ఒక్క మ్యాచ్​తో ఏకంగా 7 రికార్డులు.. అశ్విన్​ చెలరేగితే ఇలా ఉంటుంది!

వెటరన్ స్పిన్నర్ రవిచంద్రన్ అశ్విన్ ఒంటిచేత్తో భారత్​ను గెలిపించాడు. బంగ్లాదేశ్​తో జరిగిన తొలి టెస్టులో ఆల్​రౌండ్ పెర్ఫార్మెన్స్​తో టీమ్ విజయంలో కీలక పాత్ర పోషించాడు. ఈ మ్యాచ్​లో పర్యాటక జట్టుపై 280 పరుగుల తేడాతో ఘనవిజయం సాధించింది రోహిత్ సేన. అటు బ్యాటింగ్​, ఇటు బౌలింగ్​లో అద్భుతమైన ప్రదర్శనతో జట్టుకు భారీ విజయాన్ని అందించాడు అశ్విన్. అలాగని రిషబ్ పంత్, శుబ్​మన్ గిల్, రవీంద్ర జడేజా, జస్​ప్రీత్ బుమ్రా లాంటి ఆటగాళ్ల కాంట్రిబ్యూషన్​ను తక్కువ చేయడానికి లేదు. కానీ చెన్నై టెస్ట్ విజయంలో ఎక్కువ క్రెడిట్ మాత్రం అశ్విన్​కే దక్కుతుంది. టీమ్ కష్టాల్లో ఉన్న సమయంలో బ్యాట్​తో అదుకోవడం, సెంచరీతో వీరవిహారం చేయడం, బౌలింగ్​లో అదరగొట్టి బంగ్లాను కూల్చడం ద్వారా అతడు ఈ మ్యాచ్​ను చిరస్మరణీయం చేసుకున్నాడు. అలాగే రికార్డుల మోత మోగించాడు. ఈ ఒక్క మ్యాచ్​తో ఏకంగా 7 రికార్డులు తన పేరు మీద రాసుకున్నాడు.

చెన్నై టెస్ట్ తొలి ఇన్నింగ్స్​లో క్లిష్ట సమయంలో బ్యాటింగ్​కు వచ్చిన అశ్విన్ 133 బంతుల్లో 113 పరుగుల సూపర్బ్ నాక్​ ఆడాడు. రవీంద్ర జడేజాతో కలసి ఏడో వికెట్​కు 199 పరుగులు జోడించాడు. ఆ తర్వాత బంగ్లా సెకండ్ ఇన్నింగ్స్ టైమ్​లో 6 వికెట్లు పడగొట్టాడు. పిచ్​ నుంచి స్పిన్​కు మద్దతు లభించకపోయినా ఫ్లైటెడ్ డెలివరీస్, లెంగ్త్ వేరియేషన్స్ ద్వారా ప్రత్యర్థి బ్యాటర్లను బోల్తా కొట్టించాడు. ఇలా టీమ్ సక్సెస్​లో కీ రోల్ పోషించిన అశ్విన్ ఏకంగా 7 రికార్డులు బ్రేక్ చేశాడు. ఈ మ్యాచ్​తో 37వ సారి 5 వికెట్ హాల్స్​ సాధించాడు. అలాగే ఆరో టెస్ట్ సెంచరీ నమోదు చేశాడు. టెస్ట్ క్రికెట్​లో అత్యధిక సార్లు 5 వికెట్లు తీసిన రెండో బౌలర్​గా అరుదైన ఘనత సాధించాడు. ఇదే మ్యాచ్​తో ఇంటర్నేషనల్ క్రికెట్​లో 750 వికెట్లు పూర్తి చేసుకున్నాడు.

సెంచరీ బాదిన ఓల్డెస్ట్ ఇండియన్ క్రికెటర్ల జాబితాలో అశ్విన్ నాలుగో ప్లేస్​లో నిలిచాడు. అతడి వయసు 38 సంవత్సరాలు. ఈ లిస్ట్​లో మాజీ క్రికెటర్ విజయ్ మర్చంట్ తొలి స్థానంలో ఉన్నాడు. ఆయన 40 ఏళ్ల 21 రోజుల వయసులో ఇంగ్లండ్ మీద 1951లో సెంచరీ బాదాడు. లెజెండరీ బ్యాటర్స్ రాహుల్ ద్రవిడ్ (38 సంవత్సరాల 307 రోజులు), వినూ మన్కడ్ (38 సంవత్సరాల 269 రోజులు) వరుసగా రెండు, మూడు స్థానాల్లో ఉన్నారు. 5 వికెట్ల ఘనతను అందుకున్న ఓల్డెస్ట్ ఇండియన్ బౌలర్​గానూ అశ్విన్ మరో అరుదైన ఘనత సాధించాడు. అలాగే ఓవరాల్​గా టెస్టుల్లో అత్యధిక వికెట్లు తీసిన బౌలర్ల జాబితాలో 8వ స్థానానికి ఎగబాకాడు. టెస్ట్ క్రికెట్​లో అత్యధిక సార్లు 5 వికెట్లు తీసిన బౌలర్ల లిస్ట్​లో ఆసీస్ దిగ్గజం షేర్ వార్న్ (37 సార్లు)తో కలసి సంయుక్తంగా రెండో ప్లేస్​లో నిలిచాడు అశ్విన్. ఇలా ఒకే మ్యాచ్​తో ఎన్నో రికార్డులు తన పేరు మీద లిఖించుకున్నాడు. ఇది చూసిన ఫ్యాన్స్ అశ్విన్ చెలరేగితే ఇలాగే ఉంటుందని, పాత రికార్డులకు పాతరేనని చెబుతున్నారు.

• ఇదీ చదవండి: వీడియో: ఫీల్డింగ్ చేయకుండా నిద్రపోతున్నారా? టీమిండియా ప్లేయర్లపై రోహిత్ ఫైర్!

Milestone for Ravi Ashwin in this Test Match:

– 6th Test Hundreds.
– 37th 5-wicket hauls.
– 2nd Most 5-fer in Test History.
– Completed 750 int’l wickets.
– Oldest Indian score Test Hundred
– Oldest Indian pick Test 5-fer
– 8th Most Test wickets.

– ASHWIN, THE GOAT MAN..!!!! 🐐 pic.twitter.com/r5BYD2zXnJ

— Tanuj Singh (@ImTanujSingh) September 22, 2024