Rohit Sharma: రోహిత్​ను తక్కువ చేసి మాట్లాడిన అసిస్టెంట్ కోచ్ నాయర్.. మీకు తెలియదంటూ..!

టీమిండియాను శ్రీలంక భయపెడుతోంది. టీ20 సిరీస్​లో మన దెబ్బకు జడుసుకున్న ఆతిథ్య జట్టు.. వన్డే సిరీస్​లో మాత్రం చెలరేగి ఆడుతూ షాకుల మీద షాకులు ఇస్తోంది. ఫస్ట్ వన్డేలో ఓడిపోయే స్థితి నుంచి పుంజుకొని ఆడిన ఆతిథ్య జట్టు మ్యాచ్​ను టై చేసింది. రెండు బంతుల్లో రెండు వికెట్లు తీసి గెలుపు ముంగిట భారత్​ను బోల్తాపడేలా చేసింది. రెండో వన్డేలో ఆ టీమ్​ మరింతగా డామినేట్ చేసింది. మొదట బ్యాటింగ్​కు దిగి 9 వికెట్లకు 240 పరుగులు చేసిన లంక.. ఆ తర్వాత రోహిత్ సేనను 208 పరుగులకు కట్టడి చేసింది. 32 పరుగుల తేడాతో గెలిచి సిరీస్​లో 1-0తో ఆధిక్యంలోకి దూసుకెళ్లింది. ఈ రెండు వన్డేల్లో భారత్​కు ఏదైనా కలిసొచ్చే అంశం ఉందంటే అది కెప్టెన్ రోహిత్ శర్మ బ్యాటింగ్ అనే చెప్పాలి.

శ్రీలంకలోని స్లో పిచ్​లపై అందరు బ్యాటర్లు విఫలమవుతున్నా రోహిత్ శర్మ మాత్రం స్పెషల్ ఇన్నింగ్స్​లతో చెలరేగుతున్నాడు. తొలి మ్యాచ్​లో 41 బంతుల్లోనే 58 పరుగుల ధనాధన్ ఇన్నింగ్స్​తో టీమిండియాకు క్విక్ స్టార్ట్ అందించాడు. రెండో వన్డేలోనూ ఇదే విధంగా ఆడాడు. 44 బంతుల్లోనే 5 ఫోర్లు, 4 భారీ సిక్సుల సాయంతో 64 పరుగులు చేశాడు. ఒకవైపు హిట్​మ్యాన్ బౌండరీలు, సిక్సుల వర్షం కురిపిస్తూ ప్రత్యర్థి బౌలర్లను ఊచకోత కోస్తుంటే మరోవైపు మిగతా బ్యాటర్లంతా సరెండర్ అయిపోతున్నారు. ఒక్కో రన్ చేసేందుకు నానాకష్టాలు పడుతున్నారు. కొందరైతే డబుల్ డిజిట్ కూడా చేరుకోవడం లేదు. ఈ నేపథ్యంలో రోహిత్​ను ప్రశంసించాల్సింది పోయి.. టీమిండియా అసిస్టెంట్ కోచ్ అభిషేక్ నాయర్ అతడి బ్యాటింగ్​ను తక్కువ చేసి మాట్లాడటం ఇప్పుడు చర్చనీయాంశంగా మారింది.

‘ఈ ఓటమి మాకు షాక్ అనే చెప్పాలి. అయితే మీకు తెలియదు.. ఇక్కడి కండీషన్స్, స్పిన్ ఫ్రెండ్లీ వికెట్లపై ఇలాంటి ఫలితాలు రావడంలో అంత ఆశ్చర్యమేమీ లేదు. గత మ్యాచ్​ను చూసుకున్నా కొత్త బంతిని ఎదుర్కొంటూ పరుగులు చేయడం సులువుగా మారింది. కానీ బాల్ పాతబడ్డాక రన్స్ చేయడం టఫ్​గా కనిపించింది. 50 ఓవర్ల ఫార్మాట్​లో ఇదే అతిపెద్ద ఛాలెంజ్. లంక బౌలర్లు చాలా అద్భుతంగా బౌలింగ్ చేశారు. ముఖ్యంగా వండర్సే సరైన లెంగ్త్​లో డెలివరీస్ వేస్తూ బ్యాటర్లను ఉక్కిరిబిక్కిరి చేశాడు’ అని నాయర్ చెప్పుకొచ్చాడు. మిగతా బ్యాటర్ల వైఫల్యాన్ని కవర్ చేయడం వరకు ఓకే. కానీ వాళ్లను వెనకేసుకొచ్చే క్రమంలో రోహిత్ ఇన్నింగ్స్​ను తక్కువ చేసి మాట్లాడటం ఏంటని నాయర్​పై సోషల్ మీడియాలో నెటిజన్స్ సీరియస్ అవుతున్నారు.

రోహిత్​లా లంక ఓపెనర్లు గానీ లేదా భారత మరో ఓపెనర్ గిల్ గానీ ఆడుతున్నారా అని ప్రశ్నిస్తున్నారు నెటిజన్స్. పిచ్, కండీషన్స్​, బౌలర్లను అర్థం చేసుకొని బాల్ మెరిట్​ను బట్టి హిట్​మ్యాన్ బ్యాటింగ్ చేస్తున్నాడని అంటున్నారు. హిట్​మ్యాన్​ను స్ఫూర్తిగా తీసుకొని ఇతర బ్యాటర్లు దూకుడుగా ఆడాలని అనాల్సింది పోయి న్యూ బాల్​తో రన్స్ చేయడం ఈజీ అని మాట్లాడటం సరికాదని చెబుతున్నారు. ఇదంతా గంభీర్​కు తెలిసే జరిగిందా? నాయర్ ఇక మీదట అయినా జాగ్రత్తగా మాట్లాడాలని సూచిస్తున్నారు. మరి.. రోహిత్​ను ఉద్దేశించి నాయర్ చేసిన వ్యాఖ్యలపై మీరేం అనుకుంటున్నారో కామెంట్ చేయండి.

• ఇదీ చదవండి: వీడియో: అయ్యర్ బుల్లెట్ త్రో.. అంత దూరం నుంచి త్రో ఎలా సాధ్యమైంది?

Abhishek Nayar “Scoring against the new ball was easy,like the previous game.However, the conditions became challenging for batters when the ball became old.This is something that happens in this format.”pic.twitter.com/daPyvlslug

— Sujeet Suman (@sujeetsuman1991) August 5, 2024