India vs Sri Lanka: శ్రీలంకతో జరిగిన ఫస్ట్ వన్డేలో టీమిండియా ఆఖరి వరకు పోరాడినా గెలుపు తీరాలకు చేరుకోలేకపోయింది. అయితే టైగా ముగిసిన ఈ మ్యాచ్లో కెప్టెన్ రోహిత్ శర్మ నాక్ మాత్రం స్పెషల్గా నిలిచింది.
India vs Sri Lanka: శ్రీలంకతో జరిగిన ఫస్ట్ వన్డేలో టీమిండియా ఆఖరి వరకు పోరాడినా గెలుపు తీరాలకు చేరుకోలేకపోయింది. అయితే టైగా ముగిసిన ఈ మ్యాచ్లో కెప్టెన్ రోహిత్ శర్మ నాక్ మాత్రం స్పెషల్గా నిలిచింది.
శ్రీలంకతో జరిగిన ఫస్ట్ వన్డేలో టీమిండియా ఆఖరి వరకు పోరాడినా గెలుపు తీరాలను చేరుకోలేకపోయింది. ఈ మ్యాచ్లో తొలుత బ్యాటింగ్ చేసిన ఆతిథ్య జట్టు అన్ని ఓవర్లు ఆడి 8 వికెట్ల నష్టానికి 230 పరుగులు చేసింది. ఆ తర్వాత ఛేజింగ్కు దిగిన రోహిత్ సేన 47.5 ఓవర్లలో 230 పరుగులకు ఆలౌట్ అయింది. ఆఖరి వరకు విజయం ఇరు జట్లతో దోబూచులాడింది. ఒక దశలో లంక సులువుగా గెలుస్తుందనిపిస్తే.. ఇంకో దశలో భారత్దే విజయంలా అనిపించింది. కానీ రిజల్ట్ క్షణాల్లో మారిపోయింది. చరిత్ అసలంక వరుస బంతుల్లో 2 వికెట్లు తీయడంతో మ్యాచ్ టై అయింది. పైకి మ్యాచ్ సమమైనట్లు కనిపించినా.. నైతికంగా చూస్తే లంకదే విజయమని ఎక్స్పర్ట్స్ అంటున్నారు.
రోహిత్ శర్మ, విరాట్ కోహ్లీ, కేఎల్ రాహుల్, శ్రేయస్ అయ్యర్ లాంటి టాప్ బ్యాటర్స్ ఉన్న టీమ్ను 230 ఛేజ్ చేయకుండా లంక ఆపడాన్ని మెచ్చుకోవాల్సిందే. ఆ జట్టు పోరాడిన తీరు ఎప్పటికీ గుర్తుండిపోతుంది. అయితే నిన్నటి మ్యాచ్లో మెన్ ఇన్ బ్లూ కెప్టెన్ రోహిత్ శర్మ నాక్ మాత్రం స్పెషల్గా నిలిచిందని చెప్పొచ్చు. క్రీజులో ఉన్నంత సేపు ఆతిథ్య జట్టు బౌలర్లను ఉతికారేశాడు హిట్మ్యాన్. 47 బంతుల్లో 58 పరుగులు చేసిన అతడు.. 7 బౌండరీలతో పాటు 3 భారీ సిక్సులు బాదాడు. అతడి వల్లే నిన్న భారత్ ఛేజింగ్లో నిలబడింది. క్విక్‌ స్టార్ట్ లభించి ఉండకపోతే పరిస్థితి మరింత దారుణంగా ఉండేది. అయితే రోహిత్ ఇన్నింగ్స్ గురించి ఇంతగా మాట్లాడటానికి ప్రధాన కారణం స్లో పిచ్పై ఆడటమే. ఇలాంటి వికెట్పై బ్యాటింగ్ చేయడం అంత ఈజీ కాదనే విషయం తెలిసిందే.
స్లో పిచ్లో బాల్ ఆగి వస్తుంది. దీంతో బ్యాటింగ్ చేయడం కష్టంగా మారుతుంది. ఒక్కోసారి బాల్ మరింత లో అవడం లేదా అనూహ్యమైన బౌన్స్ కూడా లభిస్తూ ఉంటుంది. ఇలాంటి వికెట్లపై ముఖ్యంగా స్పిన్నర్లకు ఇక్కడ ఎక్కువ మద్దతు దొరుకుతుంది. వాళ్లను ఎదుర్కొని వికెట్ కాపాడుకుంటూ పరుగులు చేయడం ఎంతో ఛాలెంజ్తో కూడుకున్నది. కానీ రోహిత్ మాత్రం ఈ పిచ్లపై ఎలా పరుగులు చేయాలనే కిటుకు బాగా పట్టేశాడు. ఏ బౌలర్ వచ్చినా అతడి తొలి ఓవర్లోనే దంచుడు మొదలుపెడతాడు హిట్మ్యాన్. దీని వల్ల బౌలర్లు కోలుకునేందుకు టైమ్ దొరకదు. షాట్కు ముందే కమిట్ కాకుండా బాల్ బ్యాట్ మీదకు వచ్చే దాకా ఆగి ఆఖరి మూమెంట్లో బాదుతుంటాడు. స్పిన్నర్లపై స్వీప్ షాట్లతో విరుచుకుపడతాడు. దీంతో వాళ్లు లెంగ్త్ అడ్జస్ట్ చేసుకోలేక ఇబ్బంది పడతారు. నిన్నటి మ్యాచ్లోనూ ఇదే జరిగింది. అందరు బౌలర్లను ఉతికారేశాడు హిట్మ్యాన్. ఇదే ట్రిక్ను మిగతా బ్యాటర్లు కూడా పట్టుకుంటే ఇలాంటి పిచ్లపై భారత్ను ఆపడం ఎవరి వల్లా కాదని క్రికెట్ ఎక్స్పర్ట్స్ చెబుతున్నారు.
