ముంబై ఇండియన్స్ కెప్టెన్సీ నుంచి తీసేయడంతో కోపంలో ఉన్న రోహిత్ శర్మకు ఫ్రాంచైజీ మారేందుకు అవకాశం లేకుండా పోయింది. అసలు టీమ్ మారకుండా హిట్మ్యాన్ను ఆపుతోంది ఏంటో ఇప్పుడు చూద్దాం..
ముంబై ఇండియన్స్ కెప్టెన్సీ నుంచి తీసేయడంతో కోపంలో ఉన్న రోహిత్ శర్మకు ఫ్రాంచైజీ మారేందుకు అవకాశం లేకుండా పోయింది. అసలు టీమ్ మారకుండా హిట్మ్యాన్ను ఆపుతోంది ఏంటో ఇప్పుడు చూద్దాం..
క్రికెట్ ఇండివిడ్యువల్ గేమ్ కాదనేది తెలిసిందే. టీమ్లో ఉన్న పదకొండు మంది ప్లేయర్లూ కలసికట్టుగా ఆడితేనే గెలవగలరు. అందుకే పర్సనల్ రికార్డుల కంటే జట్టు విజయానికే జెంటిల్మన్ గేమ్లో ఎక్కువ ఇంపార్టెన్స్ ఇస్తారు. టీమ్లో ఎంత మంది స్టార్ ప్లేయర్లు ఉన్నా వాళ్లందరూ కెప్టెన్ నిర్ణయానికి కట్టుబడాల్సిందే. సరైన టైమ్కు సరైన నిర్ణయాలు తీసుకుంటూ, అందుబాటులో ఉన్న వనరుల్ని సరిగ్గా వినియోగించుకునే సత్తా, ప్లేయర్ల నుంచి బెస్ట్ పెర్ఫార్మెన్స్ను రాబట్టే కెప్టెన్ ఉంటే ఆ జట్టుకు తిరుగుండదు. అలాంటి బెస్ట్ కెప్టెన్ల లిస్టులో చేర్చదగ్గ వారిలో రోహిత్ శర్మ ఒకడు. ఇంటర్నేషనల్ క్రికెట్ను పక్కనబెడితే.. ఐపీఎల్లో ముంబై ఇండియన్స్ను అతడు లీడ్ చేసిన విధానాన్ని ఎవ్వరైనా మెచ్చుకోక తప్పదు. పదేళ్ల డ్యురేషన్లో ముంబైకి ఏకంగా 5 ట్రోఫీలు అందించాడు రోహిత్. అలాంటోడ్ని సడన్గా కెప్టెన్సీ నుంచి తీసేసింది ఎంఐ.
కెప్టెన్సీ నుంచి తనను తీసేయడంతో తీవ్ర అసంతృప్తిలో ఉన్న హిట్మ్యాన్ ముంబైని వీడతాడంటూ వార్తలు వస్తున్నాయి. కానీ అతడు ఎంఐని వదిలి బయటకు వెళ్లడం అంత ఈజీ కాదు. ముంబై ఫ్రాంచైజీని వదలకుండా రోహిత్కు ఓ రూల్ అడ్డుపడుతోంది. అదే టీమ్ కాంట్రాక్ట్. దీని కారణంగా ముంబైని వదలి వెళ్లలేని పరిస్థితి. ఆల్రెడీ హిట్మ్యాన్ కోసం ఢిల్లీ క్యాపిటల్స్ సహా ఒకట్రెండు ఫ్రాంచైజీలు ప్రయత్నించాయని తెలుస్తోంది. అయితే ముంబై ఇండియన్స్తో అతడికి ఉన్న కాంట్రాక్ట్ డీల్ కారణంగా అది కుదరలేదట. రోహిత్ను ఇచ్చేందుకు ఎంఐ ఒప్పుకోలేదని టాక్. ఇటీవల జరిగిన ఐపీఎల్ ప్లేయర్ల రిటెన్షన్ టైమ్లోనే రోహిత్ కోసం ఢిల్లీ ప్రయత్నించిందట. అటు గుజరాత్ టైటాన్స్తో ముంబై ఇండియన్స్ జోరుగా చర్చలు సాగిస్తున్న సమయంలోనే ఇటు ఢిల్లీ కూడా ట్రై చేసిందని వినికిడి. కానీ కాంట్రాక్ట్ డీల్ కారణంగా అతడ్ని దక్కించుకోవడం కుదరలేదని సమాచారం.
కాంట్రాక్ట్ డీల్ కారణంగా వేరే టీమ్కు వెళ్లే ఛాన్స్ లేకపోవడంతో మరికొన్నాళ్లు ముంబైలోనే రోహిత్ ఉండిపోవడం గ్యారెంటీ. అయితే ఎంఐ తరఫున 2024 సీజనే అతడికి ఆఖరుది అని వార్తలు వస్తున్నాయి. 2025 సీజన్కు ముందు మెగా ఆక్షన్ ఉంటుంది. ప్రతి టీమ్ నలుగురు ప్లేయర్లను మాత్రమే అట్టిపెట్టుకునేందుకు ఛాన్స్ ఉంటుంది. కాబట్టి అందులో ముగ్గురు టీమిండియా ప్లేయర్లకు మాత్రమే అవకాశం. ఈ నేపథ్యంలో ముంబై హార్దిక్ పాండ్యాతో పాటు సూర్యకుమార్ యాదవ్, జస్ప్రీత్ బుమ్రాను అట్టిపెట్టుకొని రోహిత్ను వదిలేసే ఛాన్సులు ఉన్నాయి. కానీ రోహిత్తో ముంబై వ్యవహరించిన తీరు మీద అసంతృప్తితో ఉన్న సూర్యకుమార్, బుమ్రాలు కంటిన్యూ అయ్యే సూచనలు తక్కువగా ఉన్నాయి. ఒకవేళ హిట్మ్యాన్తో పాటు వాళ్లు కూడా బయటకు వచ్చేస్తే ముంబై మరింత బలహీనంగా మారుతుంది. మరి.. రోహిత్ ఒకవేళ బయటకు వస్తే ఏ ఫ్రాంచైజీకి వెళ్తాడని మీరు అనుకుంటున్నారో కామెంట్ల రూపంలో తెలియజేయండి.
ఇదీ చదవండి: Rohit Sharma: నిరాశలో ఉన్న రోహిత్ ఫ్యాన్స్కు గుడ్ న్యూస్.. హిట్మ్యాన్ ఓకే అంటే..!
Delhi Capitals tried to lure Rohit Sharma as their captain in a trade deal but Mumbai Indians rejected the proposal.#DelhiCapitals #MumbaiIndians #IPL #IPL2024 #CricketTwitter pic.twitter.com/dvsyitJdrm
— InsideSport (@InsideSportIND) December 16, 2023
