చరిత్ర సృష్టించిన విరాట్ కోహ్లీ.. వరల్డ్ కప్ హిస్టరీలోనే..!

ఐసీసీ వన్డే వరల్డ్ కప్​-2023 నాకౌట్ మ్యాచ్​లో టీమిండియా సూపర్బ్​గా ఆడుతోంది. టాస్ నెగ్గి కెప్టెన్ రోహిత్ శర్మ బ్యాటింగ్ సెలెక్ట్ చేసుకున్నాడు. అయితే తన డెసిజన్​కు సంపూర్ణ న్యాయం చేస్తూ మొదటి ఓవర్ నుంచే పిచ్చకొట్టుడు స్టార్ట్ చేశాడు. న్యూజిలాండ్ మెయిన్ బౌలర్లు ట్రెంట్ బౌల్ట్, టిమ్ సౌథీని టార్గెట్ చేసుకొని బౌండరీలు, సిక్సులు కొట్టాడు హిట్​మ్యాన్. అతడి దెబ్బకు భారత్ 8 ఓవర్లలోనే 70 పరుగులు చేసింది. వేగంగా ఆడే క్రమంలో రోహిత్ ఔటైనా.. విరాట్ కోహ్లీ (117 నాటౌట్)తో కలసి ఇన్నింగ్స్​ను శుబ్​మన్ గిల్ (79 రిటైర్డ్ హర్ట్​) నిలబెట్టాడు. కోహ్లీని ఒక ఎండ్​లో ఉంచి తానే హిట్టింగ్​కు దిగాడు గిల్. స్పిన్నర్లు రచిన్ రవీంద్ర, మిచెల్ శాంట్నర్ బౌలింగ్​లో ఫోర్లు, సిక్సులతో హోరెత్తించాడు. అయితే సూపర్ టచ్​లో కనిపించిన గిల్ సెంచరీ చేసేలానే కనిపించాడు. కానీ క్రాంప్స్ కారణంగా అతడు గ్రౌండ్​ను వీడాడు.

నాకౌట్ మ్యాచ్​కు ఆతిథ్యం ఇస్తున్న ముంబైలో తీవ్ర ఉక్కపోతగా ఉండటంతో భారత బ్యాటర్లు పరుగులు తీసేందుకు ఇబ్బంది పడ్డారు. గిల్​లాగే విరాట్ కోహ్లీ కూడా క్రాంప్స్​తో ఇబ్బంది పడ్డాడు. అయితే శుబ్​మన్ మాత్రం గ్రౌండ్​లో నుంచి వెళ్లిపోయాడు. క్రాంప్స్ వల్ల రన్స్ తీయడం కుదరక రాంగ్ షాట్ ఆడి ఔట్ అవుతాడేమోననే ఉద్దేశంతో అతడ్ని వెనక్కి పిలిపించాడు కెప్టెన్‌ రోహిత్ శర్మ. డ్రెస్సింగ్ రూమ్​లోకి వెళ్లిన గిల్​కు ఫిజియో ట్రీట్​మెంట్ అందిస్తూ కనిపించాడు. ఇక, గిల్ రిటైర్డ్ హర్ట్​గా వెనుదిరిగిన తర్వాత ఇన్నింగ్స్​ను నడిపించే బాధ్యతను కోహ్లీ తన భుజాలపై వేసుకున్నాడు. సింగిల్స్, డబుల్స్​తో స్ట్రైక్ రొటేట్ చేస్తూనే ఛాన్స్ దొరికినప్పుడల్లా బౌండరీలు కొడుతూ రికార్డు స్థాయిలో 50వ సెంచరీని పూర్తి చేసుకున్నాడు. ఈ సీనియర్ బ్యాటర్ ఇన్నింగ్స్​ను నడిపించగా.. శ్రేయస్ అయ్యర్ (57 బంతుల్లో 77 నాటౌట్) కివీస్​ బౌలర్లను టార్గెట్ చేసి భారీ షాట్లు ఆడాడు. బౌల్ట్​తో పాటు సౌతీ, ఫిలిప్స్ బౌలింగ్​లో అయ్యర్ భారీ సిక్సులు బాదాడు.

ఈ మ్యాచ్​లో సెంచరీకి చేరువైన కోహ్లీ ఓ అరుదైన ఘనతను అందుకున్నాడు. వరల్డ్ కప్ ఎడిషన్​లో హయ్యెస్ట్ స్కోర్ చేసిన బ్యాటర్​గా చరిత్ర సృష్టించాడు విరాట్. ప్రపంచ కప్ చరిత్రలో ఒక ఎడిషన్​లో అత్యధిక రన్స్ చేసిన సచిన్ టెండూల్కర్ (673 రన్స్)ను కోహ్లీ (674*) అధిగమించాడు. ఈ లిస్టులో మాథ్యూ హేడెన్ (659), రోహిత్ శర్మ (648), డేవిడ్ వార్నర్ (647) ఉన్నారు. ఇక, వన్డే వరల్డ్ కప్​లోనే కాదు టీ20 వరల్డ్ కప్​లోనూ ఒకే ఎడిషన్​లో మోస్ట్ రన్స్ చేసిన బ్యాటర్ కోహ్లీనే కావడం విశేషం. ఇండియన్ ప్రీమియర్ లీగ్​లోనూ ఈ ఘనత కింగ్ కోహ్లీ పేరు మీదే ఉంది. నాకౌట్ మ్యాచ్​లో కోహ్లీ మరో ఘనతను కూడా సాధించాడు. ఒక వరల్డ్ కప్ ఎడిషన్​లో అత్యధిక హాఫ్ సెంచరీలు అందుకున్న ప్లేయర్​గానూ విరాట్ నిలిచాడు. మరి.. సచిన్ రికార్డును బ్రేక్ చేస్తూ కోహ్లీ ఆడిన ఇన్నింగ్స్​పై మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: గిల్​ బ్యాటింగ్​ చూసి సంతోషంలో మునిగిపోయిన పేరెంట్స్.. కెప్టెన్ రోహిత్ కూడా..!