Nidhan
Jr NTR To Star As Rohit Sharma In Biopic: బయోపిక్స్ ట్రెండ్ ఎంత హిట్ అయిందో తెలిసిందే. పాపులర్ ఫిల్మ్, పొలిటికల్, స్పోర్ట్స్ సెలెబ్రిటీల జీవితాలపై తీసిన పలు బయోపిక్ చిత్రాలు వసూళ్ల వర్షం కురిపించడమే గాక ఆడియెన్స్ను కూడా మెప్పించాయి.
Jr NTR To Star As Rohit Sharma In Biopic: బయోపిక్స్ ట్రెండ్ ఎంత హిట్ అయిందో తెలిసిందే. పాపులర్ ఫిల్మ్, పొలిటికల్, స్పోర్ట్స్ సెలెబ్రిటీల జీవితాలపై తీసిన పలు బయోపిక్ చిత్రాలు వసూళ్ల వర్షం కురిపించడమే గాక ఆడియెన్స్ను కూడా మెప్పించాయి.
Nidhan
మూవీ ఇండస్ట్రీలో బయోపిక్స్ చేసిన హంగామా అంతా ఇంతా కాదు. పాపులర్ ఫిల్మ్, పొలిటికల్, స్పోర్ట్స్ సెలెబ్రిటీల జీవితాలపై తీసిన పలు బయోపిక్ చిత్రాలు వసూళ్ల వర్షం కురిపించడమే గాక ఆడియెన్స్ను మెప్పించాయి. కమర్షియల్గానూ వర్కౌట్ అవడమే గాక అవార్డుల పంట పండించాయి. దీంతో ఆ భాష, ఈ భాష అనే తేడా లేకుండా చాలా ఇండస్ట్రీల్లో ఈ తరహా సినిమాలు వరుసగా వచ్చాయి. క్రీడల పరంగా చూసుకుంటే ‘భాగ్ మిల్కా భాగ్’, ‘ఎంఎస్ ధోని: ది అన్టోల్డ్ స్టోరీ’ లాంటి బయోపిక్స్ డబుల్ బ్లాక్బస్టర్స్గా నిలిచాయి. టీమిండియా లెజెండ్ యువరాజ్ సింగ్ జీవితకథతో ఇప్పుడో బయోపిక్ రూపొందుతోంది. ఈ తరుణంలో భారత కెప్టెన్ రోహిత్ శర్మ గురించి ఇంట్రెస్టింగ్ న్యూస్ బయటకు వచ్చింది. హిట్మ్యాన్ బయోపిక్లో లీడ్ రోల్లో మ్యాన్ ఆఫ్ మాసెస్ జూనియర్ ఎన్టీఆర్ నటించనున్నాడట. దీని గురించి మరిన్ని వివరాలు తెలుసుకుందాం..
రోహిత్ శర్మ లైఫ్ ఆధారంగా బయోపిక్ తీయాలని చాన్నాళ్లుగా అభిమానులు కోరుకుంటున్నారు. టీ20 వరల్డ్ కప్-2024ను భారత్ గెలుచుకున్నాక ఈ డిమాండ్లు మరింతగా ఊపందుకున్నాయి. ధోనీతో పాటు క్రికెట్ గాడ్ సచిన్ టెండూల్కర్ బయోపిక్స్ వచ్చేశాయని.. నెక్స్ట్ రోహిత్ జీవితం ఆధారంగా సినిమా తీస్తే బాగుంటుందని క్రికెట్ లవర్స్ కూడా గట్టిగా కోరుకుంటున్నారు. అయితే ఈ మూవీలో రోహిత్గా ఎవరు కనిపిస్తే బాగుంటుందనేది ఇంట్రెస్టింగ్గా మారింది. తాజాగా దీనికి సమాధానం దొరికేసినట్లే కనిపిస్తోంది. రోహిత్గా తారక్ కనిపిస్తే బాగుంటుందని అభిమానులు అంటున్నారు. భారత సారథిగా యంగ్ టైగర్ జూనియర్ ఎన్టీఆర్ నటిస్తే అదిరిపోతుందని.. స్క్రీన్స్ బ్లాస్ట్ అయిపోతాయని చెబుతున్నారు ఫ్యాన్స్.
రోహిత్ శర్మగా ఎన్టీఆర్ నటిస్తే బాగుంటుందని అటు మూవీ ఫ్యాన్స్తో పాటు ఇటు క్రికెట్ లవర్స్ కూడా కోరుకుంటున్నారు. ఇద్దరికీ చాలా పోలికలు ఉన్నాయని.. చూడటానికి దాదాపుగా ఒకేలా ఉంటారని ఫ్యాన్స్ అంటున్నారు. ఏ పాత్రలోనైనా ఈజీగా పరకాయ ప్రవేశం చేసే తారక్.. హిట్మ్యాన్ రోల్కు ఒప్పుకుంటే అంతకుమించిన సంచలనం మరొకటి లేదని చెబుతున్నారు. ఇది మరో గ్రేట్ బయోపిక్గా నిలిచిపోతుందని కామెంట్స్ చేస్తున్నారు. ఈ మూవీ కార్యరూపం దాలిస్తే చూడాలని ఉందని అంటున్నారు. అయితే ఇది రోహిత్-ఎన్టీఆర్ చేతుల్లో ఉంది. వాళ్లు ఈ ఆలోచనతో ఉంటే సాధ్యమే లేదా ఎవరైనా మేకర్స్ ఈ దిశగా ప్లాన్ చేసి బయోపిక్ను సెట్ చేస్తే సూపర్బ్గా ఉంటుంది. కాగా, ఎన్టీఆర్ నటించిన ‘దేవర’ ఫిల్మ్ రిలీజ్కు రెడీ అవుతోంది. సెప్టెంబర్ 27న పాన్ ఇండియా లెవల్లో బహు భాషల్లో ఈ మూవీ భారీ ఎత్తున విడుదల కానుంది. మరి.. రోహిత్ బయోపిక్లో ఎన్టీఆర్ నటిస్తే ఎలా ఉంటుందని మీరు భావిస్తున్నారో కామెంట్ చేయండి.
