రోహిత్ శర్మ ఆ ఒక్క విషయంలో కోహ్లీని ఫాలో అవ్వాలి: ముత్తయ్య!

వరల్డ్ కప్-2023 హడావుడి తగ్గడంతో ఇప్పుడు అందరి ఫోకస్ రాబోయే టీ20 ప్రపంచ కప్​పై పడింది. వచ్చే ఏడాది జూన్​లో పొట్టి ఫార్మాట్​ కప్పు కోసం టీమ్స్ అన్నీ పోటీపడనున్నాయి. అయితే భారత స్టార్ క్రికెటర్ విరాట్ కోహ్లీతో పాటు కెప్టెన్ రోహిత్ శర్మ ఫ్యూచర్ ఏంటనే దానిపై ఇంకా క్లారిటీ రాలేదు. 35 ఏళ్లకు పైబడిన ఈ ఇద్దరు సీనియర్ క్రికెటర్లు ఎక్కువ సంవత్సరాలు కెరీర్​ను కంటిన్యూ చేసే అవకాశం కనిపించడం లేదు. ఫిట్​గా ఉండి, చక్కగా ప్లాన్ చేసుకుంటే మరో మూడ్నాలుగేళ్లు వీళ్లు కొనసాగే అవకాశాలు ఉన్నాయి. టెస్టులు మాత్రమే ఆడితే ఎక్కువ కాలం పాటు కంటిన్యూ అవ్వొచ్చు. టీ20లు వదిలి వన్డేలు, టెస్టులు ఆడితే ఇబ్బంది లేదు. కానీ పొట్టి ఫార్మాట్​లోనూ కొనసాగాలనుకుంటే మాత్రం చాన్నాళ్ల పాటు టీమిండియాకు ఆడటం కష్టమవుతుంది.

విరాట్ కోహ్లీ-రోహిత్ శర్మ కెరీర్ విషయంలో భారత క్రికెట్ బోర్డు (బీసీసీఐ) ఏ డెసిషన్ తీసుకుంటుందనేది ఇంట్రెస్టింగ్​గా మారింది. అయితే బోర్డు మాత్రం కెరీర్ పై తుది నిర్ణయాన్ని రోహిత్, విరాట్​ ఇష్టానికే వదిలేసిందని క్రికెట్ వర్గాల సమాచారం. లెజెండరీ క్రికెటర్స్​కు ఈ విషయంలో ఫుల్ ఫ్రీడమ్ ఇచ్చిందని టాక్. ఒకవేళ అదే నిజమైతే తమ ఫిట్​నెస్​, ఫోకస్, ఫ్యూచర్ ప్లాన్స్​కు తగ్గట్లు రోహిత్, కోహ్లీ డెసిషన్ తీసుకోవచ్చు. కోచ్​గా రాహుల్ ద్రవిడ్ పదవీ కాలం కూడా ముగిసినందున భారత క్రికెట్ టీమ్​లో కీలక మార్పులపై హిట్​మ్యాన్​తో బీసీసీఐ త్వరలో డిస్కస్ చేయనుందని తెలుస్తోంది. వచ్చే నాలుగేళ్లలో వైట్​బాల్ క్రికెట్​లో అనుసరించాల్సిన వ్యూహాల మీద రోహిత్​తో పాటు చీఫ్​ సెలక్టర్ అజిత్ అగార్కర్​తో బోర్డు చర్చించనుందట.

కెరీర్ విషయంలో రోహిత్ శర్మ పక్కా క్లారిటీ ఉన్నాడని తెలుస్తోంది. టీ20 ఫార్మాట్​కు తన పేరును ప్రస్తావించకపోయినా ఇబ్బంది లేదని ఇప్పటికే బీసీసీఐకి హిట్​మ్యాన్ సిగ్నల్స్ ఇచ్చాడని వినికిడి. మరోవైపు సెలక్టర్లు కూడా టీ20 టీమ్​లో పూర్తిగా యంగ్​స్టర్స్​కు ఛాన్స్ ఇవ్వాలనే యోచనలో ఉన్నారట. మొత్తం యువరక్తంతో జట్టును నింపేయాలని చూస్తున్నారట. టీ20 వరల్డ్ కప్​కు మరో ఏడు నెలల టైమ్ ఉండటంతో ఈ వ్యూహం నుంచి వెనక్కి తగ్గే సూచనలు కూడా కనిపించడం లేదు. వచ్చే కొన్నేళ్లలో వరల్డ్ టెస్ట్ ఛాంపియన్​షిప్​తో పాటు ఛాంపియన్స్ ట్రోఫీలు కూడా ఉన్న నేపథ్యంలో వీటి మీద కాన్​సంట్రేట్ చేయాలని రోహిత్ ఫిక్స్ అయ్యాడట.

టీ20 వరల్డ్ కప్​కు మరో 7 నెలల సమయమే ఉంది కాబట్టి రోహిత్, కోహ్లీని పక్కనబెట్టేందుకు బీసీసీఐ సాహసం చేయకపోవచ్చని క్రికెట్ అనలిస్టులు అంటున్నారు. అలాగే ప్రపంచ కప్ నెగ్గాలనే డ్రీమ్​ను నెరవేర్చుకునేందుకు ఈ రూపంలో వారికి మరో ఛాన్స్ కూడా ఇచ్చినట్లవుతుందని చెబుతున్నారు. ఈ నేపథ్యంలో శ్రీలంక లెజెండరీ స్పిన్నర్ ముత్తయ్య మురళీధరన్ ఇంట్రెస్టింగ్ కామెంట్స్ చేశాడు. కోహ్లీ మాదిరిగా ఫిట్​నెస్​ కాపాడుకుంటే రోహిత్ శర్మ మరో వరల్డ్ కప్ ఆడగలడని అన్నాడు. ఫిట్​నెస్ విషయంలో కోహ్లీని ఫాలో అయితే హిట్​మ్యాన్ తప్పకుండా మరో ప్రపంచ కప్​లో ఆడతాడని చెప్పాడు. మరి.. రోహిత్​ఫై మురళీధరన్ చేసిన వ్యాఖ్యల మీద మీరేం అనుకుంటున్నారో కామెంట్ల రూపంలో తెలియజేయండి.

ఇదీ చదవండి: రోహిత్-కోహ్లీ కెరీర్​పై వసీం అక్రమ్ షాకింగ్ కామెంట్స్.. అలా చేస్తే బెటర్ అంటూ..!