ అని ఎల్గర్ చెప్పుకొచ్చాడు. కాగా, ఇటీవల సఫారీ టూర్​లో టెస్టు సిరీస్​లో ఎల్గర్ ఔట్ అయినప్పుడు కోహ్లీ సెలబ్రేట్ చేసుకోలేదు. ఆ సిరీస్ అతడికి చివరిది కావడంతో విరాట్ గౌరవ సూచకంగా సెలబ్రేషన్స్ చేసుకోలేదు. అలాగే తన టెస్ట్ జెర్సీని ఎల్గర్​కు గిఫ్ట్​గా ఇచ్చాడు. మరి.. కోహ్లీపై ఎల్గర్ చేసిన వ్యాఖ్యల మీద మీరేం అనుకుంటున్నారో కామెంట్ చేయండి.

Dean Elgar speaks pic.twitter.com/Szf7c3Y6u3

— RVCJ Sports (@RVCJ_Sports) January 29, 2024