Team India: టీమిండియా స్టార్ ఆల్రౌండర్ హార్దిక్ పాండ్యా ఇప్పుడు నయా హీరోగా అవతరించాడు. వరల్డ్ కప్ ఫైనల్తో అతడి క్రేజ్ నెక్స్ట్ లెవల్కు చేరుకుంది.
Team India: టీమిండియా స్టార్ ఆల్రౌండర్ హార్దిక్ పాండ్యా ఇప్పుడు నయా హీరోగా అవతరించాడు. వరల్డ్ కప్ ఫైనల్తో అతడి క్రేజ్ నెక్స్ట్ లెవల్కు చేరుకుంది.
13 ఏళ్ల నుంచి అందని ద్రాక్షగా ఉన్న టీ20 వరల్డ్ కప్ను భారత్ గెలుచుకోవడంతో కోట్లాది మంది అభిమానులు సంతోషంలో మునిగిపోయారు. ప్రపంచ కప్ ఫైనల్ ముగిసి పది రోజులు కావొస్తున్నా సంబురాలు ఇంకా కొనసాగుతున్నాయి. రోహిత్ సేన సాధించిన విజయాన్ని ఫ్యాన్స్ ఇంకా సెలబ్రేట్ చేసుకుంటూనే ఉన్నారు. అయితే ఈ కప్పు అంత ఈజీగా రాలేదు. టీమిండియాలోని అందరు ప్లేయర్లు కలసికట్టుగా రాణిస్తేనే ఇది సాధ్యమైంది. ఈ విక్టరీకి ఎక్కువ క్రెడిట్ స్టార్ ఆల్రౌండర్ హార్దిక్ పాండ్యాకు ఇవ్వాల్సిందే. అతడు బ్యాటింగ్తో పాటు బౌలింగ్లోనూ అద్భుతంగా రాణించాడు. 144 పరుగులు చేసిన పాండ్యా.. 11 వికెట్లు పడగొట్టాడు. ఫైనల్ ఫైట్లో కీలక సమయంలో క్లాసెన్, మిల్లర్ను ఔట్ చేసి భారత్ వైపు మ్యాచ్ను తిప్పాడు.
ఫైనల్ మ్యాచ్తో హీరోగా అవతరించాడు హార్దిక్ పాండ్యా. ఇప్పుడు అతడ్ని అభిమానించని క్రికెట్ లవర్ లేడంటే అతిశయోక్తి కాదు. మెగాటోర్నీలో అతడు ఆడిన తీరుకు అందరూ ఫిదా అయ్యారు. అయితే ఇదే హార్దిక్ను కొన్ని నెలల కింద అంతా విలన్గా చూశారు. ఐపీఎల్-2024 టైమ్లో ముంబై ఇండియన్స్ కెప్టెన్సీ వివాదం, బ్యాటర్గా, బౌలర్గా ఫెయిలవడంతో హార్దిక్ను విమర్శలు చుట్టుముట్టాయి. ఇర్ఫాన్ పఠాన్ సహా పలువురు మాజీలు అతడ్ని తిట్టిపోశారు. పాండ్యాకు ఇంత ప్రిఫరెన్స్ ఇవ్వడం అక్కర్లేదని.. ఐపీఎల్ పెర్ఫార్మెన్స్కే ఇంత బిల్డప్ ఇస్తే ఎలా అని అన్నారు. అయితే ఈ ట్రోలింగ్కు వరల్డ్ కప్ ద్వారా గట్టి కౌంటర్ ఇచ్చాడు హార్దిక్. అందుకే ఈ విషయంపై మాజీ క్రికెటర్ ఇర్ఫాన్ పఠాన్ తాజాగా రియాక్ట్ అయ్యాడు.
వరల్డ్ కప్లో హార్దిక్ ఆడిన తీరు సూపర్బ్ అంటూ మెచ్చుకున్నాడు పఠాన్. అతడి జర్నీ చాలా స్పెషల్ అని.. అన్ని విమర్శలు ఎదుర్కొని ఇంత బాగా కమ్బ్యాక్ ఇవ్వడం అంటే మామూలు విషయం కాదన్నాడు. హార్దిక్ను తాను కూడా తిట్టానని.. కానీ అందుకు అతడే కారణమన్నాడు ఇర్ఫాన్. ఐపీఎల్ సమయంలో పాండ్యా సరిగ్గా ఆడలేదని, అతడు చాలా తప్పులు చేశాడని.. అందుకే విమర్శలు చేశానని పఠాన్ స్పష్టం చేశాడు. రోహిత్ శర్మ, జస్ప్రీత్ బుమ్రా స్థాయిలో హార్దిక్ పెర్ఫార్మ్ చేసి వరల్డ్ కప్ను టీమిండియా గెలుచుకోవడంలో కీలక పాత్ర పోషించాడని మెచ్చుకున్నాడు. రోహిత్, బుమ్రా, హార్దిక్ లాంటి మ్యాచ్ విన్నర్లు ఉండటం వల్లే భారత్ చాలా స్పెషల్ టీమ్గా తయారైందన్నాడు. పాండ్యాను చూస్తుంటే 2007 టీ20 వరల్డ్ కప్కు ముందు తన పరిస్థితి ఎలా ఉండేదో అది గుర్తుకొస్తుందన్నాడు పఠాన్. ఆ టోర్నీకి ముందు తనను జట్టులో నుంచి తీసేశారని.. ఎన్నో ఇబ్బందులు ఎదుర్కొన్నాక టీమ్లోకి వచ్చి సక్సెస్ అయ్యానని పేర్కొన్నాడు. మరి.. పాండ్యా-పఠాన్ ఉదంతంపై మీ ఒపీనియన్ను కామెంట్ చేయండి.
Irfan Pathan “It’s been a special journey for Hardik Pandya.I was the one who criticized him because he was not performing during the IPL and was making a lot of mistakes at that time”
He is yet to appreciate him after his performance.pic.twitter.com/WjRD5em7dT
— Sujeet Suman (@sujeetsuman1991) July 9, 2024
