Nidhan
ఇంగ్లండ్తో టెస్ట్ సిరీస్కు ముందు భారత జట్టుకు బిగ్ షాక్ తగిలింది. ఈ సిరీస్లోని తొలి రెండు మ్యాచులకు స్టార్ బ్యాటర్ విరాట్ కోహ్లీ దూరమయ్యాడు. ఎందుకంటే..!
ఇంగ్లండ్తో టెస్ట్ సిరీస్కు ముందు భారత జట్టుకు బిగ్ షాక్ తగిలింది. ఈ సిరీస్లోని తొలి రెండు మ్యాచులకు స్టార్ బ్యాటర్ విరాట్ కోహ్లీ దూరమయ్యాడు. ఎందుకంటే..!
Nidhan
క్రికెట్లో మరో ఆసక్తికర సిరీస్కు సర్వం సిద్ధమవుతోంది. భారత్-ఇంగ్లండ్ జట్ల మధ్య 5 టెస్టుల సిరీస్ జరగనుంది. మరో మూడ్రోజుల్లో ఈ సిరీస్ మొదలుకానుంది. ఈ సిరీస్లో భాగంగా తొలి టెస్ట్ జనవరి 25న ఉప్పల్లోని రాజీవ్ గాంధీ ఇంటర్నేషనల్ స్టేడియంలో స్టార్ట్ కానుంది. ఇప్పటికే టీమిండియాతో పాటు ఇంగ్లండ్ క్రికెటర్లు కూడా హైదరాబాద్కు చేరుకున్నారు. ఇరు జట్ల ఆటగాళ్లు ప్రాక్టీస్లో మునిగిపోయారు. వరల్డ్ టెస్ట్ ఛాంపియన్షిప్ పాయింట్స్ టేబుల్లో టాప్ ప్లేస్కు చేరుకోవాలంటే కీలకం కావడంతో ఈ సిరీస్ను నెగ్గాలని రెండు టీమ్స్ పట్టుదలతో ఉన్నాయి. గెలిచేందుకు అవసరమైన వ్యూహాలను పన్నుతున్నాయి. ఈ తరుణంలో టీమిండియాకు భారీ షాక్ తగిలింది. ఇంగ్లండ్తో తొలి రెండు టెస్టులకు స్టార్ బ్యాటర్ విరాట్ కోహ్లీ దూరమయ్యాడు.
ఇంగ్లండ్తో జరగనున్న టెస్ట్ సిరీస్కు కోహ్లీ దూరమయ్యాడు. అయితే సిరీస్లోని మొదటి రెండు మ్యాచులకు మాత్రమే విరాట్ దూరంగా ఉండనున్నాడు. వ్యక్తిగత కారణాల వల్ల అతడు ఈ మ్యాచ్లకు అందుబాటులో ఉండట్లేదు. ఈ విషయంపై కోహ్లీ రియాక్ట్ కానప్పటికీ బీసీసీఐ మాత్రం అభిమానులకు, మీడియాకు స్పెషల్ రిక్వెస్ట్ చేసింది. కోహ్లీ పర్సనల్ రీజన్స్ వల్ల ఇంగ్లండ్తో తొలి రెండు టెస్టులకు దూరంగా ఉంటాడని.. దయచేసి అతడి ప్రైవసీకి ఎలాంటి భంగం కలిగించొద్దని భారత క్రికెట్ బోర్డు కోరింది. ఇది తెలిసిన ఫ్యాన్స్ విరాట్ త్వరగా కమ్బ్యాక్ ఇవ్వాలని కోరుకుంటున్నారు. కింగ్ ప్రైవసీకి భంగం కలిగించబోమని.. అతడు గ్రౌండ్లో చెలరేగి ఆడితే చూడాలని ఉందని కామెంట్స్ చేస్తున్నారు.
కోహ్లీకి అసలు ఏమైందని.. అతను ఎందుకు రెండు టెస్టులకు దూరమయ్యాడా అని మరికొందరు అభిమానులు ఆలోచనల్లో మునిగిపోయారు. ఈ సిరీస్లోని తొలి మ్యాచ్ కోసం హైదరాబాద్కు వచ్చాడు విరాట్. అందరికంటే ముందే భాగ్యనగరానికి వచ్చి ప్రాక్టీస్ కూడా మొదలుపెట్టాక ఎందుకు మధ్యలో నుంచి వెళ్లిపోయాడనేది ఎవరికీ అర్థం కావడం లేదు. రీసెంట్గా ముగిసిన ఆఫ్ఘానిస్థాన్తో టీ20 సిరీస్ సమయంలోనూ కింగ్ ఇలాగే హఠాత్తుగా వెళ్లిపోయాడు. అప్పుడు కూడా వ్యక్తిగత కారణాల వల్లే తొలి టీ20కి దూరమయ్యాడు. అయితే ఆ తర్వాత తిరిగొచ్చి మిగిలిన రెండు మ్యాచుల్లో ఆడాడు. దీంతో అసలు విరాట్ ఎందుకు ఇలా సిరీస్ల మధ్యలో వెళ్లిపోతున్నాడు? అతడికి వచ్చిన సమస్య ఏంటో తెలియక ఫ్యాన్స్ అయోమయంలో ఉన్నారు. దీనిపై బోర్డు లేదా కోహ్లీ త్వరలో క్లారిటీ ఇస్తారేమో చూడాలి. మరి.. ఇంగ్లండ్తో తొలి రెండు టెస్టులకు కోహ్లీ దూరమవడంపై మీ అభిప్రాయాలను కామెంట్ల రూపంలో తెలియజేయండి.
🚨 NEWS 🚨
Virat Kohli withdraws from first two Tests against England citing personal reasons.
Details 🔽 #TeamIndia | #INDvENGhttps://t.co/q1YfOczwWJ
— BCCI (@BCCI) January 22, 2024
